Heilsuvernd - 01.08.1972, Síða 6

BJÖRN L. JÓNSSON LjEKNIR
Tannskemmdum útrýmt
í þýzkum smábæ
Enginn ágreiningur ríkir nú lengur um aðalorsakir tann-
skemmda, sem sé að þær stafi fyrst og fremst af neyzlu á sykri
og hvítu hveiti. Þessar fæðutegundir eiga líka aðalsök á offitu og
sennilega einnig á æðakölkun og sykursýki. Til varnar tann-
skemmdum hefir verið gripið til þess ráðs að blanda flúor saman
við neyzluvatn, aðallega í nokkrum borgum Bandaríkjanna. Við
það hefir dregið talsvert úr tannskemmdum hjá börnum og ungl-
ingum, en eigi að síður hefir þessi aðferð ekki náð verulegri út-
breiðslu í Evrópu, og eins og nýlega hefir verið skýrt frá í Heilsu-
vernd, hafa slíkar aðgerðir verið bannaðar með lögum í Svíþjóð.
Flúor er sterkt eiturefni, og telja margir hættuna af því þyngri
á metunum en ávinninginn. Þá hefir tekizt að draga nokkuð úr
tannskemmdum með því að pensla tennur barna með flúorblöndu,
og mun það vera hættulaus aðgerð. En þessar aðgerðir hafa
þann annmarka, að þær taka ekki fyrir aðalorsakir tannskemmd-
anna og ráða þá ekki heldur bót á öðrum heilsuspillandi afleiðing-
um sykur- og hveitineyzlunnar. íslenzkir tannlæknar hafa sýnt
lofsverða viðleitni í þá átt að brýna tannvernd fyrir fólki bæði
með réttri hirðingu tanna og fyrst og fremst með því að draga
úr neyzlu hverskonar sælgætis og sætinda. Því miður virðist slík
upplýsingastarfsemi næsta gagnslítil, nema henni sé fylgt eftir
með raunhæfum aðgerðum, sem sýna svart á hvítu gildi hennar.
Herferð gegn tannátu
Þetta var dr. J. G. Schnitzer tannlækni ljóst. Hann var eini
tannlæknirinn í bænum Mönchweiler í Schwarzwald (Svartaskógi)
102
HEILSUVERND