Fréttablaðið - 22.02.2022, Blaðsíða 36

Atburðir haustsins
hafa varla farið fram
hjá neinum. Ljóst er að
hlutir fóru aflaga og
verklag var ekki í lagi.
Mér finnst mikilvægt
að við stöndum við
yfirlýsingar okkar og
sýnum að okkur sé full
alvara með að ætla að
hlusta á þolendur,
vinna gegn ofbeldi og
taka á því af festu og
fagmennsku.
Vanda Sigur-
geirsdóttir,
formaður KSÍ
Þó að iðkendum innan
KSÍ hafi fjölgað eru
sum félög að glíma við
fækkun, ekki síst félög
á landsbyggðinni. Eitt
helsta markmið KSÍ er
að fjölga iðkendum.
16 Íþróttir 22. febrúar 2022 ÞRIÐJUDAGURÍÞRÓTTIR FRÉTTABLAÐIÐ 22. febrúar 2022 ÞRIÐJUDAGUR
Knattspyrnusamband Íslands
hefur opinberað ársreikning
sinn ásamt greinargerðum
fyrir árið 2021 en sambandið
tapaði 25 milljónum króna
á árinu. Ársþing KSÍ fer fram
um næstu helgi þar sem kosið
verður í stjórn og um for-
mann.
benediktboas@frettabladid.is
KNATTSPYRNA Knattspyrnusam-
band Ísland var rekið með tapi upp
á tæpar 25 milljónir króna á síðasta
ári og segir Vanda Sigurgeirsdóttir,
formaður KSÍ, í ársskýrslunni að
tapið eigi sér eðlilegar skýringar,
meðal annars vegna þeirra aðgerða
sem gripið var til í kjölfar ástandsins
sem skapaðist í ágúst og september.
Til að sporna við enn frekara tapi
var hagrætt á ýmsum sviðum.
Rekstrartekjur sambandsins voru
fjórum prósentum lægri en áætlanir
gerðu ráð fyrir og þá voru tekjur af
landsleikjum 37 milljónum undir
áætlun. Rekstrargjöld voru hins
vegar 14 milljónum undir áætlun
Hneykslismál sem skóku sam-
bandið og ák veðna leikmenn
landsliðsins höfðu mikil áhrif á
skrifstofu- og stjórnunarkostnað
KSÍ sem fór 16 milljónir fram yfir
áætlun sem skýrist af kostnaði við
aðkeypta sérfræðiþjónustu og auka-
þing KSÍ. Þessi aðkeypta þjónusta
er meðal annars kostnaður vegna
almannatengla og lögfræðiráðgjöf.
Á fundi stjórnar KSÍ þann 29.
ágúst 2021 ákvað þáverandi for-
maður, Guðni Bergsson, að segja af
sér og lét hann þegar af störfum. Á
fundi stjórnar KSÍ þann 30. ágúst
2021 ákváðu þáverandi stjórn og
varamenn í stjórn að segja af sér.
Vanda fékk Guðna til að birta
stutta kveðju í ársskýrslunni þar
sem hann þakkar fyrir sig og segir
að auðvitað hefði hann óskað að
endirinn hefði verið ánægjulegri.
KSÍ gerir þó ráð fyrir því að kom-
ast réttum megin við núllið á árinu
og að hagnaður sambandsins verði
um 21 milljón króna. Gert er ráð
fyrir að heildartekjur KSÍ á árinu
verði um 1,6 milljarðar og hækki
um 30 milljónir milli ára. Reiknað
er með að heildargjöld ársins 2022
verði um 1,5 milljarðar. Eftir fram-
lög til aðildarfélaga verður því
hagnaðurinn 21 milljón. ■
Hallarekstur í Laugardal
Það er margt sem þarf að laga í Laugardal miðað við ársskýrsluna. Völlurinn er á undanþágu, fækkun er á iðkendum á landsbyggðinni og hallarekstur upp á tugi milljóna. FRÉTTABLAÐIÐ/VALLI
hordur@frettabladid.is
KNATTSPYRNA Ljóst er að fram-
kvæmda er þörf á Laugardalsvelli ef
ekki á að koma til þess að íslensku
landsliðin þurfi að leika leiki sína á
erlendri grundu. Völlurinn er barn
síns tíma og er UEFA farið að krefja
knattspyrnusambandið um svör.
Þetta kemur fram í ársskýrslunni.
„Aðstaðan er með öllu óboðleg.
UEFA hefur krafist svara um fram-
kvæmdir og ljóst að aðgerða er þörf,“
skrifar Vanda Sigurgeirsdóttir, for-
maður sambandsins, í ávarpi sínu
um völlinn.
Framkvæmdir hafa lengi verið á
teikniborðinu en lítið hefur þokast
síðustu ár. „Við þurfum völl sem
uppfyllir kröfur um alþjóðaknatt-
spyrnu, sem ýtir undir árangur en
hamlar honum ekki. Glæsilegir
knattspyrnuvellir spretta upp víða
um Evrópu og ekki skortir á hug-
myndir um uppbyggingu vallar
hér á landi. Stjórnvöld þurfa því
að bretta upp ermar og láta verkin
tala,“ skrifar Vanda. ■
UEFA er farið að
krefja KSÍ um svör
Hrafnslaupur á Laugardalsvelli.
FRÉTTABLAÐIÐ/ANTON BRINK
hordur@frettabladid.is
KNATTSPYRNA Guðni Bergsson, fyrr-
verandi formaður KSÍ, fékk 18,6
milljónir greiddar frá Knattspyrnu-
sambandi Íslands á síðasta ári. Um
er að ræða laun og launauppgjör til
Guðna. Þetta kemur fram í nýjum
ársreikningi KSÍ sem opinberaður
var um helgina. Guðni sagði starfi
sínu lausu í lok ágúst á síðasta ári
og við starfi hans tók Vanda Sigur-
geirsdóttir í október. Vanda fékk 4,4
milljónir í greiðslur frá KSÍ á síðasta
ári en hún sækist eftir endurkjöri á
ársþingi sambandsins um komandi
helgi.
Í ársreikningum kemur fram að
Klara Bjartmarz, framkvæmdastjóri
KSÍ, hafi fengið 16,2 milljónir í laun
eða um 1,3 milljónir á mánuði.
Laun og verktakagreiðslur við
A-landslið karla voru 124 milljónir
króna á árinu og hækkuðu um 22
milljónir á milli ára. Laun og verk-
takagreiðslur vegna A-landsliðs
kvenna voru 57 milljónir og hækk-
uðu um fimm milljónir á milli ára. ■
Launin hjá þeim
sem stjórna KSÍ
Guðni Bergsson,
fyrrverandi for-
maður KSÍ
25
milljóna króna tap
varð á rekstri KSÍ.
186
milljónum munaði á
kostnaði A-landsliða
karla og kvenna.
80%
tekna KSÍ eru í erlendri
mynt.
86
milljónir verða tekjur
KSÍ af landsleikjum og
er gert ráð fyrir 40%
sætanýtingu á heima-
leiki A-landsliðs karla.
Þessar tekjur voru 190
milljónir 2019.
1
milljón námu sektir
vegna refsistiga og
brottvísana þjálfara og
starfsmanna liða árið
2021.
187
störf mannaði skrif-
stofa KSÍ eina helgina
í ágúst.
34
störf mannaði skrif-
stofa KSÍ aðra helgi í
ágúst.
18,6
milljónum króna
námu laun og launa-
uppgjör við fyrrver-
andi formann.
67
milljónum munaði á
kostnaði við laun og
verktakagreiðslur hjá
A-landsliði karla og
kvenna. Hjá körlunum
var kostnaðurinn 124
milljónir en 57 hjá
konunum.
16
milljónir fór skrif-
stofu- og stjórnunar-
kostnaður fram yfir
áætlun sem skýrist af
kostnaði við aðkeypta
sérfræðiþjónustu eins
og almannatengsl, lög-
fræðiráðgjöf sem og
aukaþing.