Heilsuvernd - 01.06.1972, Blaðsíða 18

Aðalffuncflup
Pöntunarfélags NLFR
Aðalfundur Pöntunarfélags Náttúrulækningafélags Reykjavíkur
var haldinn í matstofu NLFR föstudaginn 5. maí 1972. Formaður
félagsins, Hafsteinn Guðmundsson prentsmiðjustjóri setti fund-
inn og tilnefndi sem fundarstjóra Marinó L. Stefánsson kennara
og sem fundarritara Friðgeir Ingimundarson bókhaldara.
í skýrslu formanns komu m.a. fram ýmsar upplýsingar um
rekstur búðarinnar að Sólheimum 35, og enda þótt tap hefði
orðið á henni fram að þessu, vonaðist hann til, að útkoman yrði
betri á yfirstandandi ári. Á síðastliðnu sumri voru þeir Eggert
V. Kristinsson og Eiður Sigurðsson sendir utan til að afla nýrra
viðskiptasambanda fyrir félagið og auka þar með vöruval búð-
anna. Ný brauðgerð hefir verið sett upp að Kleppsvegi 152, en
gamla brauðgerðin að Hverfisgötu 39 seld.
Ásbjörn Magnússon verzlunarstjóri las reikninga félagsins.
Heildarvörusala án söluskatts var 16,8 milljónir króna og rekstrar-
halli um 140 þús. krónur. Að loknum umræðum um skýrslu og
reikninga voru þeir samþykktir.
Úr stjórn átti að ganga Hafsteinn Guðmundsson, og var hann
endurkjörinn til þriggja ára. í varastjórn var endurkosin Anna
Matthíasdóttir til tveggja ára. Endurskoðandi var endurkosinn
Eiður Sigurðsson til tveggja ára. Hinn aðalendurskoðandi er Hilm-
ar J. Norðf jörð.
Stjórn félagsins skipa nú: Árni Ásbjarnarson, Ásta Jónasdóttir,
Hafsteinn Guðmundsson og Zóphónías Pétursson, kosnir af fé-
lagsfundum, og Marinó L. Stefánsson, tilnefndur af stjórn NLFR
í stað Eggerts Kristinssonar, eins og skýrt er frá á öðrum stað
hér í heftinu. Varastjórn: Anna Matthíasdóttir, Friðgeir Ingi-
mundarson og Hörður Friðþjófsson tilnefndur af stjórn NLFR.
82
HEILSUVERND