Fréttablaðið - 22.02.2022, Blaðsíða 16

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf.
Ábyrgðarmaður:
Jón Þórisson
Sölumenn: Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654, Jóhann
Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
„Innréttingar og Tæki selja flest allt
sem þarf inn á baðherbergið. Við
erum meðal annars með sturtur,
sturtuklefa, sturtubotna, blönd-
unartæki, handlaugar, klósett,
baðkör, baðinnréttingar, spegla
og speglaskápa, mosa fyrir veggi,
sápur og meira að segja bað-
sloppa,“ segir Íris Jensen eigandi.
„Við erum sannkölluð sérvöru-
verslun á þessum markaði.“
Innréttingar og Tæki eru eitt
af rótgrónustu fyrirtækjum á
höfuðborgarsvæðinu. Sagan nær
aftur til ársins 1945 þegar amma
Írisar stofnaði heildsöluna Jensen
Bjarnason og co. Íris tók svo við
rekstri fyrirtækisins ásamt eigin-
manni sínum Grétari Þór Grétars-
syni árið 2014, en áður höfðu
foreldrar Írisar rekið fyrirtækið
farsællega frá árinu 1993.
„Þetta er algjört fjölskyldufyrir-
tæki. Maðurinn minn er í annarri
vinnu, en kemur svo alltaf upp í
búð að vinnudegi loknum. Og ef
foreldrar mínir eru ekki á staðn-
um, þá eru börnin hérna. Svo bíð
ég bara eftir að ömmubörnin mæti
á vaktina,“ segir Íris og hlær.
Mikið af nýjum innréttingum
og spennandi litum
„Við erum að fá mikið af nýjum
baðinnréttingum um þessar
mundir, en þær byrjuðu að koma
um áramótin og eru enn að detta
inn. Á þessu ári verða nýjar gerðir
af útliti að koma inn fram á vor
og bara í þessari viku og þeirri
næstu á ég von á ýmsu nýju, en að
sjálfsögðu verðum við líka alltaf
með vinsælustu innréttingarnar,“
segir Íris. „Það eru alltaf að koma
nýir litir eins og dekkri hnota
og jafnvel bleikar borðplötur og
bleikir vaskar. Það er mikið af nýju
útliti að koma sem maður hefur
ekki séð lengi, til dæmis bláar og
grænar innréttingar, sem hafa ekki
sést síðan 1996. Þarna er tískan að
ganga í hringi eins og í fatnaði. Það
eina sem er alveg nýtt í þessu eru
svört og grá blöndunartæki, þau
hafa aldrei verið vinsæl áður.
Ég hugsa að við séum kannski
djarfari í litavali og hugmyndum
en margir aðrir, það er ekki hægt
að fá bæði bleikt og svart klósett
alls staðar,“ segir Íris. „Við bjóðum
líka upp á steinflísasturtubotna,
sem eru mjög vinsælir og þar er
hægt að velja á milli 15 ólíkra lita.
Fólk á að geta gert baðherbergin
hugguleg með réttu litunum og
sem betur fer eru svörtu og hvítu
baðherbergin að fara út og litir að
koma inn. Svo er hægt að blanda
saman ólíkum litum til að skapa
eitthvað einstakt og persónulegt.“
Allir geta skapað griðastað
„Margir líta á baðherbergið sem
griðastað og við getum hjálpað
fólki að skapa griðastað eftir þeirra
eigin höfði, en það er misjafnt hvað
fólk leggur áherslu á. Fólk er til
dæmis ýmist sturtu- eða baðkars-
fólk og nú eru komnar nýjar „walk-
in“ sturtur sem eru mjög vinsælar
hjá körlum. Þeir leggja almennt
meiri áherslu á góð blöndunartæki
og stórar sturtur, á meðan konur
fara frekar í baðkörin með kerta-
ljós og hvítvínsglas,“ segir Íris og
hlær. „Svo er vísitölufjölskyldan
með annað sjónarmið. Þá þarf til
dæmis að vera baðkar fyrir börnin
og það er eitt sem vantar á flestum
baðherbergjum á Íslandi og fjöl-
skyldur finna oft mikið fyrir, það
er góðar hirslur fyrir allt sem þarf
að vera á baðherberginu.
Íslensk baðherbergi eru oftast
teiknuð of lítil og engan langar
að þurfa að hlaupa um og leita að
handklæði eða geyma klósett-
pappír eða snyrtivörur annars
staðar en á baðherberginu, þar
sem þetta er notað,“ segir Íris. „Þess
vegna leggjum við mikið upp úr
því að bjóða innréttingar sem hafa
stórar og djúpar skúffur og hand-
klæðageymslur. Fólk hefur ólíkar
þarfir og væntingar til baðher-
bergja, en það er allt til hjá okkur
svo við getum komið til móts við
allar þarfir.
Til að setja punktinn yfir i-ið og
skapa auka hlýleika er svo sniðugt
að setja upp mosa í ramma, sem
er mjög vinsælt. Við bjóðum upp
á alls konar form og liti og þetta
hentar vel á baðherbergi, en má
reyndar ekki blotna,“ segir Íris.
Gefa hverjum viðskiptavini
viðeigandi ráð
Íris segir að viðskiptavinirnir
séu fjölbreyttir, allt frá iðnaðar-
mönnum til fólks sem er rétt að
byrja að búa.
„Við leggjum mikið upp úr per-
sónulegri þjónustu og reynum að
aðstoða fólk með þær hugmyndir
sem það hefur,“ segir Íris. „Fólk
kemur með málin til okkar og við
aðstoðum við að nýta rýmið sem
best. Oftast spyrjum við líka út í
hve margir eru að fara nota bað-
herbergið til að vita hve mikið þarf
af hirslum.
Við bendum fólki svo á að það
þarf að velja litina og hlutina sjálft
og fara eftir buddunni. Við reynum
alltaf að ráðleggja hverjum og
einum eftir því sem þeim hentar
og reynum aldrei að hvetja fólk til
að kaupa dýrari vörur en það vill.“
Hægt að gera upp að hluta
„Það er dýrt að gera upp baðher-
bergi, en þeir sem vilja gera það að
hluta geta fengið hluti hjá okkur
sem er hægt að púsla saman við
gamlar innréttingar. Þannig er
til dæmis hægt að setja inn nýja
borðplötu, handlaug eða blönd-
unartæki og ef fólk er að taka
baðkarið og setja sturtu er hægt að
setja flísar til að púsla yfir það sem
vantar á veggina þegar baðkarið
er farið,“ segir Íris. „Þannig er hægt
að gera eldra baðherbergi upp að
hluta og blanda saman gömlu og
nýju til að fá nýtt útlit.
Það er skemmtilegt að þurfa ekki
að gera allt í einu og skipta bara
út því sem er ekki lengur í lagi eða
maður er þreyttur á,“ segir Íris. n
Innréttingar og Tæki eru í Ármúla
31. Sími 588 7332. Sjá nánar á i-t.is.
Svört blöndunartæki eru klassísk. FRÉTTABLAÐIÐ/ERNIR
Mosi á vegginn
eykur hlýleika.
FRÉTTABLAÐIÐ/
ERNIR
Hjá Innréttingum og Tækjum fá allir ráðleggingar sem henta þeirra þörfum. Það er mikið úrval af blöndunartækjum í boði.
Hjá Innréttingum og Tækjum er hægt að fá allt sem þarf til að skapa griðastað eftir sínu höfði.
Það eru alltaf að koma nýir litir fyrir baðherbergisinnréttingar.
Íris segir að Innréttingar og Tæki séu djarfari í litavali en margir aðrir.
Það er mikið af
nýju útliti að koma
sem maður hefur ekki
séð lengi, til dæmis bláar
og grænar innréttingar,
sem hafa ekki sést síðan
1996.
Íris Jensen
2 kynningarblað A L LT 22. febrúar 2022 ÞRIÐJUDAGUR