Heilsuvernd - 01.12.1952, Qupperneq 14

106
HEILSUVERND
að segja, að hófleg tóbaksnotkun, t. d. 3—5 sígarettur á
dag, sé meinlítil fullorðnum hraustum mönnum (körlum).
Gallinn er bara sá, að flestum gengur svo illa að rata hið
gullna meðalhóf, hér sem víðar.
Unglingum er tóbak undantekningarlaust skaðlegt, að
ekki sé talað um börn. Einnig virðast konur þola það verr
en karlar. Þess má geta, að nikótínið getur borizt í mjólk
kvenna, sem hafa börn á brjósti, og dæmi eru til þess, að
brjóstbörn hafi fengið tóbakseitrun, ef mæður þeirra
reyktu mikið. Sannast að segja eru reykingar (og drykkju-
skapur!) kvenna, tóbaksgulir fingur, tóbakslyktandi andar-
dráttur og tóbakshósti ekki til þess fallið að auka aðdráttar-
afl þeirra og yndisþokka, eða ætti ekki að vera það. Enn
er þess að geta, að öll tóbaksneyzla hefir meiri eða minni
óþrifnað í för með sér. Neftóbak sáldrast á föt, í rúmföt
og hvarvetna annarsstaðar, en tóbaksklútar eru hinn mesti
óþverri. Reykingamenn strá um sig ösku, vindlingastubb-
um o. s. frv., að ógleymdum sjálfum reyknum, sem allt
meingar, spillir andrúmslofti í híbýlum og er öðrum, sem
ekki reykja, allt annað en þægilegur. Margir þola hann
mjög illa, svimar og svíður i augun. Sumir eru beinlínis
ofnæmir, fá nefstíflu, kverkaskít og hósta af reyknum.
Samt er það algengast, að reykingamenn hrifsi þegjandi
til sín þau forréttindi að mega blanda andrúmsloft annarra
með eins fúlum reyk og þeim sýnist. Það ætti að vera
sjálfsögð kurteisi að biðja um leyfi til að reykja í viður-
vist ókunnugra og í annarra manna híbýlum. I bíl er sjálf-
sagt að biðja um leyfi annarra farþega, en í almennings-
vögnum, innan bæjar og utan, ættu reykingar alls ekki
að vera leyfðar. Freistandi er, en sjálfsagt þýðingarlítið,
að minnast á reykingar á samkomum. En æskilegt væri
að geta stemmt stigu fyrir þeim. Að öðrum kosti verður
að tryggja svo góða loftræstingu, að aðrir, sem ekki reykja
og illa þola svæluna, geti haldizt við.
Hvernig á því stendur, að tóbakið hefir náð svo miklum
vinsældum og þykir svo eftirsóknarvert flestum mönnum