Fréttablaðið - 22.02.2022, Blaðsíða 12

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is,
FRÉTTASTJÓRAR: Aðalheiður Ámundadóttir adalheidur@frettabladid.is Ari Brynjólfsson arib@frettabladid.is, Garðar Örn Úlfarsson gar@frettabladid.is VEFSTJÓRI: Einar Þór Sigurðsson einarthor@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún
Bergþórsdóttir kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
En varla er
lausnin að
setja lækna
okkar og
heilbrigðis-
starfsfólk
í þá stöðu
að þurfa
annað
hvort að
brjóta
alþjóðlegar
siðareglur
eða lands-
lög?
Færum ráð-
húsið og
Stjórnar-
ráðið nær
fólkinu.
Björk
Eiðsdóttir
bjork
@frettabladid.is
Það felast tækifæri fyrir okkur á landsbyggðinni að
byggja upp öfluga upplýsingatækni. Faraldurinn
kenndi mörgum okkar að sinna í ríkara mæli störfum
að heiman. Veiran hefur þannig stutt við það sem
landsbyggðin hefur talað lengi fyrir að staðsetning
skiptir æ minna máli með tilkomu net- og tækni-
væðingar.
Stafræn þróun hefur fært okkur skilvirkari stjórn-
sýslu og dregið úr mikilvægi staðsetningar. Staðsetning
skiptir æ minna máli og störf eru nú auglýst án stað-
setningar.
Nýverið steig Áslaug Arna Sigurbjörnsdóttir, vísinda-,
iðnaðar- og nýsköpunarráðherra, það framfaraskref að
tilkynna að næstum öll störf ráðuneytisins yrðu auglýst
án staðsetningar. Stafræn þróun hefur gert okkur kleift
að stíga þetta mikilvæga skref og ráðherrann hefur
svarað kalli sveitarstjórnarmanna landsbyggðanna sem
lengi hafa kallað eftir þessari þróun. Við í sveitarstjórn-
um eigum að feta í sömu spor. Sameinuð sveitarfélög
eins og Fjarðabyggð sem ná yfir fleiri en einn byggða-
kjarna hafa byggt upp miðlæga stjórnsýslueiningu þar
sem starfsfólk skrifstofunnar kemur saman. Upplýs-
ingatæknin gerir það að verkum að við getum í auknum
mæli haft störf innan Fjarðabyggðar óháð staðsetningu.
Það dregur úr þörfinni fyrir stór stjórnsýsluhús
eða ráðhús þar sem valmöguleikar fyrir færanlegum
skrifstofum innan mannvirkja sveitarfélaganna og
heimavinnu hafa aukist á undanförnum árum. Nú ætti
að vera komið að þeim tímapunkti að yfirbyggingin
minnki, frelsi starfsfólks aukist og vonandi aukið hag-
ræði.
Innan Fjarðabyggðar eru mannvirki í eigu þess
og notkun sem mætti nýta í auknum mæli. Þá hefur
Múlinn í Neskaupstað gefið góða raun og sannað gildi
sitt sem skrifstofu- og aðstöðuklasi fyrir fjölbreytta
starfsemi. Við eigum að horfa meira til slíkra nýsköp-
unarsetra og sameiginlegrar skrifstofuaðstöðu þeirra
sem sinna störfum án staðsetningar.
Lykillinn er skýr stefna sveitarfélags um uppbygg-
ingu stafrænnar þróunar. Í upplýsingabyltingunni
felst byggðafesta framtíðarinnar. Færum ráðhúsið og
Stjórnarráðið nær fólkinu. n
Bæjarskrifstofuna heim
Ragnar
Sigurðsson
bæjarfulltrúi Sjálf-
stæðisflokksins
í Fjarðabyggð og
varaþingmaður
NÚ AÐEINS Í APPI
OG Á DOMINOS.IS
ALLAR PIZZUR AF MATSEÐLI,
EF ÞÚ SÆKIR
ser@frettabladid.is
Þriðji fullnaðarsigurinn
Allt er þegar þrennt er, eða gæti
allt verið þegar fernt er, jafnvel
fimm? Þetta er auðvitað stóra
spurningin þegar hillir undir
þriðju fullnaðarafléttinguna
á farsóttartímum íslenskrar
þjóðar sem fram mun fara með
viðhöfn á föstudag. Nú er spurn-
ingin hvort þetta verður hin
endanlega allsherjaraflétting
eða hvort aftur þurfi að skella
í lás. Það kom í hlut Svandísar
Svavarsdóttur að tilkynna fyrstu
tvær fullnaðarafléttingarnar á
stóli heilbrigðisráðherra, en nú
er það Willum Þór Þórsson sem
fær að lýsa yfir fullnaðarsigri, í
fyrsta sinn í sinni ráðherratíð.
Hvort skiptin verða fleiri veit
veiran ein.
Hættum þegar hæst ber
Það er vitaskuld til marks um
fordæmaleysi farsóttartímans
að þá fyrst er lýst yfir endanleg-
um allsherjarsigri í baráttunni
við óværuna þegar flestir eru
með hana. Það gat auðvitað
engan órað fyrir slíkum og því-
líkum endalokum. Og sennilega
hefðu landsmenn klórað sér svo-
lítið í kollinum fyrir nokkrum
misserum eða svo ef þeir hefðu
heyrt þau spakmæli úr munni
sóttvarnalæknis lýðveldisins að
líklega myndum við á endanum
segja þetta gott þegar flestir
væru smitaðir. Það heitir víst að
hætta þegar hæst ber. n
Nú liggur fyrir Alþingi frumvarp
til breytinga á útlendingalögum,
en ljóst var að endurskoða þyrfti
allmörg ákvæði núgildandi laga til
að gera meðferð mála skýrari.
En frumvarpið er sannarlega ekki gallalaust
og hafa stjórnir Læknafélags Íslands og Félags
læknanema gert alvarlegar athugasemdir við
þann hluta frumvarpsins sem varðar heilbrigð-
isskoðanir og læknisrannsóknir, nánar tiltekið
nítjándu grein. Í umræddri grein er lögreglu
gert heimilt að skylda útlending til að gangast
undir heilbrigðisskoðun ef nauðsynlegt þykir
til að tryggja framkvæmd. Er þá átt við rann-
sókn til að úrskurða um hvort einstaklingur sé
nægilega hraustur til að ferðast, gögn sem eru
nauðsynleg til að geta sent einstakling úr landi.
Gera má ráð fyrir því að sá sem neitar að
undirgangast læknisrannsókn svo afla megi
slíks vottorðs vilji ekki vera sendur úr landi
enda er oftar en ekki verið að vísa fólki aftur í
aðstæður sem eru ekki heilsubætandi. Skiptar
skoðanir eru á því hvernig skuli taka á þeirri
aukningu fólks sem hingað sækir eftir að hafa
verið veitt vernd í öðru Evrópulandi. En varla
er lausnin að setja lækna okkar og heilbrigðis-
starfsfólk í þá stöðu að þurfa annað hvort að
brjóta alþjóðlegar siðareglur eða landslög?
Í Alþjóðasiðareglum lækna er því lýst yfir
að „Læknir skal aðeins gera það sem er sjúkl-
ingnum fyrir bestu, þegar hann veitir læknis-
þjónustu“. Því er ljóst að læknir sem þyrfti að
taka á móti einstaklingi, gegn vilja hans og gefa
út heilbrigðisvottorð svo senda mætti hann
þangað sem hann ekki vill fara, væri að brjóta
téðar siðareglur. Sérstök athugasemd er gerð
við að samkvæmt frumvarpinu getur lögreglan
fyrirskipað slíka rannsókn, án dómsúrskurðar.
Í sakamálum hér á landi þarf dómsúrskurð til
að gera sakborningi að sæta líkamsrannsókn.
Það liggur þannig ljóst fyrir að útlendingar eru
settir skör lægra en sakamenn.
Læknar eru með þessum breytingum settir
í ómögulega stöðu. Ekki aðeins vegna þess að
mögulega þurfi þeir að brjóta siðareglur til að
framfylgja landslögum, heldur er einnig margt
óljóst um framkvæmdina og ábyrgð lækna.
Talað er um að heilbrigðisstarfsmaður eða
annar aðili geti framkvæmt „heilbrigðisskoðun“
sem er nýyrði í þessum efnum og hvergi er skil-
greint hver þessi „annar aðili“ er.
Nítjánda grein frumvarps til laga um breyt-
ingu á lögum um útlendinga (alþjóðleg vernd),
er ekki til þess fallin að straumlínulaga þung-
lamalegt og oft ómanneskjulegt kerfi sem tekur
á málum hælisleitenda og verður að bæta. n
Lög eða reglur
SKOÐUN FRÉTTABLAÐIÐ 22. febrúar 2022 ÞRIÐJUDAGUR