Morgunblaðið - 24.07.2021, Qupperneq 25

Minningar
MORGUNBLAÐIÐ LAUGARDAGUR 24. JÚLÍ 2021
✝
Sigurlaug Ingi-
mundardóttir
fæddist í Reykjavík
1. nóvember 1947.
Hún lést á gjör-
gæsludeild Landspít-
alans 14. júlí 2021.
Foreldrar Sigur-
laugar voru hjónin
Jónína Svava Tóm-
asdóttir hár-
greiðslukona, f.
29.10. 1911, d. 10.2.
1965, og Ingimundur Eyjólfsson
prentmyndasmiður, f. 23.11.
1910, d. 13.2. 1968. Sigurlaug var
fimmta af sex systkinum sem öll
fæddust í Reykjavík. Elst var
Ingibjörg, f. 1.5. 1935, d. 3.1.
Inga Hjálmarsson vélfræðing, f.
28.7. 1965; Guðmund Smára
Ólafsson tölvunarfræðing, f.
7.10. 1966; Ingibjörgu R. Hjálm-
arsdóttur fjármálastjóra, f. 23.4.
1967; Halldór Svavar Ólafsson
sjómann, f. 18.5. 1971, d. 26.10.
1995; Rögnvald Ólafsson jarð-
verktaka, f. 29.4. 1972, og Baldur
Smára Ólafsson verkstjóra, f.
16.9. 1978. Barnabörnin eru 22
og langömmubörnin sex.
Sigurlaug ólst upp í Reykjavík
og gekk í Réttarholtsskóla. Hún
fór í Húsmæðraskólann á Löngu-
mýri í Skagafirði og 22 ára flutti
hún til Bolungarvíkur og vann
þar við fiskvinnslu og versl-
unarstörf. Sigurlaug kunni vel
við sig í Víkinni og átti ein-
staklega góðan vinskap við
tengdamóður sína, Ósk, og lærði
margt af henni, ekki síst í mat-
argerð. Árið 1989 fluttu þau
Ólafur til Ísafjarðar og þar vann
hún við aðhlynningu á Sjúkra-
húsi Ísafjarðar til ársins 1997.
Þau bjuggu á Hólmavík í sex
ár og Sigurlaug starfaði sem hús-
vörður við félagsheimilið og
íþróttamiðstöð bæjarins. Eftir
það fluttu þau aftur til Ísafjarðar
þar sem hún bjó til dánardags.
Sigurlaug var listræn og mikil
handavinnukona og saumaði
mikið á börnin sín og fleiri.
Hennar létta lund var annáluð og
allt sem hún tók sér fyrir hendur
gerði hún af alúð og ást. Þegar
hún missti son sinn, Halldór
Svavar, reyndi það gífurlega á
hana, en þau Ólafur og börnin
studdu hvert við annað á þeim
erfiða tíma.
Sigurlaug fékk heilablæðingu
árið 2003 og átti við mikil veik-
indi að stríða til dauðadags. Hún
bar sig samt alltaf vel og hélt allt-
af í sína góðu lund.
Sigurlaug verður jarðsungin
frá Ísafjarðarkirkju í dag, 24. júlí
2021, klukkan 14.
2020; Örn, f. 14.9.
1938; Drífa, f. 28.8.
1945; Brynja, f. 22.6.
1942, d. 28.4. 2019, og
Hrafn, f. 11.4. 1957.
Fyrri maður Sig-
urlaugar var Hjálmar
Þ. Baldursson kenn-
ari, f. 15.5. 1945. Sig-
urlaug giftist Ólafi
Halldórssyni skip-
stjóra, f. 28.5. 1943,
hinn 9. september
1972. Foreldrar hans voru hjónin
Halldór Halldórsson, f. 20.10.
1907, d. 14.1. 1979, og Ósk Ólafs-
dóttir, f. 11.3. 1916, d. 17.7. 2010.
Saman og hvort í sínu lagi eiga
Sigurlaug og Ólafur: Þorstein
Elsku mamma mín, þú hefur
alltaf verið ljós lífs míns og mín
helsta fyrirmynd í lífinu. Ég vann í
mömmulottóinu með þig sem
móður mína og þú hefur umvafið
mig og fjölskyldu mína ást þinni
og ég veit þú munt alltaf vaka yfir
okkur. Ég er gráti næst af sorg
við að skrifa þessi orð og hefði vilj-
að skrifa heila bók en ekki nokkur
orð, því það er svo margt sem
kemur upp í hugann og mér þykir
vænt um og vil muna.
Þú varst stórkostleg móðir og
húsmóðir og það lék allt í höndum
þér sem þú tókst þér fyrir hendur,
hvort sem það var handavinna eða
matseld. Ég get aldrei nógsam-
lega þakkað þér fyrir allt sem þú
hefur kennt mér sem ég mun búa
að alla mína ævi.
Þegar ég hugsa um þig kemur
upp í hugann mynd af þér að
skella í veislu, og það var ekkert
verið að tvínóna við það, enda
varstu mjög snögg að baka og
smyrja brauðtertur. Við systkinin
vorum svo heppin með þig og ég
man að það var alltaf til heima-
bakað á heimilinu og heitur matur
tvisvar á dag. Og ekki má gleyma
kvöldkaffinu. Síðan var alltaf gott
með kaffinu á sunnudögum, eig-
inlega kaffihlaðborð.
Í hugann kemur upp önnur
minning, minning um þegar þú
varst að passa fyrir okkur Hlyn
þegar við vorum að fara til út-
landa. Við vorum varla komin um
borð í flugið þegar við vorum farin
að spá í hvaða hlaðborð biði okkar
við heimkomu og þú búin að gera
allt húsið hreint og dekra við
krakkana okkar.
Síðan varstu alltaf svo glæsileg
og smart og eftir þér tekið hvar
sem þú komst. Ég man eftir því
sem lítil að þegar við forum að
sofa tókstu saumavélina fram og
fórst að sauma föt á okkur eða þig.
Síðan kenndir þú mér þá list þeg-
ar ég var orðin eldri. Það var ótrú-
legt hvað þú hafðir mikla orku eft-
ir langan vinnudag. Ég man líka
eftir carmenrúllunum sem þú
settir í hárið og túberingunum, og
hvað þú lagðir mikla alúð í útlitið.
Þú varst algjör skvísa.
Ást þín til okkar var endalaus
og kvaddir þú mig yfirleitt ann-
aðhvort með því að segja hvað þú
elskaðir mig mikið eða baðst guð
að geyma mig. Ég á margar minn-
ingar um ferðalögin sem þið pabbi
fóruð með, okkur bæði innanlands
og utanlands. Ég mun ætíð þakka
fyrir þær stundir sem þú hefur
verið hjá mér og fjölskyldu minni
og ég veit að börnin mín búa að því
alla tíð að hafa átt þig að sem
ömmu. Hlátur þinn og gleði mun
alltaf óma í huga mínum.
Elsku mamma, ég veit að þú
ert umvafin englum og við mun-
um alltaf elska þig.
Þín
Ingibjörg.
Elsku mamma, nú ert þú kom-
in í sumarlandið, ég á eftir sakna
þín mikið en það sem þú gafst mér
gleymist þó aldrei. Þú sýndir
ávallt hlýju, viðingu og vinsemd
gagnvart öllum, þú varst alltaf
með opna arma til að styðja alla
og þá sérstaklega Óla, pabba og
okkur öll börnin þín og síðar
barnabörnin og barnabarnabörn-
in. Þú hafðir það fyrir vana að
kveðja ávallt með orðunum ég
elska þig og guð geymi þig. Þetta
eru nú einkunnarorðin mín en þú
ert fyrirmynd mín í mörgu. Þú
varst vinamörg og ásthlý og sagð-
ir oft að ég hefði erft bestu kosti
mína frá þér. En kannski er ég
ekki eins vinamargur og þú
mamma, þar sem ég valdi að
starfa úti á sjó og hef ég farið á
mis við margt síðustu 30 árin. Ég
missti bæði af gleði- og sorgar-
stundum í fjölskyldunni vegna
fjarveru minnar úti á hafi. Æska
mín var þó góð og það voru for-
réttindi eiga þig sem mömmu og
alast upp á okkar góða heimili. Þú
sagðir mér eitt sinn að ég hefði
bjargað lífi þínu því þegar þú ólst
mig í þennan heim þá aðeins 17
ára sjálf þá hafðirðu nýlega misst
mömmu þína og ég var gleðigjaf-
inn sem þú þarfnaðist þá. Sam-
band okkar var alltaf mjög náið
og við lásum oft hugsanir hvort
annas, tengslin voru mjög sterk
okkar á milli. Minning þín mun
lifa að eilífu, þú varst trausti klett-
urinn og fyrirmyndin í mínu lífi.
Ég ætla ávallt að miðla áfram þín-
um gildum til allra en þú sparaðir
aldrei hrósið til okkar og varst svo
stolt af okkur.
Hinsta kveðja, elsku mamma,
og guð geymi þig.
Þorsteinn Ingi Hjálmarsson,
Ingibjörg Ósk Jóhannsdóttir,
börn og barnabörn.
Nú ertu leidd, mín ljúfa,
lystigarð Drottins í,
þar áttu hvíld að hafa,
hörmunga og rauna frí.
Við Guð þú mátt nú mæla,
miklu fegri en sól,
unan og eilíf sæla
er þín hjá lambsins stól.
Dóttir, í dýrðar hendi,
Drottins, mín, sofðu vært,
hann, sem þér huggun sendi,
hann elskar þig svo kært.
Þú lifðir í góðum Guði,
í Guði sofnar þú,
í eilífum andarfriði
ætíð sæl lifðu nú.
(Hallgrímur Pétursson)
Mikið á ég eftir að sakna þín
elsku Sigurlaug mín, veröldin
verður svo litlaus og fátækleg án
þín. Þú varst mikil fjölskyldukona,
alltaf svo þolinmóð og áttir enda-
lausan tíma fyrir okkur öll. Þú
hafðir svo góða nærveru, það
verður svo tómlegt að koma vest-
ur og þú tekur ekki á móti okkur
með kjötsúpu sem var sú allra
besta og skipti þá engu hversu
seint við vorum á ferðinni, alltaf
veitingar þegar við komum heim
til ykkar Óla, heimili sem stóð opið
fyrir öllum og allir voru velkomnir
á í eins langan tíma og við vildum
vera. Heimilið ykkar bar öll merki
um hversu smekkleg þú varst og
vildir alltaf hafa hreint og fínt í
kringum þig. Það var svo gaman
að fylgjast með þér leika við
barnabörnin og skemmta þeim
með sögum af foreldrum þeirra og
alltaf enduðu sögurnar á að þú
hlóst manna mest.
Þau verða þung og erfið skrefin
í dag en það er huggun harmi
gegn að nú ertu komin í sumar-
landið til Halldórs og Ingibjargar
litlu, sem þú saknaðir alltaf svo
mikið.
Þú varst einstök kona sem elsk-
aðir alla sem voru svo lánsamir að
fá að vera í þínu lífi, minning þín
verður ljós í okkar hjarta um
ókomna tíð.
Ég bið algóðan guð að vaka yfir
og gefa Óla og okkur öllum styrk
sem eigum um svo sárt að binda.
Hvíl í friði elsku tengda-
mamma, þín er og verður sárt
saknað.
Þín tengdadóttir,
Edda.
Elsku Sigurlaug amma mín.
Ég hef hugsað mikið til hennar
ömmu minnar síðustu daga. Þrátt
fyrir að hafa alltaf búið nokkuð
fjarri mínum heimaslóðum sá ég
ömmu reglulega alla ævi mína og
var gjarnan í heimsókn hjá henni
á Hólmavík og Vestfjörðunum.
Það hefur verið mér ofarlega í
huga hve rosalega skemmtileg
hún amma var. Í öllum þeim
minningum sem ég á um hana
ömmu er hún brosandi, hlæjandi
og segjandi grín. Þetta vita eflaust
allir sem hana þekktu enda var
hún Sigurlaug amma alveg sér-
staklega glaðlynd manneskja. Ef
ég get dregið einhvern lærdóm frá
henni ömmu þá er það að finna
gleðina þar sem hana er að finna
og að njóta lífsins meðan á því
stendur. Hvíldu í friði elsku amma
mín, ég trúi því að þú vakir yfir
mér með bros á vör.
Guðmundur Atli Hlynsson.
Sigurlaug Ingimundardóttir,
mágkona mín, lést 14. júlí eftir
erfiða sjúkrahúslegu. Mig langar
að minnast hennar í örfáum orð-
um.
Það var í janúar 1969 sem ung
kona með tvö börn kom til Bol-
ungarvíkur. Hún vakti athygli
mína sökum glæsileika og glað-
legrar framkomu. Ekki leið lang-
ur tími þar til hún fór að vera tíður
gestur á heimili okkar því Óli
bróðir minn hafði líka hrifist af
henni. Þau voru farin að búa sam-
an um vorið og voru saman þar til
yfir lauk. Saman eignuðust þau
þrjá syni, Halldór Svavar, Rögn-
vald og Baldur Smára, en áður átti
Óli Guðmund Smára og börn Sig-
urlaugar eru Þorsteinn Ingi og
Ingibjörg Ragnhildur Hjálmars-
börn.
Sigurlaug var mikil mamma og
amma og vinur barna sinna. Þau
Óli misstu son sinn, Halldór Svav-
ar, þegar snjóflóðið féll á Flateyri
og það var áfall sem Sigurlaug
komst aldrei yfir, þótt hún færi vel
með það. Nú á Óli bróðir erfitt eft-
ir að hafa misst lífsförunaut sinn
og ég bið allar góðar vættir að
vaka yfir honum og fjölskyldunni.
Guð blessi Sigurlaugu Ingi-
mundardóttur.
Sólveig Halldórsdóttir.
Sigurlaug
Ingimundardóttir
Vilt þú efla samstarf
Íslands og Bandaríkjanna
í menntamálum?
Fulbright stofnunin leitar að háskólamenntuðum
einstaklingi í krefjandi og fjölbreytt starf sérfræðings
(EducationUSA adviser/Fulbright program officer).
Við leitum að drífandi og lausnamiðuðum
einstaklingi með góða skipulagshæfileika og
þekkingu á bandarísku menntakerfi. Starfið felst
m.a. í ráðgjöf til námsmanna, kynningu á námi
í Bandaríkjunum og stjórnsýslu og samskiptum
tengdum Fulbright styrkjum.
Starfið krefst m.a. getu til að skrifa vandaðan
texta, bæði á íslensku og ensku, góðrar þekkingar
á helstu tölvuforritum og færni til að tileinka sér
nýja tækni, vinna með ólíka gagnagrunna og
annast kynningarstarfi og skipulagningu viðburða.
Aðrar hæfniskröfur: sveigjanleiki, þjónustulund og
samskiptahæfni.
Við bjóðum áhugavert starf í alþjóðlegu umhverfi.
Hér starfar lítið teymi þar sem framlag og frumkvæði
hvers starfsmanns skiptir máli. Verkefni eru fjölbreytt
og árstíðabundin - halda þarf utan um marga þræði
og mæta glaður hverri áskorun. Upplýsingar um
Fulbright stofnunina má finna á www.fulbright.is.
Til að sækja um starfið skal senda umsóknarbréf og
ferilskrá á netfangið belinda@fulbright.is merktar
„starfsumsókn 2021“. Umsóknarbréf skal vera á
ensku, en ferilskrá á íslensku. Vinsamlegast tilgreinið
tvo meðmælendur.
Umsóknarfrestur er til og með 11. ágúst n.k.
Fulbright stofnunin á Íslandi
Starfsmaður á skrifstofu
RUD*!'; :)5'@86;' U'!8D; DN 2/6%6A ?% 8;D6986A
98D;&9AD@@! A'N ;'Q@9U6 D& AD;YDN9F ?% 92U6982;&6A
8!U 98D;&D > 9Y;!&98?&6E 18D;&982N5D; &Q;!;87Y!9!@9 ';6 >
PDUD ?% > P2&@E
.A '; DN ;7ND \CX 98D;&9#U68&DUU ?% HD;& 5!NY?AD@)!
DN %'8D #D0N 982;& O 9'=8'AB';E -!@@68OA! '; DN 2UU6
[2&@6 > A!UU! Z F +" [D&@8 > 5!;Y6A )2%6A ?% 6A #'U%D;
Helstu verkefni
• .A9[3@ A'N B3Y6@6A ?% 9DA9Y!=8! 5!N %'98!E
• MD;YDN99'8@!@% > 9DA&SUD%9A!NU6AE
• .A9[3@ A'N #'!AD9ON6E
Menntunar-og hæfniskröfur
• M'@@86@ O AD;YDN9A>U6AG 5!N9Y!=8DF ?% 'ND
&';NDA>UD&;7N!E
• R3N 82U56Y6@@>88DE
• R3N O9U'@9Y6 ?% '@9Y6Y6@@>88DG B7N! O ;7N6 ?% ;!8!E
• -';D 9Y!=6UD%N6; ?% 9[>U&987N6; O 5!@@6B;2%N6AE
• 1J@D &;6AY57N! ?% 8!UB,!@K@I DN H;3D98 O 98D;0E
• PD&D ;OYD H[3@6986U6@)G [>Y57N@! ?% %3ND #7&@! O
AD@@U'%6A 9DA9Y!=86AE
.A93Y@!; A'N 98D;&9&';!U9Y;> 39YD98 9'@)D; &Q;!;
+CE >%,98 > @'8&D@%!NV#D6Y6;<%UD*!';D)5'@86;'E!9
L>@D;! 6==UJ9!@%D; 5'!8!; PD6Y6; W@%! T!@D;99?@ O
9OAD $ZZ +CC(E
RUD*!'; :)5'@86;' '; D&H;'Q!@%D;&Q;!;87Y! 98DN9'88 >
PDUD O 16N6;95'!8E -!NB[3N6A 6== > &';N!; O @>@D98D
6A#5';0G B7N! > [2YUD ?% &[2UUE 4 #'!AD9ON6@@!
www.glacieradventure.is '; DN 0@@D DUUD; 6==UJ9!@%D;
6A 98D;&9'A!@DE
Atvinnuauglýsingar
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Útfararþjónusta
í yfir 70 ár
Sigurður Bjarni Jónsson útfararstjóriMagnús Sævar Magnússon útfararstjóri
Guðmundur Baldvinsson útfararstjóriJón G. Bjarnason útfararstjóri
HJARTAVERND
Minningarkort
535 1800
www.hjarta.is
Minningarkort á
hjartaheill.is
eða í síma 552 5744