Heilsuvernd - 01.04.1953, Qupperneq 24

HEILSUVERND
Þekking írumstæðra þjóða.
Eftir O. Rynning Jensen.
Hinn þekkti landkönnuður Helgi Ingstad segir, að Upp-
lands-Eskimóarnir í Norður-Alaska séu hraustustu og
hamingjusömustu menn jarðarinnar. Aðrir könnuðir, sem
dvalizt hafa meðal frumstæðra þjóðflokka á ýmsum stöð-
um jarðarinnar, hafa einnig fullyrt, að margir þeirra úr-
kynjunarsjúkdóma, sem þjaka fólki í hinum svonefndu
menningarlöndum, finnist alls ekki meðal frumstæðra
þjóða. — Hvað veldur því? Hefir frumstætt fólk arfgenga
þekkingu á lækningum, eða eru það meðfæddar eðlishvat-
ir, sem hjálpa því til þess að lifa heilbrigðu lífi?
Dr. Weston Price, frægur amerískur manneldisfræðing-
ur (nýlega dáinn), sem dvaldist nokkurn hluta ævi sinnar
meðal frumstæðra þjóðflokka til þess að rannsaka matar-
æði þeirra, hefir skrifað stærðar bók um árangur rann-
sökna sinna, sem hann nefnir „Nutrition and Physical
Degeneration" (Næring og líkamleg hnignun). Dr. Weston
setur fram margar skemmtilegar athuganir, sem sýna, hve
afar mikið holl fæða hefir að segja til þess að halda góðri
heilsu.
Dr. Weston átti samtal við frægan skurðlækni — Dr.
Roming, sem í allra munni norður þar var talinn „ástsæl-
asti maðurinn í Alaska“ og var starfandi læknir meðal
Eskimóa og Indiána í 36 ár. Hann sagðist aldrei hafa fund-
ið eitt einasta tilfelli af illkynjuðum sjúkdómi hjá þessu
frumstæða fólki, þótt þetta hendi oft, þegar það tekur upp
nútíma mataræði og liínaðarhætti. Hann hafði aldrei þurft
að gera uppskurð vegna sjúkdóma í innri líffærum, eins
og gallblöðru, nýrum, maga eða endaþarmi, á þeim, sem
héldu sínu gamla mataræði, en aftur á móti var það oft