Morgunblaðið - 11.12.2021, Side 14

14 FRÉTTIR
Innlent
MORGUNBLAÐIÐ LAUGARDAGUR 11. DESEMBER 2021
Þórir Baldursson tónlistarmaður
hefur verið útnefndur heiðurs-
listamaður Kópavogsbæjar fyrir
framlag sitt til lista- og menning-
armála. Karen Elísabet Halldórs-
dóttir, formaður lista- og menn-
ingarráðs Kópavogsbæjar,
tilkynnti valið við hátíðlega athöfn
í Gerðarsafni sl. fimmtudag.
„Þórir Baldursson á að baki
stórmerkilegan feril sem lagahöf-
undur, hammond-orgelleikari og
útsetjari, hérlendis og erlendis, og
hefur sungið sig inn í hjörtu þjóð-
arinnar með aragrúa vinsælla
sönglaga og útsetninga,“ segir
m.a. í tilkynningu frá Kópavogs-
bæ. Fyrir tíu árum hlaut Þórir
heiðursverðlaun Íslensku tónlistar-
verðlaunanna.
Við athöfnina í Gerðarsafni
flutti djasstríó, skipað Unu Stef
söngkonu, Agnari Má Magnússyni
á hammond-orgel og Scott McLe-
more trommuleikara, tvö af ást-
sælustu sönglögum Þóris, lögin
Leyndarmál og Kling Klang.
Heiðurslistamaður Kópavogs
hefur verið útnefndur á tveggja til
fjögurra ára fresti frá 1988.
Þórir Baldursson heið-
urslistamaður Kópavogs
Listamaður Þórir Baldursson fyrir miðju, ásamt bæjarstjóra Kópavogs,
bæjarfulltrúum og fulltrúum í lista- og menningarráði bæjarins.
Sigurður Bogi Sævarsson
sbs@mbl.is
Breytingar verða í áhöfn Höfð-
ingja, bókabíls Borgarbókasafns
Reykjavíkur, nú um áramótin þeg-
ar Bragi Björnsson lætur af störf-
um eftir 40 ára úthald. Áður var
Bjarni bróðir hans einnig bókabíls-
stjóri og var á ferðinni um borgina
með bækur frá 1969 og hálfa öld
eftir það. Bræðurnir eru mörgum
að góðu kunnir fyrir störf sín. Því
má segja að talsverð tímamót verði
í menningarsögu borgarinnar þeg-
ar Bragi bakkar bláa Scania-
bílnum í stæði í síðasta sinn nú í
lok desember.
Mikilvæg þjónusta
Um 3.000 bækur eru kosturinn í
Bókabílnum og þess gætt að úrval-
ið sé fjölbreytt. Barnabækur eru
áberandi, enda lætur nærri að
yngsti aldurshópurinn sé um helm-
ingur þeirra sem í bílinn koma.
Eldri borgarar séu hinn hópurinn
enda miðist áætlun bílsins nokkuð
við þessa hópa, með stoppi hjá til
dæmis grunnskólum og þjónustu-
miðstöðvum aldraðra. Alls eru við-
komustaðirnir í borginni nærri 30
og eru í flestum hverfum.
„Með Bókabílnum er veitt mikil-
væg þjónusta,“ sagði Bragi er
Morgunblaðið tók hann tali nú í
vikunni. Hann var þá síðdegis í
Grafarholtinu eftir að hafa verið
fyrr á deginum á Kjalarnesi og í
Bústaðahverfi. Bílinn er á vissum
stöðum á ákveðnum tímum, til
dæmis við Barnaskóla Hjallastefn-
unnar við Nauthólsveg og Wal-
dorfskólann við Sóltún. Virkar þar
sem skólasafn, svo mikilvæg sem
slík eru fyrir allar menntastofn-
anir. Allt er eins og á að vera,
nema hvað þetta safn er færanlegt!
Arnaldur á biðlista
„Þetta er líflegt starf og sam-
skiptin við fólkið í borginni eru
skemmtilegur hluti þess. Margir
koma reglulega til okkar til að ná
sér í lesefni, og sérstaklega er hóp-
urinn í Laugarneshverfinu sterk-
ur. Þar stoppum við meðal annars
við Hrísateig og á fáum viðkomu-
stöðum koma fleiri í bílinn,“ segir
Bragi, sem jafnhliða bókakeyrsl-
unni hefur verið með bróður sínum
í rútubílaútgerð.
„Já, nú eru jólabækurnar komn-
ar og mér sýnist fólk sem í Bóka-
bílinn kemur hafa sama áhuga á
bókum og allir aðrir. Arnaldur er
vinsælastur og margir eru á bið-
lista eftir nýju bókinni hans,“ segir
Bragi bókabílstjóri.
Morgunblaðið/Sigurður Bogi
Bókavörður Bragi í bílnum með nokkrar af nýju bókunum sem eðlilega eru eftirsóttar þessa dagana meðal lesenda.
Bragi hættir á Bókabílnum
- 40 ár eru að baki - Bróðirinn var í hálfa öld - 3.000
bækur í bláum Scania - Samskipti við fólkið skemmtileg
Höfðingi Góður bíll á stæði í Graf-
arholtshverfinu nú í vikunni.
Guðni Einarsson
gudni@mbl.is
Alls hefur 1.181 fjarstýrt loftfar,
dróni, verið skráð hjá Samgöngu-
stofu á frá árinu 2017. Eingöngu
þarf að skrá dróna sem eru notaðir í
atvinnuskyni en drónar sem eru not-
aðir í einkaþágu eru ekki skráning-
arskyldir. Hægt er að skrá dróna
rafrænt á heimasíðu Samgöngustofu
(samgongustofa.is) og er ekki tekið
gjald fyrir skráninguna. Langflestar
skráningarnar hafa verið það sem af
er þessu ári eða á fimmta hundrað
talsins. Um 70% skráðra dróna hér
eru í eigu erlendra aðila, samkvæmt
lauslegri könnun. Nýjar Evrópu-
reglur um dróna og drónaflug taka
gildi á fyrri hluta næsta árs.
Tómstundadrónar skipta mörgum
þúsundum. Einn sem þekkir til í
drónaheiminum sló á að einkadrónar
gætu verið í kringum tíu þúsund
talsins og mögulega enn fleiri.
Skilgreind bannsvæði
Eins og kom fram í Morgun-
blaðinu í gær fékk Isavia níu til-
kynningar á síðustu tveimur árum
um að drónum hefði verið flogið inn-
an skilgreindra bannsvæða við flug-
velli, flugvélar eða í stjórnuðu loft-
rými. Nýjasta tilvikið var í ágúst í
sumar.
„Það eru alltaf alvarleg tilvik þeg-
ar drónar sjást úr flugvél,“ segir
Sigrún Björk Jakobsdóttir, fram-
kvæmdastjóri innanlandsflugvalla
Isavia. Hún segir það hafa aðallega
gerst við Reykjavíkurflugvöll og
Keflavíkurflugvöll en einnig Akur-
eyrarflugvöll.
„Við vitum að drónar eru fram-
tíðin og við viljum hafa þá og mögu-
leikana sem þeir gefa, en það verður
að virða leikreglurnar í loftinu,“ seg-
ir Sigrún. Samgöngustofa hvetur
notendur dróna til að uppfæra hug-
búnað drónanna fyrir hvert flug.
– Hvers vegna þarf að gera það?
„Í hugbúnaði drónanna eru skil-
greind svæði sem framleiðandinn
veit að eiga að vera lokuð drónum,
eins og flugvellir. Ef hugbúnaðurinn
er ekki uppfærður eða er hakkaður
á einhvern hátt getur dróninn mögu-
lega farið of nálægt því loftrými sem
við viljum vernda,“ sagði Sigrún.
Auðvelt að afla undanþágu
Hægt er að sækja um undanþágu
á vef Isavia til að nota dróna á svæði
sem alla jafna á að vera lokað dróna-
flugi. Sigrún segir það t.d. eiga við
um Landspítalalóðina sem er nánast
við hlið Reykjavíkurflugvallar.
Drónar eru notaðir til að skrá fram-
kvæmdirnar við Nýja Landspítal-
ann og hefur verið sótt um undan-
þágu til þess. Eins geti þetta t.d. átt
við um nágranna flugvallarins í
Skerjafirði.
„Við viljum að fólk sæki um und-
anþágu ef það á að nota dróna við
þessar aðstæður. Við getum þá var-
að loftför við því að það sé dróni í
notkun á tilteknu svæði og tiltekn-
um tíma. Við biðjum fólk að vinna
með okkur,“ segir Sigrún.
Að hennar sögn eru langflestir
þeirra sem gera út dróna í atvinnu-
skyni hér á landi í mjög góðri sam-
vinnu við Isavia og flugmálayfirvöld.
Hins vegar geta þeir sem ekki fara
að reglum um notkun fjarstýrðra
dróna skapað hættu fyrir önnur loft-
för.
Á tólfta hundrað
drónar skráðir
- Drónaflugið þarf að virða leikreglur
Morgunblaðið/Kristinn Magnússon
Dróni Hér er dróni AHA að sendast
með vörur til viðskiptavinar.