Fréttablaðið - 13.11.2021, Blaðsíða 32

Klapp er nýtt rafrænt greiðslu-
kerfi sem veitir aðgang í Strætó á
höfuðborgarsvæðinu. Fyrirmynd
kerfisins er þekkt í almennings-
samgöngum um allan heim, þar
sem kort eða farsími er settur upp
við skanna þegar fargjald er greitt í
vagninum, segir Jóhannes Rúnars-
son, framkvæmdastjóri Strætó.
„Klapp mun auka sveigjanleika
viðskiptavina til muna. Kerfið
byggist á því að notendur haldi
utan um og stjórni sínum eigin
aðgöngum. Þannig verður hægt að
kaupa staka miða eða tímabilskort
inn á vefaðgangi notenda, „Mínum
síðum“, senda fargjöld á milli
farmiðla eða á aðra notendur og
nálgast sögulegt yfirlit yfir kaup.“
Nýja kerfið, sem verður form-
lega innleitt 16. nóvember, mun að
sögn Jóhannesar einnig gefa Strætó
betri upplýsingar um það hvernig
fólk er að nota leiðakerfið, sem geri
fyrirtækinu kleift að skipuleggja
það betur út frá raunverulegum
þörfum viðskiptavina.
Þrjár leiðir í boði
Til að byrja með verður hægt að
nota þrjár greiðsluleiðir til þess
að borga um borð í Strætó. Það
verður með Klapp korti, appi eða
tíu miða pappaspjaldi. „Klapp kort
er snjallkort sem þú leggur upp við
skanna um borð í Strætó til þess að
greiða fargjaldið. Fyllt er á kortið
í gegnum vefaðgang notenda á
„Mínum síðum“ á klappid.is. Það
er hægt að setja tímabilskort eða
staka miða inn á kortið.“ Við-
skiptavinir geta einnig skráð sig í
„sjálfvirka áfyllingu“ þannig það
fyllist sjálfkrafa á Klapp kortið ef
inneignin fer niður fyrir ákveðna
upphæð. „Hægt er að kaupa Klapp
kort inn á straeto.is og hjá öllum
söluaðilum Strætó á höfuðborgar-
svæðinu.“
Aukin þægindi
Með Klapp appinu er hægt að nota
snjallsímann til að kaupa staka
miða eða tímabilskort fyrir Strætó
á höfuðborgarsvæðinu. „Það er
einnig hægt að tengja appið við
„Mínar síður“ og fylla á það þaðan.
Frá og með 16. nóvember verður
ekki lengur hægt að kaupa miða
eða tímabilskort fyrir höfuð-
borgarsvæðið í núverandi Strætó
appi. Hægt er að sækja Klapp appið
inn á App Store og Google Play.“
Klapp tía er pappaspjald með tíu
miðum fyrir fullorðna, ungmenni
eða aldraða. „Þessi vara kemur
í stað pappírs strætómiðanna.
Pappaspjaldið er með kóða sem er
skannaður um borð í vagninum
en á skannanum kemur fram hvað
margar ferðir eru eftir á spjaldinu.
Hægt er að kaupa Klapp tíu hjá
öllum söluaðilum Strætó á höfuð-
borgarsvæðinu eða í vefverslun
Strætó.“
Aðgengi mun betra
Nýja greiðslukerfið kemur frá
norsku fyrirtæki sem heitir FARA
að sögn Jóhannesar en fyrirtækið
hefur mikla reynslu af greiðslu-
kerfum fyrir almenningssam-
göngur í Skandinavíu. „Þetta er
gríðarlega umfangsmikið verkefni
og það er í mörg horn að líta. Það
þarf meðal annars að setja upp
tækjabúnað í öllum vögnum, þróa
hugbúnað, þjálfa starfsfólk og
margt fleira.“
Hann segir helsta markmiðið
með appinu vera að nútímavæða
greiðslulausnir í almenningssam-
göngum á höfuðborgarsvæðinu og
gera það sambærilegt við almenn-
ingssamgöngukerfi í borgum
nágrannalandanna. „Aðgengi
viðskiptavina að greiðslumiðlum
verður mun betra, þeir afgreiða
vörur eins og tímabilskort sjálfir
inn á „Mínum síðum“ eða í appi
Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf.
Ábyrgðarmaður:
Björn Víglundsson
Sölumenn: Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654, Jóhann
Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
Nýja greiðslukerfið Klapp verður formlega innleitt 16. nóvember, segir Jóhannes Rúnarsson.
FRÉTTABLAÐIÐ/EYÞÓR

Með Klapp er
hægt að nota
snjallsíma til
að kaupa staka
miða eða tíma-
bilskort í Strætó.
Klapp kort er lagt við skanna til að greiða fargjaldið.
Klapp tía er pappaspjald með tíu miðum.
Til að byrja með verður hægt að nota þrjár greiðsluleiðir til þess að borga um borð í Strætó, með
Klapp korti, appi eða tíu miða pappaspjaldi.
auk þess sem nýja gjaldskráin
eykur á sveigjanleika fyrir not-
endur þar sem þörfin fyrir lengri
bindingu til að fá sem bestu kjörin
minnkar.“
Utan þess mun Strætó bæta
gagnaöflun úr kerfinu sem gerir
fyrirtækinu kleift að skipuleggja
það enn betur út frá raunveru-
legum þörfum viðskiptavina.
Frestur fram á næsta ár
Frá og með 1. mars 2022 verður
ekki lengur hægt að greiða með
pappírsfarmiðum um borð í
Strætó á höfuðborgarsvæðinu og
á landsbyggðinni. „Það verður
gefinn frestur til 16. mars 2022
til þess að skipta öllum gömlum
farmiðum yfir í inneign í Klapp
greiðslukerfinu. Handhafar
tímabilskorta í gamla greiðslu-
kerfi Strætó skulu leyfa gildistíma
kortanna að renna út áður en skipt
er yfir í Klapp greiðslukerfið.“
Frá og með 16. nóvember verður
ekki lengur hægt að kaupa miða
eða tímabilskort fyrir höfuðborg-
arsvæðið í núverandi Strætó appi.
„Það verður hins vegar áfram hægt
að kaupa landsbyggðarmiða þar.
Til að byrja með verður núverandi
Strætó app áfram notað til þess
að plana ferðir og fylgjast með
rauntímastöðu vagnanna og áfram
verður hægt að greiða með reiðufé
þar til annað verður tilkynnt.“ n
Nánari upplýsingar á klappid.is.
2 kynningarblað A L LT 13. nóvember 2021 LAUGARDAGUR