Morgunblaðið - 19.04.2021, Qupperneq 28

28 MENNING
MORGUNBLAÐIÐ MÁNUDAGUR 19. APRÍL 2021
Í liðinni viku var þess minnst að tvö
ár voru síðan Notre Dame-kirkjan
kunna í París, ein helsta prýði
fransk-gotnesks arkitektúrs, varð
fyrir miklum skemmdum í eldsvoða.
Út um heimsbyggðina fylgdist fólk
slegið með beinni útsendingu þar
sem sjá mátti eldtungur standa upp
úr þakinu og víðfræg turnspíran
hrundi áður en her slökkviliðsmanna
náði tökum á eldinum.
„Það hefði getað farið miklu verr,“
er í The Art Newspaper haft eftir
Philippe Villeneuve, höfuðarkitekt
endurbótanna á kirkjunni. Fjöl-
miðlamenn fengu fyrir helgi að fara
um kirkjuna og kynna sér stöðu
mála en vinnupöllum hefur verið
komið fyrir bæði utan á kirkjunni og
upp undir loft inni í henni.
Villeneuve er bjartsýnn á að kirkj-
an verði aftur komin í notkun þegar
Ólympíuleikarnir verða settir í París
sumarið 2024.
Hingað til hefur vinna þess mikla
fjölda verkamanna sem vinna við
viðgerðirnar snúist um að tryggja
bygginguna, burðarvirki hennar og
hleðslur. Heimsfaraldur Covid-19
hefur tafið framkvæmdir og þá hafa
mikilvægar varnir vegna hugsan-
legrar blýeitrunar tekið tíma, en
mikið magn blýs sem var í þakinu
bráðnaði og lak niður veggina og á
gólfið við eldsvoðann. „Við verðum
að ljúka við að tryggja öryggi bygg-
ingarinnar áður en sjálf uppbygg-
ingin hefst,“ segir Villeneuve. Hann
segir að miðhluti þaks kirkjunnar og
turnspíran hafi hrunið og þá olli vatn
sem dælt var á eldinn miklum
skemmdum. Hann ítrekar þó að
skaðinn hefði getað orðið miklu
meiri, en hinar voldugu veggstoðir
sem eru utan á byggingunni hafi
haldið. Tekist hafi að bjarga mál-
verkum og höggmyndum og sé við-
gerð á listaverkunum lokið. Þá
skemmdi eldurinn hvorki kirkju-
klukkur né hið víðfræga pípuorgel,
hið stærsta í Frakklandi.
Iðnaðarmenn vinna nú hörðum
höndum við lagfæringar og styrk-
ingu á veggjum, bogum og hvolfþök-
um kirkjunnar og síðar á árinu verð-
ur farið í uppbyggingu þaksins með
sérvöldum eikartrjám. Uppbygging
nýrrar turnspíru hefst síðan eftir
um ár og verður hún með sama lagi
og úr við og blýi eins og sú sem féll.
Rannsakendum hefur enn ekki
auðnast að finna út nákvæmlega
hvers vegna eldur braust út í kirkj-
unni og hverjum sé þá um að kenna.
Stórskemmd Vegfarandi lítur til Notre Dame-kirkjunnar sem hefur verið nánast þakin vinnu-
pöllum til að auðvelda aðgang verkamanna sem vinna við lagfæringar á kirkjunni frægu.
Breytt sýn Í kirkjuskipinu hafa verið reistir vinnupallar sem ná upp undir hátt loft kirkjunnar.
Enn er unnið að því að tryggja burðarvirki byggingarinnar sem byrjað var að reisa á 12. öld.
AFP
Erfiðisvinna Iðnaðarmenn vinna hörðum höndum að styrkingu og lagfæringu veggja Notre Dame.
Notre Dame hefði getað farið verr
- Stefnt að því að kirkjan verði aftur opin þegar Ólympíuleikarnir verða í París sumarið 2024
vinnuföt fást einnig í
HAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
Mexíkóski rithöfundurinn Valeria
Luiselli hreppti í fyrra alþjóðleg
bókmenntaverðlaun, Rathbones
Folio-verðlaunin, sem veitt eru fyr-
ir framúrskarandi byrjunarverk.
Fékk hún verðlaunin fyrir bókina
Lost Children Archive. Verðlaun-
unum fylgdu peningaverðlaun,
30.000 bresk pund, um 5,2 milljónir
króna. En samkvæmt frétt breska
fagritsins Bookseller barst féð ekki
til Luiselli því svikahrappar höfðu
samband við umsjónarmenn verð-
launanna og létu þá leggja féð inn á
falskan PayPal-reikning þar sem
það gufaði upp.
Viðurkenndu umsjónarmenn-
irnir að þeir hefðu orðið „fáguðum
vefglæpamönnum“ að bráð og hefði
lögregla rannsakað málið án árang-
urs. Glæpurinn bitnaði ekki á Luis-
elli því hún fékk verðlaunaféð af-
hent að lokum.
Greint er frá því að óprúttnir að-
ilar hafi reynt að beita samskonar
svikum og komast yfir verðlaunafé
Baillie Gifford-verðlaunanna sem
Craig Brown hreppti í fyrra, en séð
var við þeim.
Verðlaunahöfundur Valeria Luiselli.
Svindlarar komust yfir verðlaunaféð
Danski leikarinn Mads Mikkelsen
mun fara með hlutverk í væntan-
legri Indiana Jones-kvikmynd sem
frumsýna á 2022. Frá þessu greinir
bandaríska tímaritið The Holly-
wood Reporter. Þar kemur fram að
Harrison Ford muni eftir sem áður
fara með titilhlutverkið auk þess
sem breska leikkonan Phoebe Wall-
er-Bridge mun leika í myndinni.
Um er að ræða fimmtu kvikmynd-
ina um fornleifafræðinginn snjalla,
sem hóf göngu sína 1981. Steven
Spielberg, sem leikstýrði fyrstu
fjórum myndunum, hefur gefið kefl-
ið áfram til
James Mangold
sem framleiddi
meðal annars
kvikmyndina The
Call of the Wild
sem skartaði
Ford í aðal-
hlutverki.
Ekki er enn
vitað neitt um
söguþráð væntanlegrar myndar, en
handritshöfundarnir eru Jonathan
Kasdan, Philip Kaufman, David Ko-
epp og George Lucas.
Ný mynd um Indiana Jones væntanleg
Mads Mikkelsen