Fiskifréttir - 17.12.1999, Blaðsíða 8

8
FISKIFRÉTTIR 17. desember 1999
Fréttir
Fiskifélagió:
Sjómanna-
almanakiö
Sjómannaalmanakið 2000 og Is-
lensk skipa- og hafnaskrá er komin
út hjá Fiskifélagsútgáfunni, en þetta er 75. árgangur ritsins. I til-
efni þessara tímamóta í útgáfunni hefur allt efni bókanna verið
stokkað upp og skýringarmyndir endurgerðar auk þess sem nýir
efnisþættir bætast við. Meðal annars má nefna endurbættan kafla
um íslenska nytjafiska með teikningum Jóns Baldurs Hlíðbergs.
Eins og áður er bókin tvískipt og fylgir sérstök skipa- og hafnaskrá
með Almanakinu. Það bindi er einnig endurbætt að flestu leyti. Mynd-
um af skipum og bátum hefur verið fjölgað verulega og ítarlegar upp-
lýsingar er að finna um úthlutaðan aflakvóta á hvert skip. Þá eru birtar
nýjar myndir af flestum bæjarfélögum á ströndinni eftir Mats Wibe
Lund og götukort eftir Sigurgeir Skúlason.
SJOMANNA
ALMANAKIÐ
&
Sjórán og siglingar
Komin er út bókin Sjórán og siglingar eftir Helga Þorláksson
sagnfræðing og prófessor. Þar segir frá sjóránum Englendinga á
16. öld og 17. öld, sem m.a. teygðu anga sína til íslands.
Elíasabet Englandsdrottning leyfði þegnum sínum að herja á óvini
ríkisins og bandamenn þeirra með sjóránum. Eftir fráfall hennar var
enskum sjóræningjum hvergi vært og leituðu þá sumir norður í höfn og
birtust á miðunum við fsland. í þessari bók segir Helgi frá enskum sæ-
förum og sjóræningjum, duggurum, kaupmönn-
um og fálkaföngurum, dönskum valdsmönnum,
íslenskum klerkum, ráðamönnum og alþýðu
manna. Víða er komið við á íslandi en sögu-
sviðið spannar líka Færeyjar, Bretland og Ir-
land, Finnmörku, Eyrarsund, Miðjarðarhaf,
Marokkó og miðin við Nýfundnaland. Helgi
hefur leitað fanga víða erlendis og nýtir margar
heimildir sem ekki hafa verið rannsakaðar fyrr.
Utgefandi bókarinnar er Mál og menning.
Spánverjum úthýst við Marokkó
Fiskveiðisamningur Evópusambandsins og Marokkó er útrunn-
inn án þess að vera endurnýjaður. Þetta kemur fyrst og fremst nið-
ur á 4.200 spænskum sjómönnum á 390 skipum, sem stundað hafa
veiðar við Marokkóstrendur.
Þetta er ekki í fyrsta sinn sem samningar ESB og Marokkó um fisk-
veiðimál sigla í strand, en að þessu sinni virðast málin í harðari hnút en
áður. Spænsk stjómvöld hafa gert ráðstafanir til þess að sjómenn og út-
gerðarmenn fái bætur meðan þetta ástand varir. Hverjum sjómanni eru
ætlaðar sem svarar 75 þús. ísl. kr. í atvinnuleysisbætur á mánuði og út-
gerðarmenn fá frá hálfi milljón og upp í tvær milljónir króna til þess að
standa undir afborgunum af lánum og öðrum gjöldum. ESB borgar
brúsann.
Veióiheimiidir Norðmanna við ísland:
Botnfiskkvótinn skeröist ekki
Botnfiskkvóti Norðmanna við
Island skerðist ekki á næsta ári,
þótt Islendingar verði að sæta
skerðingu á þorskkvóta í Bar-
entshafi úr 8.900 honum í 7.254
tonn.
Samkvæmt Smugusamningnum
svonefnda stendur botnfiskkvóti
Norðmanna, 500 tonn af keilu,

HAÞRÝSTIKERFUM
löngu og blálöngu, óbreyttur hvort
sem veiðiheimildir Islendinga
aukast eða minnka í Barentshafi.
Hann fellur hins vegar niður, ef
þorskkvóti Islendinga í Barentshafi
fellur með öllu niður. Hins vegar
skal aðlaga loðnukvóta Norð-
manna við Island, sem Smugu-
samningurinn veitti þeim, hlut-
fallslega að árlegum kvóta íslend-
inga í Barentshafi. Loðnukvótinn
er 17.000 tonn í ár en fer niður í
13.770 tonn á því næsta.
Rétt er að minna á að þótt kvóti
Islendinga í Barentshafi á næsta ári
sé 7.254 tonn þurfa þeir að borga
Rússum kvótaleigu fyrir 1.378
tonn. Frjáls kvóti er því aðeins
5.876 tonn. Allar tölur miðast við
fisk upp úr sjó. Til viðbótar botn-
fiskkvótunum koma heimildir fyrir
aukaafla, 30% í Barentshafi og 5-
25% við Island, misjafnt eftir teg-
undum.
Heildarþorskkvótinn í Barents-
hafi á næsta ári verður 390 þús.
tonn og að auki 40 þús. tonn af
strandþorski. Þetta er 90 þús. tonna
samdráttur milli ára. Norðmenn fá
liðlega 193 þús. tonn, Rússar rúm
181 þús. tonn og önnur ríki fá rúm
55 þús. tonn. Ýsukvótinn í Bar-
entshafi minnkar úr 78 þús. tonn-
um í 62 þús. tonn. Hins vegar verða
leyfðar veiðar á 435 þús. tonnum af
loðnu sem skipt er þannig að Norð-
menn fá 261 þús. tonn og Rússar
174 þús. tonn.
Bækur
J.D.NEUHAUS
TALIUR
- loft eða rafmagns
250 kg -100 tonn
RAFVER
SKEIFUNNI 3E-F ■ SÍMI 581 2333 ■ FAX 568 0215 ■ rafver@simnet.is
Við hjá Dynjanda bjóðum fyrirtækjum og stofnunum heildarlausnir á öllu sem
viðkemur háþrýstikerfum. Stöðvarnar eru ryðfríar og búnar vönduðu og öruggu
stýrikerfi. Fjölbreytt úrval fylgihluta og traust þjónusta.
Fáið upplýsingar hjá sölumönnum okkar,
hvaða og hvernig háþrýstikerfi hentar best þínum vinnustað.
allt fyrír öryggið
SKEIFAN 3 REYKJAVIK SIMI 588 5080 FAX 568 0470