Strandapósturinn - 01.06.1977, Blaðsíða 16

hefur verið við klappir sem eru í vognum að norðanverðu, þar er
aðdjúpt og gátu bátar lagst þar að, (Díönu var lagt í vognum
aðeins bundið fram og aftur af henni).
Engar heimildir eru til um það hvenær róðrar hefjast úr
Búðarvogi, en eldri menn telja að það sé mjög langt síðan. Ekki
er heldur upplýst hvenær búðir voru reistar þar en glögg merki
sjást um þrjár búðir. Þær hafa allar verið byggðar úr torfi.
Búðirnar hafa staðið rétt frá vognum. Sú nyrsta og stærsta hét
Hávella, hún hefur staðið dálítið lengra frá sjó en hinar. Molla er
næst og Svala syðst og standa þær hlið við hlið. Ekki virðast
búðirnar hafa verið neitt innréttaðar og engin merki sjást þar um
svefnbálka og hefir því sennilega verið slegið upp trérúmum er
sjómenn notuðu til svefns og hvíldar í frístundum sínum. Há-
vella er þeirra stærst og má vera að hún hafi rúmað tvær skips-
hafnir og Svala er litlu minni. Molla hefur alls ekki rúmað nema
eina skipshöfn. Róðrar voru stundaðir þarna frá líðandi réttum
og fram undir jól. Mikill afli barst oft á land. Riisverslun á
Borðeyri byggði skúr þarna og sést glögglega fyrir undirstöðum
hans en sennilega hefur hann verið úr timbri og járni. Verslunin
hafði vigt þarna og mann sem veitti fiskinum móttöku og sá um
verkun hans, en hann varð að vera flattur. Fiskað var eingöngu á
lóðir og til beitu var aðallega notaður kræklingur sem tíndur var
í fjörunni og skerjum þarna í kring, einkum Þernuskeri. Smokk-
fiskur var einnig notaður til beitu ef til hans náðist. Aðallega
voru notuð þarna þrjú fiskimið. Innstu miðin, sem kölluð eru
Snagalækur, eru svo að segja beint austur af vognum. Töluvert
norðar eru önnur mið sem heita Ár þar sem ákveðnar ár á
Vatnsnesi koma fram undan Bálkastaðanesinu. Nyrstu miðin
sem vitað er um að hafi verið notuð úr Búðarvogi er svokallað
Skarðsdjúp, og er þá komið nokkuð út í Húnaflóann.
Skipshafnir munu hafa verið fjórir til fimm menn á bát auk
landmanna, sem sáu um beitingu lóða, aðgerð á afla og svo
framvegis. Ekki er vitað um nöfn þeirra manna sem þarna réru,
nema að takmörkuðu leyti.
Gísli Jónsson fæddur 19. okt. 1860, dáinn 14. júlí 1907. Hann
var sonur Jóns Gíslasonar á Ljótunnarstöðum er var hafnsögu-
14