Heilsuvernd - 15.12.1958, Blaðsíða 16

108
HEILSUVERND
llm kúabólnsetningu
1 flestum vestrænum löndum mun kúabólusetning vera
lögskipuð og yfirleitt ekki hægt að fá undanþágur frá
þeirri kvöð. Þó hafa jafnan verið nokkuð skiptar skoðanir
um nauðsyn og nytsemi bólusetningarinnar. Hinsvegar
verða börn oft lasin eftir bólusetninguna; þau fá í raun-
inni væga mynd af bólunni, ef bólan á annað borð kemur
út; sum verða heiftarlega veik, og dauðsföll koma fyrir
við og við. Sumir telja þessa hættu meiri en áhættuna
af því að hafa börn óbólusett, enda veitir bólusetningin
ekki nema nokkurra ára ónæmi gegn þessum sjúkdómi.
Með núverandi skipulagi heilbrigðismála væri hægt að
framkvæma bólusetningu á skömmum tíma, ef hættu bæri
að höndum. 1 Englandi hefir ekki verið skyldubólusetning
síðustu 60 árin, þannig að fólki er í sjálfsvald sett, hvort
það lætur bólusetja börn sín eða ekki. 1 vissum tilfellum
fylgir bólusetningu sérstök áhætta. Svo er t. d. um börn
með eksem, á tímum þegar mænuveiki gengur er varhuga-
vert að bólusetja, því að bólusetningin virðist veikja mót-
stöðu barnsins gegn þeim sjúkdómi, og raunar fleiri sjúk-
dómum, svo sem kvefi og fleiri veirusjúkdómum. Börn
með berkla, sykursýki og ýmsa fleiri sjúkdóma er talið
hættulegt að bólusetja. Ber þeim, sem bólusetninguna
framkvæma, að sjá til þess, að börn séu ekki bólusett undir
þeim kringumstæðum. Eins og kunnugt er, má ekki ferma
börn, nema þau hafi verið bólusett, og þau fá heldur ekki
aðgang að framhaldsskólum. Frá þessum ákvæðum er
víða ekki gert ráð fyrir neinum undanþágum.
Nýlega hafa þó verið samþykkt í Svíþjóð lög, sem heim-
ila undanþágu frá kúabólusetningu, ef forráðamaður
barns óskar þess og sækir um það til réttra aðila. Engar
sérstakar ástæður þarf að bera fram, en umsækjandi
þarf að leggja fram með umsókninni vottorð frá lækni