Fréttablaðið - 22.02.2022, Blaðsíða 10

Landamæri Ástralíu
hafa verið lokuð í
næstum tvö ár.
Rússnesk stjórnvöld
hyggjast viðurkenna
sjálfstæði héraðanna
Donetsk og Luhansk.
Kristján Gíslason 65 ára
fyrrverandi framkvæmdastjóri
Aldrei hætta
að þora!
Það var hvatningin sem ég fékk frá frá föður
mínum áður en ég keyrði á mótorhjóli 48.000 km
í gegnum 35 lönd í fimm heimsálfum á rúmum
10 mánuðum. Ég kom heim breyttur maður.
Tilgangur Vöruhúss tækifæranna er að auðvelda fólki á þriðja æviskeiðinu að gera breytingar á lífi sínu
og láta óskir sínar rætast. Vöruhúsið er spennandi nýjung sem svarar kalli sífellt stækkandi hóps fólks sem
komið er yfir miðjan aldur og vill feta nýjar slóðir í lífinu á einn eða annan hátt.
Líttu inn á vöruhús tækifæranna.is
Líkur á því að Rússar ráðist
inn í Úkraínu aukast dag
frá degi. Vesturveldin eru
uggandi vegna ástandsins.
Biden hefur samþykkt að
hitta Pútín en óvíst er hvenær
fundur fari fram.
tsh@frettabladid.is
ÚKRAÍNA Mikil óvissa ríkir enn
varðandi mögulega innrás Rússa í
Úkraínu en Bretar segja Rússa vera
langt komna með að undirbúa slíka
innrás. Talsmaður Boris Johnson
forsætisráðherra sagði á fjölmiðla­
fundi að Bretar hefðu haldbærar
upplýsingar um að Vladímír Pútín
Rússlandsforseti væri búinn að setja
hernaðaráætlanir sínar í farveg.
„Upplýsingar okkar gefa til kynna
að Rússar ætli sér að hefja innrás og
að áætlun Pútíns Rússlandsforseta
sé um innrásina sé í raun þegar
komin til framkvæmda,“ sagði tals­
maður Boris Johnson í gær.
Rússar hafa komið um 150 þús­
und manna herliði fyrir við landa­
mæri Úkraínu og hafa Banda ríkja­
menn lýst því yfir að ef til innrásar
komi muni þeir bregðast við „hratt
og örugg lega“.
Bandaríkjamenn segjast hafa
trúverðugar upplýsingar um að
rússnesk hernaðaryfirvöld séu í
óðaönn að gera lista yfir úkraínska
ríkisborgara sem verði drepnir eða
sendir í fangabúðir komi til innrás­
ar. Rússnesk yfirvöld hafa þó alfarið
hafnað því og segja að um helberan
skáldskap og lygar sé að ræða.
Joe Biden Bandaríkjaforseti
samþykkti í gær að hitta Pútín til
að ræða Úkraínu deiluna en sagði
að fundurinn myndi aðeins eiga
sér stað ef Rússar ráðast ekki inn
í Úkraínu. Rússar hafa þó sagt að
engar formlegar áætlanir séu um
fund með forsetunum tveimur.
Utanríkisráðherrar Rússlands og
Bandaríkjanna, þeir Sergei Lavrov
og Anthony Blinken, munu funda
um ástandið í Genf næsta fimmtu­
dag.
Eins og áður hefur verið greint
frá er ein af lykilkröfum Rússa sú
að Úkraína muni ekki fá inngöngu í
Atlantshafsbandalagið og að vestur­
veldin afturkalli heraf la sinn frá
löndum Austur­Evrópu.
Sergei Lavrov, utanríkisráðherra
Rússlands, hefur tjáð Pútín að ólík­
legt sé að Vesturlönd muni verða
við þessum kröfum en hefur þó
sjálfur sagt að nauðsynlegt sé að
halda samtalinu á milli Rússlands
og Vesturlanda áfram.
Rússnesk stjórnvöld greindu
frá því í gærkvöldi að þau hygðust
viðurkenna sjálfstæði héraðanna
Donetsk og Luhansk sem eru innan
landamæra Úkraínu.
Þetta kom fram í tilkynningu frá
stjórnvöldum í Kreml, BBC greinir
frá. Úkraínski herinn hefur barist
um héruðin undanfarin átta ár við
rússneskumælandi aðskilnaðar­
sinna sem ráða þar ríkjum en þeir
vilja stofna sjálfstæð lýðveldi með
stuðningi Rússa sem talið er að gæti
aukið líkurnar á því að Rússar sendi
herafla inn í landið.
Rússar lýstu yfir f lugbannssvæði
á sunnudag yfir Asovshafi sem
liggur á milli Krímskaga og megin­
lands Úkraínu í norðri og Rússlands
í austri. Ákvörðunin var tekin sam­
hliða því að Rússar sendu skipaflota
inn á hafið á sunnudag.
Á mánudag var einnig tilkynnt
um að tíu evrópsk flugfélög hefðu
frestað eða hætt við flug til Úkraínu
en innviðaráðherra Úkraínu, Oleks­
ander Kúbrakov, segir þó úkraínska
lofthelgi enn vera opna og örugga. n
Segja Vladímír Pútín þegar hafa sett
áætlun um innrás í Úkraínu af stað
Joe Biden Bandaríkjaforseti á fundi með Vladímír Pútín Rússlandsforseta í Genf síðasta sumar. FRÉTTABLAÐIÐ/GETTY
mhj@frettabladid.is
COVID-19 Fullbólusettir ferðamenn
geta nú heimsótt Ástralíu eftir
næstum tveggja ára lokun landa­
mæranna. Reglur Ástrala á landa­
mærunum voru með þeim hörðustu
í heimi í gegnum faraldurinn. Ástr­
ölum var hleypt aftur inn í landið
seint á síðasta ári en ferðamenn
og útlendingar höfðu þurft að bíða
þangað til í gær. Það var mikið um
grát og faðmlög á f lugvellinum í
Sydney í gærmorgun er fólk hitti
ástvini sína í fyrsta sinn í langan
tíma. Um 50 f lugvélar frá öðrum
löndum lentu á flugvellinum í Syd­
ney í gær.
Samk væmt BBC er u þett a
jákvæðar fréttir fyrir ferðaþjónustu
landsins en um 660.000 manns
vinna í ferðaþjónustu í Ástralíu.
Óbólusettir ferðamenn sem vilja
fara til Ástralíu þurfa enn að fara í
14 daga einangrun á hóteli sem þeir
þurfa sjálfir að greiða fyrir.
Ferðamenn mega hins vegar ekki
heimsækja vesturhluta Ástralíu fyrr
en 3. mars næstkomandi. Ferða­
menn sem ætla þangað eftir opnun
þurfa að vera þríbólusettir. n
Ástralía opnar landamærin að nýju
Það var mikið um gleði og faðmlög á flugvellinum í Sydney í gær.
FRÉTTABLAÐIÐ/GETTY
mhj@fretttabladid.is
COVID-19 Öllum takmörkunum
í tengslum við kórónuveirufar­
aldurinn verður aflétt í Bretlandi
fimmtudaginn 24. febrúar. Frá og
með fimmtudeginum verður ein­
staklingum sem smitast af kóróna­
veirunni ekki lengur skylt að ein­
angra sig.
Forsætisráðherra Bretlands, Boris
Johnson, kynnti breytingarnar fyrir
breska þinginu í gærkvöldi.
Þá mun breska ríkið hætta að
greiða lágtekjufólki sem greinist
með veiruna um 500 pund eða
rúmlega 85 þúsund krónur. Þeim
sem smitast verður eftir sem áður
ráðlagt að halda sig heima þótt það
verði ekki skylda.
Ein umdeildasta breytingin á að
taka gildi 1. apríl en þá verður ein­
staklingum gert að greiða sjálfum
fyrir PCR­skimun fyrir veirunni.
Stjórnarandstaðan í Bretlandi
hefur lýst áhyggjum af því að ríkis­
stjórnin sé að fara of geyst af stað
með afléttingar, þá sérstaklega fyr­
irhuguð endalok ókeypis skimana.
„Covid­19 mun skyndilega hverfa
á brott en ef við byðum með eftir­
standandi afléttingar þar til stríðið
er fullunnið værum við að takmarka
frelsi almennings um ókomna tíð,“
sagði Johnson í breska þinginu í gær
en BBC greinir frá. n
Takmörkunum
verður aflétt að
fullu í Bretlandi
Boris Johnson á leið í breska þingið
að kynna afléttingarnar.
FRÉTTABLAÐIÐ/EPA
10 Fréttir 22. febrúar 2022 ÞRIÐJUDAGURFRÉTTABLAÐIÐ