Morgunblaðið - 18.08.2021, Blaðsíða 7

FRÉTTIR 7Innlent
MORGUNBLAÐIÐ MIÐVIKUDAGUR 18. ÁGÚST 2021
Fundarboð Kviku banka hf.
Hluthafafundur Kviku banka hf., kt. 540502-2930,
verður haldinn þriðjudaginn 7. september 2021
kl. 16:00, á starfsstöð félagsins að Katrínartúni 2,
9. hæð, 105 Reykjavík.
Ádagskrá fundarins verða eftirfarandimál.
1. Kosning eins aðalmanns og eins varamanns
í stjórn félagsins.
2. Önnur mál.
Fundarstörf fara fram á íslensku. Fundargögn eru
aðgengileg á heimasíðu félagsins á íslensku og ensku.
Sé misræmi milli fundargagna á íslensku og ensku, gildir
íslenska útgáfan. Fundargögn eru aðgengileg á vefslóðinni
https://www.kvika.is/fjarfestaupplysingar/hluthafafundir/
og skrifstofu félagsins að Katrínartúni 2, 105 Reykjavík.
Hvorki verður hægt að taka þátt á fundinum né greiða
atkvæði með rafrænum hætti. Hluthafar geta óskað eftir
því að fá að greiða atkvæði um mál sem eru á dagskrá
fundarins bréflega. Skal beiðni um slíka atkvæða-
greiðslu hafa borist á skrifstofu félagsins eða á netfangið
hluthafar@kvika.is eigi síðar en fimm dögum fyrir fundinn,
þ.e. fyrir kl. 16:00 fimmtudaginn 2. september 2021.
Atkvæðagreiðslur og kosningar verða einungis skriflegar
á fundinum komi fram krafa um slíkt frá einhverjum
atkvæðisbærra fundarmanna og að gengnum úrskurði
fundarstjóra um slíkt fyrirkomulag. Þó verður kjör stjórnar-
manna skriflegt ef fleiri einstaklingar eru í framboði en
kjósa skal.
Hluthafafundur Kviku banka hf., kt. 540502-2930, verður haldinn þriðjudaginn 7. september 2021, kl. 16:00, á starfsstöð félagsins að Katrínartúni 2, 9. hæð, 105 Reykjavík.
Stjórn Kviku banka hf.
til hluthafafundar 7. september 2021
Hver hluthafi á rétt á því að fá ákveðin mál tekin til
meðferðar á fundinum ef hann sendir um það skriflega
eða rafræna kröfu til félagsstjórnar á heimilisfang félagsins
eða á netfangið hluthafar@kvika.is. Þeir hluthafar sem
óska eftir því að fá tiltekið mál tekið til meðferðar á
hluthafafundinum skulu senda beiðni um slíkt eigi síðar
en tíu dögum fyrir boðaðan hluthafafund, eða í síðasta
lagi fyrir kl. 16:00 þann 28. ágúst 2021. Kröfu skal fylgja
rökstuðningur eða drög að ályktun til félagsstjórnar.
Hluthafar geta einnig lagt fram spurningar fyrir
hluthafafund með því að senda erindi á framangreint
netfang eða bera þær upp á fundinum sjálfum.
Þeim sem hyggjast gefa kost á sér til setu í stjórn ber að
tilkynna það skriflega til stjórnar félagsins að minnsta
kosti fimm dögum fyrir upphaf hluthafafundar, þ.e. fyrir
kl. 16:00 fimmtudaginn 2. september 2021. Í tilkynningu
um framboð til stjórnar skal geta nafns frambjóðanda,
kennitölu, heimilisfangs, menntunar, upplýsinga um
aðalstarf og starfsferil, hvenær viðkomandi tók fyrst sæti
í stjórn félagsins ef við á, önnur trúnaðarstörf (t.a.m.
stjórnarstörf í öðrum félögum) og hlutafjáreign í félaginu,
beint eða í gegnum tengda aðila. Þá skal upplýsa um
önnur tengsl við félagið og hagsmunatengsl við helstu
viðskiptaaðila og samkeppnisaðila félagsins, sem og
hluthafa sem eiga, einir eða í samstarfi við aðra, meira
en 10% hlut í félaginu. Þeir einir eru kjörgengir til setu
í stjórn félagsins sem þannig hafa gefið kost á sér. Krafa
um hlutfallskosningu eða margfeldiskosningu, sbr. 7. mgr.
63. gr. laga um hlutafélög nr. 2/1995, skal hafa borist
stjórn félagsins minnst fimm dögum fyrir fundinn þ.e. fyrir
kl. 16:00 fimmtudaginn 2. september 2021. Upplýsingar
um frambjóðendur til stjórnar munu liggja frammi
hluthöfum til sýnis á skrifstofu félagsins sem og á heima-
síðu félagsins, eigi síðar en tveimur dögum fyrir fundinn,
sbr. 63. gr. a laga um hlutafélög nr. 2/1995. Framboðsform
til stjórnarsetu er aðgengilegt á vefsíðu félagsins.
Hluthafafundurinn er lögmætur ef löglega er til hans
boðað, óháð fundarsókn. Aðilar sem eru skráðir hluthafar
í hlutaskrá félagsins þegar hluthafafundur fer fram geta
beitt réttindum sínum á hluthafafundinum.Hluthafar geta
látið umboðsmann sækja fundinn fyrir sína hönd. Umboðs-
maður skal leggja fram skriflegt og dagsett umboð, en form
að umboði er aðgengilegt á vefsíðu félagsins. Umboð má
leggja fram á fundinum eða senda á framangreint netfang
fyrir fundinn.
Hólmfríður María Ragnhildardóttir
hmr@mbl.is
Tannbrotum vegna slysa á raf-
hlaupahjólum hefur fjölgað verulega
að sögn Karls Guðlaugssonar tann-
læknis. Hafa útköll tannlækna vegna
þessara slysa orðið talsvert áberandi
síðastliðna mánuði og segir hann
ástandið alvarlegt.
„Þetta er bara blákaldur veruleik-
inn. Nánast allir tannlæknar sem ég
hef talað við þekkja dæmi þess að
það hafa komið svona tilvik inn á
þeirra stofu. Ég er ekki með ná-
kvæma tölfræði en maður sér þetta í
mun meiri mæli en áður, og bara al-
varleg tannbrot.“
Karl segir skemmdirnar og brotin
vera misalvarleg en engu að síður
séu þau aldrei minni háttar fyrir ein-
staklinginn. Getur það tekið tann-
lækna allt frá hálftíma í að gera við
einstaka brot og allt upp í marga
mánuði ef skemmdirnar eru alvar-
legar. Ef tönn springur eða eyði-
leggst, eða ef rótin er ónýt, þarf að
draga tönnina út, setja bráðabirgða-
part í bilið og síðar nýja tönn. Vekur
Karl einnig athygli á því að minni
brotin geti reynst afar hvimleið til
lengri tíma litið og jafnvel valdið
meiri truflun heldur en stærri brot-
in.
„Alvarlegu brotin eru miklu
stærri mál í upphafi en svo er gerð
varanleg viðgerð. En þótt brotið sé
minna getur það orðið þrálátt verk-
efni að laga tönnina vegna þess að
fyllingar brotna úr aftur og aftur. Ef
það brotnar til að mynda framan af
bitkanti á fólk það til að gleyma sér
og kannski daginn eftir, eða eftir
nokkrar vikur, bítur það eitthvað
hart í sundur og fyllingin brotnar.
Fólk þarf þá sífellt að koma í heim-
sóknir.“
Sorglegt að horfa upp á þetta
Að sögn Karls eru slysin mest
áberandi meðal ungs fólks á tvítugs-
og þrítugsaldri. Má í langflestum til-
vikum tengja þau við áfengisneyslu
um helgar en flest útköllin berast
snemma á laugardags- og sunnu-
dagsmorgnum. Segir Karl sorglegt
að horfa upp á ungt fólk með heil-
brigðar tennur lenda í þessum
óhöppum. Sé þessi þróun mikil synd,
sérstaklega í ljósi þess að tannheilsa
fólks sé nú mun betri nú en hún var
fyrir nokkrum árum.
„Tanntjónin og alvarleiki þeirra
eru svo sérstaklega ömurleg því þú
ert með þessa ungu einstaklinga sem
eru með allar tennurnar sínar strá-
heilar. Tannheilsan er orðin svo góð
að það eru nánast engar skemmdir
hjá þessum krökkum. Bara fallegar
hvítar framtennur og svo lenda þau
beint á andlitinu og brjóta þær. Það
er grátlegt að fylgjast með þessu,“
segir Karl.
Ekki bara fjárhagslegt tjón
Er ekki síður verra fyrir ungt fólk
að lenda í þessum óhöppum vegna
fjárhagslegu hliðarinnar en tjón af
þessu tagi getur hlaupið á mörg
hundruð þúsund krónum og farið vel
yfir milljón að sögn Karls. Getur ver-
ið erfitt fyrir ungt fólk að standa
straum af slíkum kostnaði, sérstak-
lega ef ekkert fæst greitt út úr
tryggingum.
Karl vekur þó athygli á því að oft
eru það ekki bara peningar sem
skipta hér máli heldur einnig skað-
inn sem fylgir því að lenda í slysi og
missa tennurnar sínar. Getur þetta
einnig verið átakanlegt fyrir andlegu
hliðina, svo ekki sé minnst á heilsu-
farslegan skaða.
„Tilfinningatjónið er meira en
fjárhagslega tjónið því þú getur í
rauninni aldrei bætt fyrir það. Það er
það sem er svo hræðilegt. Þótt þú
náir að brúa peningalegu hliðina þá
er það skaðinn sem verður á fullheil-
brigðum tönnum sem er svo grátleg-
ur. Þótt maður nái að laga tennurnar
þá verður þetta aldrei jafn fallegt og
sköpunarverkið.“
Karl kveðst ekki vita til þess að
nein tölfræðileg úttekt hafi verið
gerð á þessum tjónum hérlendis.
Hvetur hann til þess að ráðist verði í
það verkefni sem fyrst og telur hann
líklegt að tannlæknar taki því fram-
taki fegins hendi.
Útköllum vegna tannbrota fjölgar
- Tannlæknar hafa áhyggjur af auknum skemmdum á tönnum vegna slysa á rafhlaupahjólum - Erfitt
fyrir ungt fólk að standa straum af kostnaðinum - Hvetur til þess að tölfræðileg úttekt verði gerð
Morgunblaðið/Eggert
Rafskútur Skemmdir á tönnum vegna slysa á rafhlaupahjólum geta kostað einstaklinga mörg hundruð þúsund.
Karl Guðlaugsson tannlæknir segir ástandið alvarlegt og geti valdið miklu tilfinningalegu og heilsufarslegu tjóni.