Morgunblaðið - 04.06.2021, Side 29

MENNING 29
MORGUNBLAÐIÐ FÖSTUDAGUR 4. JÚNÍ 2021
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
SÝND MEÐ
ÍSLENSKU TALI.
SÝND MEÐ ÍSLENSKU TALI
THE WASHINGTON POST
ROGEREBERT.COM
TOTAL FILM
USA TODAY
THE SEATTLE TIMES
THE GUARDIAN
GEGGJAÐ FRAMHALD AF EINUM ÓVÆNTASTA
SPENNUÞRILLER SÍÐUSTU ÁRA
HROLLVEKJANDI SPENNUMYND
THE WRAP FILM
SÝNDMEÐ ÍSLENSKU TALI
Fjölmiðlamaðurinn Egill Helgason
var á þriðjudag, 1. júní, sæmdur
æðstu heiðursorðu Frakka vegna
köllunar, orðu sem var sett á fót af
De Gaulle hershöfðingja og fyrrver-
andi Frakklandsforseta og er ætlað
að sæma þá sem hana hljóta æðsta
heiðri forseta Frakklands. Fór
athöfnin að venju fram í sendiherra-
bústað Frakklands á Skálholtsstíg 6
og sendiherra Frakka, Graham
Paul, veitti Agli orðuna.
Í tilkynningu frá sendiráðinu seg-
ir að Egill hafi að loknu háskóla-
námi á Íslandi haldið til Parísar þar
sem hann lauk prófi í blaðamennsku
í Journalistes en Europe-stofnun-
inni. Eftir að hafa unnið hjá dag-
blöðunum Tímanum og Helgar-
póstinum hafi hann fært sig yfir í
sjónvarp þar sem hann hafi átt far-
sælan feril. Þættir hans Silfur Egils
og Kiljan séu þjóðinni vel kunnir og
hann hafi einnig unnið að sögulegu
þáttaröðunum Vesturfarar, Stein-
steypuöldin, Kaupmannahöfn,
höfuðborg Íslands og Siglufjörður,
saga bæjar. Egill hefur hlotið
Edduverðlaun nokkrum sinnum
fyrir þætti sína og hefur oft kynnt
franska menningu og tekið viðtöl
við Frakka í þeim.
Morgunblaðið/Kristinn Magnússon
Sómi Egill Helgason þakkar sendiherra Frakklands fyrir heiðursorðuna.
Egill sæmdur
heiðursorðu Frakka
Nýræktarstyrkir Miðstöðvar
íslenskra bókmennta voru afhentir í
gær í 14. sinn og hlutu þá fjórir nýir
rithöfundar sem fá hver um sig hálfa
milljón króna í styrk fyrir verk sín.
Ingólfur Eiríksson hlaut styrk fyrir
skáldsöguna Stóra bókin um sjálfs-
vorkunn: Nína Hjördís Þorkels-
dóttir fyrir ljóðabókina Lofttæmi;
Mao Alheimsdóttir fyrir skáldsög-
una Veðurfregnir og jarðarfarir og
Jakub Stachowiak fyrir ljóðabókina
Næturborgir.
Samkvæmt upplýsingum frá Mið-
stöðinni eru Nýræktarstyrkir veittir
árlega fyrir skáldverk höfunda sem
eru að stíga sín fyrstu skref á ritvell-
inum, óháð aldri, og til að hvetja þá
til frekari dáða á þeirri braut. Átt er
við skáldverk í víðri merkingu; sög-
ur, ljóð, leikrit og fleira. Alls bárust
94 umsóknir í ár, sem mun vera met-
fjöldi umsókna frá upphafi. „Í fyrra
bárust 57 umsóknir og er þetta því
65% fjölgun umsókna milli ára. Auk
metfjölda umsókna markar sérstök
tíðindi í þetta sinn að meðal þeirra
sem hljóta styrkina eru Íslendingar
af erlendu bergi brotnir, sem flutt
hafa til landsins á síðasta áratug.
Bæði hafa þau lagt stund á nám í
íslensku sem öðru máli við Háskóla
Íslands og hafa náð fullum tökum á
málinu eins og bókmenntatextar
þeirra bera með sér,“ segir í tilkynn-
ingu. Ráðgjafar í ár voru Erna
Erlingsdóttir og Ingi Björn Guðna-
son. Í umsögn þeirra um Stóru bók-
ina um sjálfsvorkunn segir að í
skáldsögunni sé „fylgst með ungum
manni sem missir tökin á lífi sínu
þegar hann dvelur við nám erlendis.
Samhliða er horft til fortíðar og
leyndarmáls í fjölskyldusögunni sem
hann reynir að ráða fram úr. Upp-
byggingin einkennist af sérlega vel
heppnuðum skiptingum milli tíma-
sviða og stíllinn er áreynslulaus en
býr yfir lúmskum húmor og kald-
hæðnum undirtóni.“
Um Lofttæmi segir að ljóðabókin
geymi „athuganir á andardrætti, líf-
magni og tónlistinni í tilverunni.
Skynjun á tilvist og umhverfi er
miðlað af næmri tilfinningu en allt er
þetta jafnframt skoðað af vísinda-
legri nákvæmni á heillandi hátt. Líf-
verur, jörð og loft eru sett undir
smásjá í ljóðum sem birta ferska sýn
á líf í hverfulum heimi.“
Um Veðurfregnir og jarðarfarir
segir að frásögnin streymi „milli
Íslands, Póllands og Frakklands á
ýmsum tímaskeiðum. Þar gengur
veðurfræðingurinn Lena um „götur
upplitaðra minninga“ sem eru eins
reikular og skýin. Afbragðsvald höf-
undar á samspili frásagnarháttar og
inntaks birtist í flæðandi texta sem
undirstrikar líkindin með hverfulli
náttúrunni sem Lena kannar og leit
hennar að bæði samastað og sátt
milli fortíðar og nútíðar.“
Um Næturborgir segir að um
heilsteypta ljóðabók sé að ræða sem
„hverfist um sorg, söknuð, borgina
og skáldskap. Þar er á áhrifaríkan
hátt slegið saman hversdagslegum
myndum og nýstárlegu tungutaki.
Ljóðin tjá sorg og ljúfsárar minn-
ingar tengdar henni á persónulegan
hátt en eiga jafnframt í áhugaverðu
samtali við íslenska ljóðagerð tutt-
ugustu aldar.“
Skáldsögur og ljóða-
bækur styrktar í ár
- Nýræktarstyrkir Miðstöðvar íslenskra bókmennta veittir
Morgunblaðið/Kristinn Magnússon
Gleðistund Höfundarnir voru að vonum glaðir þegar þeir tóku við styrkjum sínum í Gunnarshúsi í gær.
Kvikmyndin Dýrið hefur verið valin til þátttöku í
keppnisflokknum Un certain regard sem er hluti af aðal-
dagskrá alþjóðlegu kvikmyndahátíðarinnar í Cannes.
Hátíðin fer fram 6.-17. júlí. Myndin verður heims-
fumsýnd á hátíðinni og er þetta fyrsta leikna kvikmynd
Valdimars í fullri lengd, að því er segir í tilkynningu og
um mikinn heiður að ræða. Dýrið segir frá sauð-
fjárbændunum Maríu og Ingvari sem búa í fögrum en
afskekktum dal og þegar dularfull vera fæðist á bónda-
bænum ákveða þau að halda henni og ala upp sem sitt
eigið afkvæmi, eins og því er lýst í tilkynningunni, og að
vonin um nýja fjölskyldu færi þeim mikla hamingju um stund en verði þeim
síðar að tortímingu. Valdimar leikstýrði myndinni og handritið skrifaði
hann í samvinnu við Sjón. Með aðalhlutverk fer sænska leikkonan Noomi
Rapace og einnig leika í myndinni Hilmir Snær Guðnason, Björn Hlynur
Haraldsson og Ingvar E. Sigurðsson.
Noomi Rapace
Dýrið í Un certain regard í Cannes