Heilsuvernd - 01.03.1950, Side 38

30
HEILSUVERND
WAERLANDSFÉLAGIÐ GRÓANDI.
Vorið 1949 var stofnað í Reykjavík félag með þessu nafni. 1 því
eru um 30 manns, karlar og konur, sem lifað hafa um lengri eða
skemmri tíma á mjólkur- og jurtafæðu, í aðalatriðum í samræmi
við mataræðiskerfi Are Waerlands, og eru ákveðnir í að gera það
áfram, enda er það skilyrði fyrir inntöku í félagið. Félagið er
„samtök þeirra karla og kvenna, sem af fremsta megni vilja leitast
við að rækta andlega og líkamlega heilbrigði á grundvelli náttúru-
lækningastefnunnar", eins og segir í 2. gr. félagslaganna. Félagar
gangast undir læknisskoðun árlega, og ættu þær skýrslur með tíð
og tíma að geta orðið mikilsverð bending um gildi þessara lifnaðar-
hátta, samanborið við mataræði og lífsvenjur almennings. Fundir eru
haldnir mánaðarlega að vetrinum. Sunnud. 2. apríl 1950 efndu félag-
ar til sameiginlegs borðhalds. Má vera, að einhverjum þyki fróðlegt
að sjá matseðilinn, sem leit þannig út:
Súrmjólk með nýmöluðum rúgi.
Hrátt sálat I (hvítkál, rauðrófur, gulrófur, kartöflur, hreðkur,
laukur, möndlur, rúsinur, sítrónur; skreytt með karsa; súrmjólk og
þeyttur rjómi út á).
Hrátt salat II (hvítkál, laukur, kartöflur, gulrófur, rúsínur, mjólk-
urostur; skreytt með hreðkum).
ÞurrkaS hvítkál, sem heitu vatni hafði verið hellt yfir.
Splraöur rúgur.
Sojabaunir, hráar, sem legið höfðu í bleyti i vatni.
Heimabökuð brauö: 1. Úr heilhveiti, nýmöluðum rúgi og möluðum
sojabaunum. 2. Úr spiruðum rúgi og spiruðu hveiti. Smjör af strokkn-
um ósaltað.
Eftirmatur: 1. Skyr með möluðum grænum baunum. 2. Bleyttar
rúsínur og hakkaðar möndlur með þeyttum rjóma.
Nær allir félagar sátu borðhaldið og luku upp einum munni um
það, að maturinn væri bæði mikill og góður. Virtist enginn sakna
þess, að ekki voru kartöflur eða fjölbreytt grænmeti á borðum.
Sérstakt lof hlaut brauðið úr spíraða korninu, en það er bakað án
nokkurs lyftiefnis og án salts, kornið látið ganga gegnum hakkavél
og deigið síðan hnoðað og bakað á venjulegan hátt.
Stjórn félagsins skipa: Björn L. Jónsson, veðurfr. (form.), Svava
Fells, frú (ritari), og Marteinn M. Skaftfells, kennari (gjaldkeri).