Heilsuvernd - 01.06.1972, Blaðsíða 8

Sinadrættir
Sinadrættir geta komið skyndilega og að tilefnislausu og vakið
menn af værum svefni, eða þá við áreynslu, svo sem á sundi, og er
þá hætta á ferðum, þar eð manni kann að fatast sundið. Sumir
eiga vanda til sinadrátta, aðallega í kálfavöðvum, sem verða grjót-
harðir og sárir. En sinadrátturinn er fólginn í því, að vöðvinn
dregur sig saman í harðan hnút. Komi þetta fyrir á sundi, gefa
sumir það ráð, að glenna af alefli sundur fingur beggja handa.
Sinadrættir fylgja stundum sumum sjúkdómum, svo sem ýmis-
konar eitrunum, vatnsmissi úr líkamanum vegna mikils niður-
gangs, áfengis- og tóbaksneyzlu, lækkun blóðsykurs, t.d. vegna
of mikillar insúlíngjafar við sykursýki, lækkun kalks í blóði og
taugaveiklun. Þeir koma líka stundum á síðari hluta meðgöngu-
tíma. Ennfremur eftir mikla áreynslu, svo sem fjallgöngur og
tennisspil.
Sinadrættir í kálfa koma gjarnan síðari hluta nætur, þegar
fólk fer að losa svefn. Athuganir hafa leitt í Ijós, að þegar hinn
sofandi maður teygir úr fótunum í öklaliðum, vill sú hreyfing
framkalla sinadrátt í kálfum, en einmitt kálfavöðvarnir eru að
verki við slíka teygingu, og sinadrátturinin kemur fram við það að
vöðvinn slakar ekki á aftur, en helzt samandreginn, án þess við
verði ráðið. Stundum er það þó ekki allur vöðvinn, sem á þarna
hlut að máli, heldur aðeins nokkur vöðvaknippi hans. Samdrátt-
urinn getur verið svo heiftugur, að sumir vöðvaþræðir slitni, og
haldast þá verkir og eymsli í kálfanum um lengri tíma á eftir.
Þetta getur komið fyrir aðra vöðva á fótleggnum, t.d. vöðvana,
sem lyfta fætinum upp í öklalið eða þá, sem stjórna hreyfingum
tánna.
72
HEILSUVERND