Rit Landbúnaðardeildar : A-flokkur - 01.05.1955, Blaðsíða 29

Helztu niðurstöður og ályktanir.
Tilraunirnar, sem sagt er frá í köflum I—V, sýna eftirfarandi
niðurstöður:
1. Að síldarmjölsgjöf umfram 50 g handa á á dag hefur ekki sýnileg
áhrif á fóðrun ánna, ef þeim er gefið meira af töðu en nemur
25—30% af heildarfóðurþörfinni fram til marzloka og heldur ekki
eftir þann tíma, nema töðugjöfin sé minni en 50—60% af fóður-
þörfinni til viðhalds og fósturmyndunar.
2. Þótt í sumum tilraununum kæmi í ljós, að ærnar, sem fengu 100 g'
af síldarmjöli á dag, virtust ekki fóðrast betur en þær, sem fengu
50 g á dag, gáfu tvílemburnar, sem fengu meiri síldarmjölsgjöf,
meiri afurðir en hinar. Sjá kafla III, IV og V.
3. Síldarmjölsg'jöf umfram 50 g á dag eykur ekki afurðir einlembdu
ánna, en eykur hins vegar nokkuð afurðir tvílembnanna. 1 tveimur
tilraunum, sjá kafla II og III, er verðmaíti afurðaauka tvílembdu
ánna, sem fengu meiri síldarmjölsgjöfina, nokkuð meira en við-
bótargjöfin af síldarmjölinu kostaði. í einni tilrauninni, sjá kafla
V, fékkst viðbótarsíldarmjölsgjöf tvílembdu ánna aðeins rúm-
lega endurgreidd með auknum afurðum. 1 tveimur tilraunum, sjá
kafla I og IV, vantar nokkuð á, að tvílemburnar, sem fengu meiri
síldarmjölsgjöfina, endurgreiddu hana með anknum afurðum.
Eftir niðurstöðum þessara tilrauna að dæma má draga eftirfarandi
ályktanir:
Á jörð, sem hefur svipuð beitarskilyrði og eru í Miðtúni, þ. e. fjöru-
beit og fremur góða landbeit, mun ekki hagkvæmt að gefa ánni meira en
50—70 g af síldarmjöli að meðaltali á dag, nema búast megi við, að meiri
hluti ánna verði tvílembdur. Niðurstöðurnar benda þó til, að hagkvæmt
geti verið að gefa hverri á allt að 100 g af síldarmjöli á dag, þegar beit
notast svo vel, að ekki þarf að gefa meira hey en nemur 25—30% af
fóðurþörf ánna fram til marzloka. Eftir það virðist einnig hagkvæmt
að gefa ánni allt að 100 g af síldarmjöli á dag, þegar heygjöfin (taða)
er minni en 50—60% af fóðurþörfinni.
Á jörð, sem hefur ágæt beitarskilyrði eins og eru í Klifshaga, er
varla hagkvæmt að gefa ánni meira en 50 g af síldarmjöli á dag, ef hey-
gjöfin nemur meira en 30% af fóðurþörfinni til marzloka. Eftir þann
tíma virðist þó ráðlegt að gefa ánum jafnvel allt að 100 g á dag, ef minna