Heilsuvernd - 15.12.1958, Qupperneq 19

HEILSUVERND
111
þar um að ræða létt og ljúffeng borðvín, og eftir því ódýr.
Flestir hafa því daglega eitthvert magn áfengis í blóðinu
og líkamsfrumunum, jafnvel þótt menn finni ekki nein
áhrif af því. En svo sýnir reynslan, að þrátt fyrir óhindr-
aðan aðgang að þessum léttu vínum, eru þeir menn æði
margir, sem neyta einnig sterkari drykkja, og svo ótrúlegt
sem það kann að virðast, drekka Frakkar meira af sterk-
um drykkjum en Norðurlandabúar, og áfengisneyzla þeirra
samanlögð er því mjög mikil. Ofdrykkja er þannig ákaf-
lega algeng í suðrænum löndum, þó að lítið beri á henni.
Bæði er það, að þegar menn drekka jafnt allan daginn,
verða þeir ekki áberandi drukknir, og annað hitt, að
drukknir menn þar eru síður á almannafæri en hér, og
hafa sig minna í frammi. Menn geta því ferðast um stór-
borgir eða dvalið þar tímunum saman án þess að sjá
drukkinn mann, og af því stafar sá algengi misskilningur,
að í þessum löndum drekki menn í hófi og kunni að fara
með vín. Og svo er þvi haldið fram, að þar séu engin áfeng-
isvandamál, og að við getum lært af þessum þjóðum að
drekka í hófi.
Nú er sannleikurinn hinsvegar sá, eins og oft hefir ver-
ið drepið á að undanförnu í íslenzkum blöðum, að áfengis-
vandamálið er sennilega óvíða erfiðara viðfangs en í
Frakklandi. Ofdrykkjusjúkdómar eru þar mjög útbreiddir,
eins og tölurnar hér að ofan gefa til kynna, en lifrarskorpn-
un er aðeins einn þeirra og með þeim sjaldgæfari. Glæpir
og slys af völdum áfengisneyzlu eru þar mjög tíð, m. a.
umferðarslys.
Nokkra hugmynd um hættuna af neyzlu áfengis gefur
rannsókn, sem var gerð í Bandaríkjunum. Samanburður
var gerður á bifreiðaslysum og magni áfengis í blóði bif-
reiðastjóranna, sem slysunum ollu. Kom í ljós, að meðal
þeirra, sem höfðu í blóði áfengismagn, er nam 1.0 af þús-
undi, var slysahættan 7 sinnum meiri en hjá þeim, sem
höfðu aðeins 0.3 af þús.. Við hækkun upp í 1.5 af þúsundi
margfaldaðist slysahættan enn 30-falt.