Klifur : fréttablað Sjálfsbjargar, landssambands fatlaðra - 15.06.1999, Qupperneq 3

Klifur
Avarp forseta Islands
Olafs Ragnars Grímssonar
Að móta vitund þjóðar er fáum gefið. Flestir verða að lúta þeim vindum sem blása
hverju sinni. Þó koma á stundum þeir tímar að máttur samtaka nær að beisla tíðar-
andann og snúa honum sér í hag.
Sjálfsbjörg hefur vissulega átt á brattann að sækja og erfiðleikar oft virst óviðráðanlegir.
Samt er það svo að á merkum tímamótum blasir við sú staðreynd að Sjálfsbjörg er orðin
hluti af þjóðarvitund íslendinga.
Sjálfsbjörg er í senn samviska okkar og brýning til frekari dáða.
Landssamband fatlaðra hefur smíðað þjóðinni verkefnaskrá sem er viðurkennd sem mæli-
stika árangurs. Boðskapur Sjálfsbjargar er vitnisburður um hvort veruleikinn sé í samræmi
við þá sjálfsmynd velferðar og framfara sem við viljum halda í heiðri.
Það er gæfa að hljóta slíkan sess í hugum þjóðar og hún veitir ríkuleg tækifæri til frekari
sóknar.
Þótt mótvindurinn geti virst ærið sterkur þá er unnt að sækja nýjan þrótt í velvildina og
virðinguna sem Sjálfsbjörg nýtur meðal Islendinga.
Á afmælisári færi ég Sjálfsbjörg árnaðaróskir og einlægar þakkir þjóðarinnar fyrir að hafa
breytt lífsviðhorfi okkar á betri veg.
/
3