Rit Landbúnaðardeildar : A-flokkur - 01.05.1955, Blaðsíða 22
20
2. Fóðureyðsla á tilraunaskeiðinu.
Tafla 14 sýnir daglega fóðureyðslu ánna í báðura flokkum hvern
mánuð, hve mörg g meltanlegrar hreineggjahvítu voru í dagsfóðrinu
og enn fremur heildarfóðureyðsluna í báðum flokkum.
Enn fremur sýnir tafla 14, að innistöðudagar eru alls 21, þar af
11 í apríl, og að lítið er gefið af heyi í janúar, febrúar og marz eða um
30—33% af viðhaldsfóðri ánna. í fóðrinu fá ærnar í A-flokki nokkru
meiri eggjahvítu en þær þurfa til viðhalds og fósturmyndunar, en aftur
á móti fá ærnar í B-flokki nokkru minna en þær þurfa, þegar líður á
meðgöngutímann. Þær hafa því þurft að fá í beitinni allt að 25% af
þeirri eggjahvítu, sein þær þurftu til að halda þrifum í apríl og maí.
Vorið var kalt, og gróður kom seint. Eftir að tilrauninni lauk 16.
mai, var ánum gefið um 6 F.E. í heyi að meðaltali hverri og einnig
uin 1.5 F.E. í fóðurbæti.
3. Árangur tilraunarinnar.
a. Áhrif fóðrunar á þunga ánna.
Tafla 15 sýnir meðalþunga ánna á fæti, er tilraunin hófst, þyngdar-
breytingar þeirra á tilraunaskeiðinu og þunga þeirra haustið eftir.
Tafla 15. Meðalþungi ánna á fæti og þyngdaraukning, kg.
Þyngdar-
aukning Haust-
Tala Meðalþungi, kg frá 24. des. þungi
ánna 24. des. 28. jan. 2. marz 2. apríl 5. mai til 5. maí 17. okt.
A-flokkur ....... 40 52.95 58.65 61.70 64.60 66.90 13.95 58.94
B-flokkur ....... 40 52.82 57.27 59.92 63.02 65.95 13.13 57.89
Mismunur Ad-B . - 0.13 1.38 1.78 1.58 0.95 0.82 ER 1.05
(t = 1.20)
ER = mismunurinn ekki raunhæfur.
I janúar og febrúar þyngjast ærnar í A-flokki nokkru meira en
ærnar í B-flokki, enda er minnst gefið af heyi þá mánuði, sjá töflu 14.
Eftir að heygjöfin er aukin i apríl, þyngjast ærnar meira í B-flokki en
í A-flokki. Þann 5. maí eru ærnar í A-flokki aðeins 0.82 kg þyngri en
ærnar í B-flokki, og er sá munur óraunhæfur, sjá töflu 15. Þessar
niðurstöður eru hliðstæðar niðurstöðunum í tilrauninni, sem sagt er
frá í kafla II hér að framan, og benda til þess, að sé lítið gefið af heyi,
geti verið ávinningur að gefa ám eitthvað meira en 50 g af síldarmjöli
á dag með beitinni.
b. Afurðir ánna.
Tafla 16 sýnir meðalþunga lambanna á fæti, þar sem þau eru
flokkuð í einlembinga og tvílembinga, hrúta og gimbrar.