Morgunblaðið - 11.06.2021, Side 6

sæti
KRISTÍN
THORODDSEN
P R Ó F K J Ö R S J Á L F S T Æ Ð I S F L O K K S I N S
S U Ð V E S T U R K J Ö R D Æ M I 1 0 . - 1 2 . J Ú N Í
3.
6 FRÉTTIRInnlent
MORGUNBLAÐIÐ FÖSTUDAGUR 11. JÚNÍ 2021
Esther Hallsdóttir
esther@mbl.is
Nokkur hiti er í baráttunni um
efstu sætin í yfirstandandi próf-
kjöri Sjálfstæðisflokksins í Suð-
vesturkjördæmi, að fyrsta sætinu
undanskildu. Formaður flokksins,
Bjarni Benediktsson, er einn um
oddvitasætið en aðrir þingmenn
flokksins í kjördæminu bjóða sig
allir fram í annað sæti.
Það eru þau Bryndís Haralds-
dóttir, Óli Björn Kárason og Jón
Gunnarsson. Jón Gunnarsson var í
öðru sæti í síðasta prófkjöri árið
2016, Óli Björn í þriðja sæti og
Bryndís Haraldsdóttir varð í
fimmta sæti en var færð upp í ann-
að sætið vegna kynjasjónarmiða.
Vilhjálmur snýr aftur
Áhugavert verður að fylgjast
með gengi Vilhjálms Bjarnasonar,
fyrrverandi þingmanns, í prófkjör-
inu, sem býður sig fram í 2. til 3.
sæti. Hann lenti í fjórða sæti í síð-
asta prófkjöri flokksins árið 2016
en færðist niður í fimmta sætið er
Bryndís Haraldsdóttir var færð
upp listann. Óbreyttir listar voru
lagðir fram fyrir alþingiskosningar
2017 vegna skamms fyrirvara á
kosningunum og dugði fimmta
sætið þá Vilhjálmi ekki til þingsæt-
is.
Núverandi og fyrrverandi þing-
menn eru þó ekki einir um hituna
því nýliðar veita þeim nokkra sam-
keppni. Héraðsdómarinn Arnar
Þór Jónsson býður sig fram í ann-
að til þriðja sætið. Sigþrúður Ár-
mann, lögfræðingur og fram-
kvæmdastjóri kemur einnig ný inn
á sjónarsviðið og freistar þess að
ná þriðja sætinu.
Þá sækjast Karen Elísabet Hall-
dórsdóttir og Kristín Thoroddsen,
bæjarfulltrúar í Kópavogi og Hafn-
arfirði, auk þess eftir þriðja sætinu
en sú síðarnefnda varð í sjötta sæti
síðast. Einhverjir núverandi þing-
menn flokksins gætu fallið nokkuð
niður listann ef aðrir fá gott gengi.
Gengi kvenna í kastljósinu
Margir fylgjast grannt með
gengi kvenna í kjördæminu í ljósi
þess að karlar skipuðu efstu fjögur
sætin eftir síðasta prófkjör.
Óánægja leiddi til þess að listanum
var breytt. Óljóst er hvort ráðist
verður í slíkar breytingar á listan-
um ef sama staða verður uppi eftir
þetta prófkjör.
Í fjórða sætið bjóða sig fram
Guðbjörg Oddný Jónasdóttir, vara-
bæjarfulltrúi í Hafnarfirði, og
Bergur Þorri Benjamínsson, for-
maður Sjálfsbjargar. Hannes Þórð-
ur Þorvaldsson lyfjafræðingur
sækist eftir því fimmta. Prófkjörið
stendur yfir dagana 10. til 12. júní.
Kjörstaðir voru opnir frá kl. 17:00
til 20:00 í gær og einnig í dag en
frá kl. 09:00 til 18:00 á laugardag.
Kosið er í félagsheimilum í Garða-
bæ, Hafnarfirði, Kópavogi, Mos-
fellsbæ og Seltjarnarnesi.
Morgunblaðið/Arnþór Birkisson
Valhöll Prófkjör Sjálfstæðisflokks-
ins stendur nú yfir í Kraganum.
Hörð samkeppni
um efstu sætin
Höskuldur Daði Magnússon
hdm@mbl.is
Framkvæmdir standa nú yfir við
endurnýjun vatns- og fráveitu í Vest-
urbæ Reykjavíkur og af þeim sökum
verður Mýrargata lokuð fyrir bíla-
umferð næstu þrjár vikurnar. Eins
og fram hefur komið í fjölmiðlum
þýðir þetta að Hringbraut verður
eina stofnbrautin fyrir þá sem eiga
leið út á Granda og Seltjarnarnes.
Lokunin hefur það í för með sér að
olíuflutningar úr Örfirisey munu al-
farið fara fram um Hringbraut. Olíu-
flutningum var markvisst beint það-
an fyrir nokkrum árum og yfir á
Mýrargötu og Sæbraut enda þótti
ekki heppilegt að þeir færu í gegnum
íbúðahverfi. Ljóst má vera að um-
ferð um Hringbraut verður þung
næstu vikurnar vegna þessara
þungaflutninga sem og annarra sem
þurfa að leggja lykkju á leið sína.
„Þegar fátt er um leiðir verða
menn oft að grípa í úrræði sem er
ekki efst á lista. Í þessu tilviki er það
að olíuflutningar fari um Hring-
brautina,“ segir Jón Viðar Matthías-
son, slökkviliðsstjóri á höfuðborgar-
svæðinu. „Þarna er komin upp
ákveðin neyð, það verður að fara í
þessa framkvæmd. Vonandi stenst
það að lokunin vari bara í þrjár vikur
og kannski vinnst þetta hraðar en
lagt er upp með.“
Samkvæmt upplýsingum frá Veit-
um var nauðsynlegt að ráðast í end-
urnýjun lagna á Vesturgötu, frá
Bræðraborgarstíg að Stýrimanna-
stíg og niður á Hlésgötu. Ástæðan er
sú að skólp hefur flætt í kjallara húsa
við Vesturgötu í leysingum og mikilli
úrkomu.
Fyrsti áfangi verksins er við Mýr-
argötu og Hlésgötu og lýkur honum í
júlí. Annar áfangi er yfir Nýlendu-
götu, yfir leikvöllinn við Litla völl, og
stendur fram í ágúst. Um miðjan júlí
hefst svo vinna við þriðja áfangann
sem er Vesturgatan sjálf. Verður
hluta hennar lokað fram til október-
loka.
Ljóst er að talsvert ónæði hlýst af
framkvæmdunum. Skólplögn á Vest-
urgötu liggur grunnt þar sem stutt
er niður á klöpp og því þarf að fleyga
langa leið. Það verður gert á virkum
dögum milli klukkan 8-18. Hús á
svæðinu hafa verið skoðuð svo hægt
sé að meta hvort tjón hlýst af.
Olíuflutningar færast nú
alfarið yfir á Hringbraut
- Mýrargata lokuð næstu þrjár vikur vegna framkvæmda
Morgunblaðið/Árni Sæberg
Umferð Alla jafna gengur umferðin frekar hægt á morgnana um Hring-
braut og hún verður enn þyngri næstu þrjár vikurnar hið minnsta.
Morgunblaðið/Árni Sæberg
Lokað Framkvæmdir eru hafnar á
Mýrargötu og lokað fyrir umferð.
Helgi Bjarnason
helgi@mbl.is
Hálendisvegirnir eru að opnast
þessa dagana, hver á fætur öðrum.
Opnað verður inn í Landmannalaug-
ar, um Sigölduleið, í fyrramálið og í
gær var leiðin inn í Eldgjá opnuð.
Fyrir nokkru var Kjalvegur opn-
aður inn í Kerlingarfjöll. Nú er ver-
ið að hefla veginn þaðan og inn á
Hveravelli og þótt vegurinn sé ekki
lengur lokaður á þeim kafla er hann
ekki kominn í gott stand.
Ágúst Freyr Bjartmarsson, yfir-
verkstjóri Vegagerðarinnar í Vík í
Mýrdal, segir að búið sé að moka
veginn inn í Landmannalaugar, um
Sigölduleið. Nú sé að renna af veg-
inum og verði hann heflaður um
helgina. Vegurinn verði opnaður í
fyrramálið. Það rími við það að land-
verðir og skálaverðir komi á svæðið
um helgina til að taka á móti ferða-
fólki.
Er þessi opnunartími nálægt
meðaltali áranna 2016-2020.
Opið inn í Eldgjá
Vegurinn inn í Eldgjá var opn-
aður í gær. Landmannaleið um
Dómadal er enn lokuð en Ágúst á
von á því að hægt verði að opna
hann í næstu viku.
Veiðar eru hafnar í Þórisvatni og
fleiri vötnum á þeim slóðum. Akst-
ursbanni sem verið hefur á syðsta
hluta Sprengisands var af þeim
ástæðum aflétt. Enn er vegurinn þó
talinn ófær nema stærstu bílum.
Vegurinn inn í Veiðivötn var opn-
aður í gær.
Sprengisandsleið er áfram lokuð
enda mikill snjór fyrir norðan. Á
síðustu árum hefur sú leið oft verið
opnuð í lok júní.
Vantar herslumuninn
Greiðfært hefur verið inn í Kerl-
ingarfjöll að undanförnu. Ófært er
þaðan inn í Hveravelli. Vegagerðin
er að vinna í þeim kafla núna og
þótt aksturbanni hafi verið aflétt er
vegurinn slæmur yfirferðar og
merktur ófær á kortum Vegagerð-
arinnar.
Að sögn Ágústs Sigurjónssonar,
yfirverkstjóra Vegagerðarinnar á
Selfossi, má búast við því að veg-
urinn verði tilbúinn í næstu viku.
„Það vantar bara herslumuninn,“
segir hann.
Athugað verður með ástand
Skjaldbreiðarvegar í næstu viku.
Nokkrar hálendis-
leiðir eru að opnast
- Opnað inn í Landmannalaugar í dag
Morgunblaðið/Sigurður Bogi
Landmannalaugar Búast má við að
margir ferðamenn fari þangað.