Rit Landbúnaðardeildar : A-flokkur - 01.05.1955, Blaðsíða 20

18
Samandregið yfirlit.
1. Tilraunin var gerð með mismunandi magn af síldarmjöli handa
beitarám. Hún hófst 3. febrúar, og henni lauk 21. mai. 1 tilrauninni
voru 120 ær, sem skipt var í tvo jafna flokka, A- og B-flokk, er til-
raunin hófst. Ærnar í A-flokki fengu 100 g af síldarmjöli á dag að
meðaltali hver ær, en í B-flokki 50 g. Að öðru leyti fengu ærnar í
báðum flokkum sama fóður og jafna beit.
2. Ærnar voru vegnar þrisvar sinnum á tilraunaskeiðinu og einnig
haustið eftir. Lömb þeirra voru öll vegin á fæti 24. september, og
fall vegið sér af hverju sláturlambi 27. september.
3. Lagt var stærðfræðilegt mat á árangur tilraunarinnar.
4. Tilraunin sýndi, að viðbótargjöfin af síldarmjölinu, sem ærnar í
A-flokki fengu fram yfir ærnar í B-flokki, hafði ekki veruleg
áhrif á þrif ánna á tilraunaskeiðinu. Tvílembdu ærnar í A-flokki
gáfu meiri afurðir, 2.2 kg af kjöti, en tvílembdu ærnar í B-flokki.
Fallþungamunur tvílembingsgimbranna var raunhæfur í 95% til-
fella, en hrútanna aðeins minni en svo, að hann væri raunhæfur.
Hins vegar gáfu einlembdu ærnar í báðum flokkum næstum því
alveg jafnmiklar afurðir.
IV. KAFLI
Tilraun í Klifshaga veturinn 1952—1953.
Tilraunirnar í Miðtúni, sem lýst er í köflum I, II og III, voru gerðar
með mismunandi magn af síldarmjöli handa beitarám á jörð, þar sem
fjörubeit er mikið notuð. í inngangi þessarar skýrslu er að því vikið, að
slíkar tilraunir yrðu einnig gerðar á jörð án fjörubeitar. Voru þær gerðar
í Klifshaga í Öxarfirði.
1. Tilhögun og framkvæmd.
Tilraunin var gerð með mismunandi magn af síldarmjöli handa
ám með beit. Hún hófst 24. desember, og henni lauk 16. maí. 1 tilrauninni
voru 84 ær, sem skipt var í tvo jafna flokka, A- og B-flokk, er tilraunin
hófst. Ærnar í A-flokki fengu 100 g af síldarmjöli, en ærnar í B-flokki 50 g
að meðaltali hvern dag á tilraunaskeiðinu. Að öðru leyti fengu ærnar
í báðum flokkum sama fóður og jafna beit. Ærnar fengu engan annan
fóðurbæti á tilraunaskeiðinu en síldarmjölið. Ærnar voru vegnar fimm
sinnum á tilraunaskeiðinu og einnig haustið eftir. Lömb þeirra voru
öll vegin á fæti og fall vegið sér af hverju sláturlambi.
Tvær ær urðu geldar í hvorum flokki, og eru þær felldar úr við
uppgjör tilraunarinnar. Koma því til uppgjörs 40 ær í hvorum flokki.
Hvorki heyið né síldarmjölið var efnag'reint, en við útreikning
á fóðurgildi þess í töflu 14 er það metið á sama hátt og sagt er frá í
kafla II hér að framan.