Morgunblaðið - 06.12.2021, Page 32

KARTELL GALLERÍ
SMÁRALIND – DUKA.IS
í jólapakkan
„Hugskynjun náttúrunnar“ er yfirskrift desember-
sýningar SÍM-salarins í Hafnarstræti 16 sem hefur ver-
ið opnuð. Á sýningunni eru verk eftir Örnu Gná Gunn-
arsdóttur og Margréti Jónsdóttur listmálara. Þetta er
önnur samsýning Örnu og Margrétar en í tilkynningu
segir að þær séu tengdar bæði blóð- og myndlistar-
böndum. Báðar sækja innblástur til Frakklands en þær
starfa að list sinni á Íslandi og í Frakklandi. Ekki í sömu
miðla en gjarnan með sömu viðfangsefni, eins og lík-
amann, líkamsvessa, femínískar hugleiðingar, tilrauna-
kennda heilun og innhverfa íhugun.
Arna Gná og Margrét Jónsdóttir
sýna tengd myndverk í SÍM-salnum
MÁNUDAGUR 6. DESEMBER 340. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Aliyah Collier skoraði 21 stig og tók sautján fráköst fyrir
Njarðvík þegar liðið vann 69:60-sigur gegn Val í toppslag
úrvalsdeildar kvenna í körfuknattleik, Subway-deildar-
innar, í Origo-höllinni á Hlíðarenda í elleftu umferð deild-
arinnar í gær. Þá vann Fjölnir 77:59-sigur gegn Haukum í
Grafarvogi, Grindavík lagði Keflavík 84:72 í Grindavík og
Breiðablik vann Skallagrím 81:74 í Kópavogi. »26
Njarðvík lagði Val í toppslagnum
ÍÞRÓTTIR MENNING
Steinþór Guðbjartsson
steinthor@mbl.is
Hverfiskrár njóta víða vinsælda og
nokkrar hafa fest sig í sessi á höfuð-
borgarsvæðinu. Hjónin Aðalheiður
Runólfsdóttir og Ólafur Guðlaugsson
opnuðu Ölhúsið við Reykjavíkurveg í
Hafnarfirði í apríl 2015 og 20. ágúst í
fyrra bættu þau við öðrum sambæri-
legum stað með sama nafni í Grafar-
vogi í samvinnu við Vigni Ara Stein-
grímsson.
„Hugmyndin er að fólk þurfi ekki
að fara yfir lækinn til þess að sækja
vatnið heldur að það geti gengið á
hverfiskrána og heim aftur,“ segir
Vignir. Þeir Ólafur hafi þekkst síðan
í barnaskóla og lengi hugleitt að gera
eitthvað saman. Það hafi síðan orðið
að veruleika þegar þeir hafi tekið við
staðnum í Grafarvogi.
Vignir segir að erfitt hafi verið að
opna í heimsfaraldri og stöðug utan-
aðkomandi óvissa vegna hans auð-
veldi ekki reksturinn. „Við byrjuðum
vel en höfum síðan verið slegin niður
með samkomutakmörkunum. Þær
eru skiljanlegar upp að vissu marki,
en ég tek undir með Sigmari Vil-
hjálmssyni að ekki þarf stöðugt að
beita fallbyssu við að opna bílskúrs-
hurð.“
Liður í daglegum samskiptum
Ein helsta hugmynd með hverfis-
kránum í Hafnarfirði og Grafarvogi
er að bjóða upp á stað og afþreyingu
fyrir nágranna. Auk félagsskaparins,
drykkja og matar eru beinar útsend-
ingar frá íþróttum og þá sérstaklega
frá enska fótboltanum helsta að-
dráttaraflið. Vignir rifjar upp að þeg-
ar bjórinn hafi verið leyfður fyrir yfir
30 árum hafi úrtölufólk fundið krám
allt til foráttu en reynslan hafi sýnt
að neysla á sterkum drykkjum hafi
minnkað. Ekki sé um stöðuga helg-
ardrykkju að ræða eins og oft hafi
áður tíðkast heldur komi fólk saman
á góðra vina fundi, horfi á leik, fari í
pílu eða spjalli bara saman í skamma
stund en gangi svo heim án vand-
ræða. „Hverfiskráin er liður í dag-
legum samskiptum fólks,“ leggur
Vignir áherslu á.
Um það leyti sem bjórinn var
leyfður 1989 var Vignir vikapiltur hjá
Ólafi Laufdal á Hótel Íslandi. Þegar
hann var um tvítugt hóf hann störf á
barnum á Gauki á Stöng. Um alda-
mótin tók hann sér frí frá öldur-
húsunum, en eftir að hafa tekið við
sem veitingastjóri á Ránni í Keflavík
2012 varð ekki aftur snúið. „Óli og
Aðalheiður fengu mig til þess að
hjálpa sér 2018, ári seinna opnaðist
möguleikinn að opna í Grafarvog-
inum og við höfum verið á útopnu
síðan.“
Ölhúsið í Grafarvogi er þar sem
Gullöldin var áður. Vignir segir að
áður en þau hafi opnað hafi þau rifið
niður veggi og tekið niður glugga-
tjöld til að létta á rýminu með Ölhús-
ið í Hafnarfirði sem fyrirmynd. „Óli
var þarna nánast upp á dag í þrjá
mánuði við að breyta húsnæðinu
enda var vel vandað til verka,“ rifjar
hann upp. Hann segir reksturinn
hafa verið erfiðan en íbúar hafi tekið
kránni vel og hann sé bjartsýnn á að
það sé ljós við enda ganganna.
„Heimsfaraldurinn hefur tekið súr-
efnið úr veitingageiranum og þar
sem lítið hefur komið til baka og ekki
nóg fyrir föstum kostnaði má ekki
mikið út af bera á næstunni. Við höf-
um samt fundið fyrir miklum velvilja
fólksins eftir breytingarnar og horf-
um bjartsýn fram á veg í þeirri von
að Eyjólfur hressist.“
Afþreying fyrir nágranna
- Vinir reka hverfis-
krár í Grafarvogi
og Hafnarfirði
Morgunblaðið/Unnur Karen
Æskufélagar Vignir Ari Steingrímsson og Ólafur Guðlaugsson í Ölhúsinu.
Í Grafarvogi Vel fer um gesti og fylgjast má með íþróttum á skjánum.