Morgunblaðið - 11.06.2021, Page 27

ÍÞRÓTTIR 27
MORGUNBLAÐIÐ FÖSTUDAGUR 11. JÚNÍ 2021
Líney Rut Halldórsdóttir, fram-
kvæmdastjóri ÍSÍ, var í gær endur-
kjörin í stjórn Evrópusambands Ól-
ympíunefnda (EOC) til næstu
fjögurra ára. Hún hefur setið í
stjórn samtakanna síðan árið 2017,
og varð þá fyrst Íslendinga til þess.
„Það er mikill heiður að njóta
áframhaldandi stuðnings til setu í
stjórn EOC. Það er afar ánægjulegt
að sjá fjölgun kvenna í stjórninni og
er það í takt við breyttar áherslur
innan EOC og ólympíuhreyfing-
arinnar,“ var meðal annars haft eft-
ir henni í yfirlýsingu eftir kjörið.
Líney áfram í
stjórn EOC
Ljósmynd/ÍSÍ
Endurkjörin Líney hefur setið í
stjórn EOC frá árinu 2017.
Bjarki Már Elísson átti mjög góðan
leik fyrir Lemgo þegar liðið vann
öruggan sigur gegn Bergischer á
heimavelli í þýsku 1. deildinni í
handknattleik í gær.
Leiknum lauk með 31:23-sigri
Lemgo en Bjarki skoraði sjö mörk
og var markahæsti leikmaður vall-
arins. Arnór Þór Gunnarsson lék
ekki með Bergischer í leiknum en
liðið er með 33 stig í ellefta sæti
deildarinnar. Lemgo er í tíunda
sætinu með 35 stig. Bjarki Már er
fjórði markahæsti leikmaður deild-
arinnar í vetur með 206 mörk.
Markahæstur í
Þýskalandi
AFP
206 Bjarki Már er fjórði marka-
hæstur í Þýskalandi.
FÓTBOLTI
Jóhann Ingi Hafþórsson
johanningi@mbl.is
Gunnhildur Yrsa Jónsdóttir leikur
væntanlega sinn 79. A-landsleik er
Ísland mætir Írlandi í vináttuleik í
fótbolta á Laugardalsvelli klukkan
17. Gunnhildur gekk í raðir Orlando
Pride fyrir leiktíðina og það voru
viðbrigði að mæta á æfingu í Laug-
ardalnum eftir veru í hitanum á
Flórída.
„Mér er svolítið kalt núna en það
er gott að koma heim og spila á
Laugardalsvelli,“ sagði Gunnhildur
á blaðamannafundi í gær. Hún er
spennt fyrir því að spila í lands-
liðstreyjunni í þriðja sinn á þessu
ári, en einu tveir leikir Íslands til
þessa á árinu 2021 komu á Ítalíu í
apríl. „Ég held að hópurinn sé tilbú-
inn í þetta og það er alltaf gaman að
spila með landsliðinu.“
Ísland leikur tvo leiki við Írland á
heimavelli, sá fyrri er í dag og sá
seinni næstkomandi þriðjudag.
Gunnhildur segir íslenska liðið
hugsa fyrst og fremst um sjálft sig,
frekar en írska liðið.
„Við fáum ekkert voðalega mikinn
tíma saman og svo erum við með
nýtt þjálfarateymi og verðum að ein-
beita okkur að okkur sjálfum og
þróa okkar samband á vellinum. Við
tökum það góða frá Ítalíuferðinni og
líka það sem þarf að laga,“ sagði
Gunnhildur.
Ungir leikmenn hafa komið sterk-
ir inn í íslenska liðið að undanförnu
og Gunnhildur segir það spennandi,
sérstaklega þar sem margar af þeim
spila erlendis.
„Mér finnst ungu stelpurnar allar
frábærar. Þær eru tilbúnar í að taka
því hlutverki sem þær fá. Ég er
mjög ánægð með hópinn og það er
alltaf gaman að koma saman. Steini
er búinn að vera mjög góður í að
koma með sínar áherslur og við er-
um öll í sama bát og á leiðinni í sömu
átt. Það er geggjað, bæði fyrir þær
og svo kynslóðina sem kemur á eftir
þeim að þær séu með þessi gæði,“
sagði Gunnhildur. Hún segir æfing-
ar landsliðsins betri núorðið, með
fleiri leikmönnum í atvinnu-
mennsku.
„Já ég finn það. Þegar leikmenn
eru að æfa á góðum hraða og í góð-
um gæðum og koma svo hingað er
það mjög gott. Það er geggjað að
hafa þessar ungu stelpur í þannig
umhverfi. Þær eru að taka næsta
skref. Það er meiri pressa hjá þeim í
þeim liðum sem þær eru í og með því
kemur bæting.“
Áhorfendur verða leyfðir í leikj-
unum og er Gunnhildur spennt að fá
loksins að spila fyrir framan ís-
lenska áhorfendur á nýjan leik.
„Fjölskyldan mín verður hálf
stúkan,“ sagði Gunnhildur létt og
hélt áfram. „Það er gaman að spila
fyrir framan íslenska áhorfendur.“
Gunnhildur hefur farið mjög vel af
stað með Orlando og liðinu gengur
vel. Á meðal liðsfélaga Gunnhildar
er brasilíska goðsögnin Marta.
„Við erum í fyrsta sæti og tap-
lausar. Það eru hins vegar bara
fimm leikir búnir og þetta er langt
tímabil. Ég er mjög ánægð þarna.
Marta og allt liðið í heild sinni eru
gæðaleikmenn sem maður getur
lært af. Ég get bætt mig enn þá
meir í þessu umhverfi. Þjálfari og
aðstæður eru frábær,“ sagði Gunn-
hildur Yrsa.
Stórfjölskyldan fyrir-
ferðarmikil í stúkunni
- Gunnhildur spennt að spila fyrir framan áhorfendur - Gengur vel í Orlando
Morgunblaðið/Eggert
Reynslumikil Gunnhildur Yrsa Jónsdóttir leikur 79. landsleikinn gegn Írum á Laugardalsvelli í dag.
Evrópumót karla í knattspyrnu hefst í dag með
leik Tyrklands og Ítalíu í A-riðli keppninnar en
leikið verður í Róm á Ítalíu.
Evrópumótið er með breyttu sniði í ár en leik-
ið er í ellefu borgum víðs vegar um Evrópu;
London á Englandi, Róm á Ítalíu, Bakú í
Aserbaídsjan, Pétursborg í Rússlandi, Sevilla á
Spáni, Búkarest í Rúmeníu, Amsterdam í Hol-
land, Glasgow í Skotlandi, Kaupmannahöfn í
Danmörku og loks München í Þýskalandi.
Til stóð að mótið myndi fara fram síðasta
sumar, sumarið 2020, en því var frestað um ár
vegna kórónuveirufaraldursins.
Alls taka 24 lið þátt í mótinu í sex riðlum.
Sextán þeirra komast áfram í útsláttarkeppn-
inna, tvö efstu liðin úr hverjum riðli og þá kom-
ast fjögur lið með bestan árangur í þriðja sæti
riðlakeppninnar áfram í sextán liða úrslitin.
Portúgal er ríkjandi Evrópumeistari eftir 1:0-
sigur gegn Frakklandi í framlengdum úrslita-
leik í París árið 2016 þar sem potrúgalski fram-
herjinn Eder skoraði sigurmark leiksins á 109.
mínútu framlengingarinnar eftir að hafa komið
inn á sem varamaður á 79. mínútu.
Þýskaland og Spánn hafa unnið keppnina oft-
ast eða þrisvar hvort. Frakkar koma þar á eftir
með tvo Evrópumeistaratitla en þeir þykja lík-
legastir til þess að vinna mótið í ár enda
ríkjandi heimsmeistarar.
A-riðill: Tyrkland, Ítalía, Wales, Sviss.
B-riðill: Danmörk, Finnland, Belgía, Rúss-
land.
C-riðill: Holland, Úkraína, Austurríki, Norð-
ur-Makedónía.
D-riðill: England, Króatía, Skotland, Tékk-
land.
E-riðill: Spánn, Svíþjóð, Pólland, Slóvakía.
F-riðill: Ungverjaland, Portúgal, Frakkland,
Þýskaland.
AFP
Heimsmeistarar Frakkar eru vel mannaðir í öll-
um stöðum og eru til alls líklegir á mótinu.
Frakkar líklegir til afreka á Evrópumótinu
_ Körfuknattleiksdeild Keflavíkur hef-
ur gengið frá samningi við Eygló Krist-
ínu Óskarsdóttir og mun hún leika
með Suðurnesjaliðinu næstu tvö tíma-
bil. Eygló lék síðast með KR en gat
ekki komið í veg fyrir fall liðsins úr
efstu deild á nýliðinni leiktíð. Eygló,
sem er 20 ára, hefur leikið með yngri
landsliðum Íslands. Keflavík hafnaði í
þriðja sæti úrvalsdeildarinnar á nýlið-
inni leiktíð en féll úr leik í undan-
úrslitum Íslandsmótsins eftir 3:0-tap
gegn Haukum.
_ Spænski sóknarmaðurinn Álvaro
Montejo mun halda af landi brott á
næstunni og á aðeins eftir að spila
þrjá leiki með Þór frá Akureyri í 1.
deildinni í knattspyrnu karla, Lengju-
deildinni, á tímabilinu. Fótbolti.net
greinir frá því að Montejo muni halda
til Spánar í lok mánaðarins til þess að
hefja undirbúning með spænska liðinu
Union Adarve fyrir komandi tímabil en
hann hjálpaði Union Adarve að vinna
sér sæti í spænsku C-deildinni á síð-
asta tímabili. Montejo hefur verið lykil-
maður Þórs undanfarin ár þar sem
hann hefur raðað inn mörkum fyrir Ak-
ureyrarliðið í 1. deildinni en hann hefur
skorað 41 mark í 61 deildarleik fyrir
Þórsara.
_ Handknattleikskonan Ragnheiður
Júlíusdóttir hefur framlengt samning
sinn við Fram en Ragnheiður, sem er
24 ára gömul, er uppalin í Safamýri.
Hún hefur leikið allan sinn feril með
Fram og verið í lykilhlutverki með lið-
inu en hún var markahæsti leikmaður
úrvalsdeildar kvenna á síðustu leiktíð.
Þá á hún að baki 31 landsleik þar sem
hún hefur skorað 41 mark en samning-
urinn er til næstu þriggja ára.
_ Atvinnukylfingurinn Haraldur
Franklín Magnús stóð sig vel á fyrsta
hring Challenge de Cádiz-mótinu sem
fram fer á Novo Sancti Petri-
golfvellinum í Cádiz á Spáni í gær.
Mótið er hluti af Áskorendamótaröð
Evrópu, þeirri næststerkustu í álfunni.
Haraldur lék hringinn á samtals 71
höggi eða einu höggi undir pari en Ís-
lendingurinn fékk fjóra fugla á hringn-
um og þrjá skolla. Hann er í 25.-50.
sæti á mótinu og á góða möguleika á
því að komast í gegnum niðurskurðinn
í dag. Fjórir kylfingar eru jafnir í efsta
sæti á samtals fimm höggum undir
pari, þeir Daniel Gavins frá Englandi,
Emilio Blanco frá Spáni, Kristof
Ulenaers frá Belgíu og Yannik Paul frá
Þýskalandi.
_ Hollenski knattspyrnumaðurinn
Georginio Wijnaldum hefur gert
þriggja ára samning við franska félag-
ið Paris SG. Miðjumaðurinn kemur til
félagsins frá Liverpool þar sem hann
hefur leikið frá árinu 2016 en samn-
ingur hans í Bítlaborginni rennur út
um næstu mánaðamót. Wijnaldum
hefur verið lykilmaður
í liði Liverpool und-
anfarin ár en hann
varð Evrópu- og
Englandsmeistari
með liðinu. Alls
lék hann 237
leiki fyrir félag-
ið í öllum
keppnum þar
sem hann
skoraði 22
mörk og lagði upp
önnur sextán.
Eitt
ogannað