Heilsuvernd - 01.08.1972, Page 18

4. Af ofangreindri lýsingu má sjá, að enda þótt kjöt og fiskur
komi ekki á borð í hælinu, eru innlendar matvörur stærri þáttur
í viðurværinu en gengur og gerist, og þær eru nær einvörðungu
landbúnaðarframleiðsla. Ef landsmenn tækju sér þetta mataræði
til fyrirmyndar, bæri landbúnaðurinn því síður en svo skarðan
hlut frá borði.
5. 1 hófinu í Húsavík, sem sagt er frá á öðrum stað hér í þessu
heíti.j mun einn góður og gegn ræðumaður hafa haft á orði, að
náttúrulækningastefnan væri andvíg mjólkurneyzlu. Þetta er hinn
mest misskilningur, eins og bezt má marka af því, að samkvæmt
athugunum, sem gerðar hafa verið tvívegis með nokkurra ára
millibili, er neyzla mjólkur og súrmjólkur nálægt einum lítra á
fæðisdag, og þar að auki koma mjólkurafurðir, eins og rjómi,
smjör og ostar. Taka þessar tölur til dvalargesta og starfsfólks,
sem er um fjórði hlui allra fæðisgesta.
Það er sykuriðnaðurinn, sem hefir ástæðu til að líta náttúru-
lækningastefnuna illu auga, og auðvitað kaffiframleiðendur, og
þar að auki allir þeir, sem hafa atvinnu af dreifingu þessara vöru-
tegunda. Kaffi er alls ekki á borðum í hælinu, og sykurnotkun
•— púðursykur — aðeins um 20 g á fæðisdag, en til jafnaðar í
landinu 150 g á hvert mannsbarn að meðaltali.
GAMANMÁL
Þeir þekktu ekki manninn
Hinn heimsfrægi læknir og vísindamaður Virchow var hirðu-
laus um klæðnað sinn og útlit og gekk oft eins og ræfill til fara.
Á leiðinni til sjúkrahúss síns gekk hann dag einn framhjá húsi í
byggingu, þar sem smiðir og verkamenn sátu að snæðingi með
raðir af bjórflöskum í kringum sig. Virchow nam staðar og sagði
brosandi: „Þið eigið bara náðuga daga, piltar mínir“. Þeir þekktu
ekki. manninn, leizt hann æði tötralegur, og einn þeirra svaraði:
„Já, og þetta gætir þú veitt þér líka, vinur minn, ef þú hefðir
einhverntíma nennt að læra eitthvað nytsamlegt".
114
HEILSUVERND