Fréttablaðið - 30.12.2021, Blaðsíða 68

Sjónvarpið
hefur verið
velkomin
dægra-
stytting í
heimsfar-
aldrinum.
Bandaríski grínistinn George
Gobel sagði fyrir mörgum
áratugum að ef ekki væri
fyrir rafmagnið værum við
öll að horfa á sjónvarpið við
kertaljós. Grínið er sígrænt og
sjónvarpið er enn merkingar-
miðjan í tilveru fjöldans og á
þessu ári varð þörfin nauðsyn
sem brugðist var við með
gríðarlegu úrvali af nýju
afþreyingarefni.
ninarichter@frettabladid.is
Sjónvarpið hefur verið velkomin
dægrastytting í heimsfaraldri og
þessi afþreyingarmiðill, þrátt fyrir
slæmt orðspor síðustu áratugi, er
orðinn jafnvígur kvikmyndinni sem
frásagnarform. Heimsfrægir leikarar
hika ekki lengur við að taka að sér
hlutverk í sjónvarpi til jafns við kvik-
myndir og framboðið á fjölbreyttu
efni hefur aldrei verið meira. n
Kötlugos, Bítlar
og kóresk ádeila
Íslenskt sjónvarp
Það var af nógu að taka í íslensku sjónvarpi
á þessu viðburðaríka ári og hér skal stiklað
á stóru. Í júní sendi Baltasar Kormákur frá
sér Kötlu, þar sem einvalalið íslenskra
leikara túlkaði vísindaskáldsögu í skugga
eldfjallsins. Ófærð 3 kom einnig úr smiðju
leikstjórans, seinna á árinu.
Systrabönd Silju Hauksdóttur voru
frumsýnd í mars og önnur þáttaröð af æv-
intýrum Stellu Blómkvist hitti aðdáendur
í hjartastað í september. Spennuþættirnir
Svörtu sandar í leikstjórn Baldvins Z fóru
svo í loftið á jóladag, sama dag og leik- og
framleiðsluhópurinn Vesturport frum-
sýndi períóðuna Verbúðina á RÚV.
Í brennidepli á árinu:
Squid Game
Leiknir þættir sem fjalla um keppni milli
456 leikmanna sem allir eru í miklum
fjárhagserfiðleikum. Þau leggja líf sitt í
hættu í mótaröð sem byggir á þekktum
barnaleikjum, með möguleika á að vinna
gríðarlega há peningaverðlaun. Þeir sem
tapa eru teknir af lífi. Titill þáttanna
vísar til samnefnds kóresks barnaleiks.
Þættirnir eru vinsælir fyrir margar
sakir. Í grunninn eru þeir fjölskyldusaga.
Þá eru þeir í senn sterk líking, ádeila á
hagkerfi heimsins og vonleysi skulda-
fjötraðra einstaklinga. Þættirnir koma á
hárréttum tíma, þegar heimili um allan
heim berjast í bökkum vegna heimsfar-
aldurs og því er andleg streita, fjármála-
áhyggjur og vonleysi sögupersónanna
eitthvað sem margir geta tengt við.
Succession
Þriðja þáttaröð gaman-dramans Succ-
ession hratt af stað eins konar æði
hér á landi, og varla var þverfótað fyrir
tilvitnunum og umræðu um þættina á
samfélagsmiðlum. En hvers vegna eru
þættirnir svona vinsælir?
Þættirnir fjalla um Roy-fjölskylduna,
gersamlega vanhæfa eigendur alþjóð-
legu fjölmiðlasamsteypunnar Waystar
RoyCo. Sögupersónur berjast um yfirráð
í fyrirtækinu, í skugga nagandi óvissu
vegna hrakandi heilsu ættföðurins.
Tónninn í þáttunum er kaldhæðnis-
legur. Sögupersónurnar eru moldríkar
og að mati flestra gersamlega óþolandi.
Samtölin eru skemmtilega skrifuð og svo
að vitnað sé í fræga ræðu persónunnar
Tom Wambsgans í þáttunum: „Að vera
ríkur er æðislegt. Það er eins og að vera
ofurhetja, nema betra. Þú getur gert hvað
sem þér sýnist. Yfirvöld geta ekki snert
þig. Þú færð að vera í búning, en hann er
hannaður af Armani.“ Þættirnir hafa hlotið
fjölda verðlauna, þar á meðal BAFTA,
Golden Globe og Emmy-verðlaun.
Get Back
Úr smiðju stórmyndavölundarins Peters
Jackson kom átta klukkustunda löng
stuttsería um gerð Bítlaplötunnar Let it
Be, sem kom út árið 1970, en vinnutitill
verkefnisins var Get Back, sem þættirnir
draga nafn sitt af.
Í þáttunum er notast við 55 klukku-
stundir af efni frá Michael Lindsay-Hogg,
sem vann að heimildarmynd um gerð
plötunnar árið 1970, sem einnig bar titilinn
Let it Be. Hluti af efninu í nýju myndinni
hefur aldrei birst áður.
Tónninn í mynd Jacksons er sú kenning
að samstarf Bítlanna hafi verið gott á loka-
metrunum, ólíkt því stirða og erfiða and-
rúmslofti sem fyrri myndin dregur upp.
Netflix
Þetta var mikið framhaldsþáttaraðaár hjá
Netflix, þar sem vinsælum þáttaröðum
var fylgt eftir með nýjum seríum. Sex
Education, Emily in Paris, The Witcher,
Outer Banks, You og Superstore fengu öll
seríu í safnið, svo fátt eitt sé nefnt.
Af nýju efni ber kóresku spennuþætt-
ina Squid Game hæst. Þeir slógu líka í
gegn á Íslandi. Meira að segja hjá þeim
sem voru of ungir til að mega horfa á
þættina. Málið olli slíkum usla að fjallað
var um skaðleg áhrif þáttanna á börn í
sjónvarpsfréttum RÚV.
Kvikmyndin We Can be Heroes var í
fyrsta sæti listans yfir vinsælasta efni
ársins á heimsvísu á Netflix. Grínmyndin
Red Notice fylgdi síðan fast á eftir. Squid
Game vermdi toppsætið yfir mest
streymdu Netflix-þætti ársins á heims-
vísu. Spennuþættirnir Lupin og Money
Heist áttu annað og þriðja sætið.
Í toppsætinu á Netflix innanlands var
fjölskyldumyndin Mitchelles vs. The
Machines. Netflix bauð áskrifendum upp
á íslenska talsetningu, sem gæti útskýrt
vinsældirnar að einhverju leyti.
Bandarísku löggu-grínþættirnir Brook-
lyn Nine-Nine frá NBC vermdu toppsætið
yfir vinsælasta sjónvarpsefni landans
enda höfða þessir margverðlaunuðu
þættir til breiðs aldurshóps.
Disney+
Teikni- og söngvamyndin Moana frá 2016
hafnaði á toppi íslenska vinsældalistans
hjá Disney+ streymisveitunni. Hinar sívin-
sælu teiknimyndir um systurnar í Frozen I
og II fylgdu þar fast á eftir.
Vinsælustu sjónvarpsþættirnir hér-
lendis á Disney+ voru gömlu góðu þætt-
irnir um Simpson-fjölskylduna. Næst
á listanum var klassíska læknadramað
Grey’s Anatomy, úr smiðju Shondu
Rhimes, og í þriðja sæti þættir um Klúbb
Mikka músar, sem einnig hafa verið að-
gengilegir á RÚV. Á RÚV eru þættirnir með
íslenskri talsetningu sem hefur heldur
skort hingað til á Disney+.
Athygli vekur að uppáhaldsþættir
landsmanna á Disney+ eru ekki nýir af
nálinni, heldur einmitt sú tegund efnis
sem er aðgengilegt í mörgum þátta-
röðum og hentar vel fyrir sjónvarpsmara-
þon.
FRÉTTABLAÐIÐ/GETTY
28 Lífið 30. desember 2021 FIMMTUDAGURFRÉTTABLAÐIÐLÍFIÐ SJÓNVARPSANNÁLL 30. desember 2021 FIMMTUDAGUR