Fréttablaðið - 26.02.2022, Blaðsíða 88

frettabladid.is
550 5000
RITSTJÓRN ritstjorn@frettabladid.is
AUGLÝSINGADEILD auglysingar@frettabladid.is
PRENTUN Torg ehf.
DREIFING Póstdreifing ehf.
dreifing@postdreifing.is
Óttars
Guðmundssonar
n Bakþankar
Orlando
17.900 KR.
frá
STREYMISVEITA
3.990 kr./mán.
BYRJAÐU AÐ HORFA!
Tryggðu þér áskrift á stod2plus.is
MEÐ ORKULYKLI
FRÍTT
KAFFI
Í Fóstbræðrasögu er sagt frá því
þegar Þorgeir Hávarsson fór að
tína hvönn í Hornbjargi. Honum
skrikaði fótur en tókst í fallinu að
grípa í hvannarnjóla og hanga á
honum utan í þverhníptu bjarginu.
Hann hékk lengi dags en kallaði
ekki á hjálp enda var það merki um
veikleika. Honum var að lokum
bjargað og lagði hann ávallt fæð á
lífgjafa sinn.
Heilbrigðiskerfið byggist upp á
einföldum hlutverkaleik. Sjúkling-
ur er hjálparvana og þiggur aðstoð
og líkn en heilbrigðisstarfsmaður
veitir þjónustu og þekkingu. Þetta
hefur mikil áhrif á atferli og hugsun
fólks. Margir læknar eru guðum-
líkir besservisserar sem telja sig
ráða yfir lífi og dauða. Sjúklingur-
inn dettur hins vegar inn í hlutverk
ósjálfbjarga barns sem á allt sitt
undir visku og færni læknisins.
Þetta veldur því að læknar
eiga erfitt með eigin veikindi og
sjúklingshlutverk. Þeir eru því
vanastir að til þeirra sé leitað með
ráð en ekki öfugt. Við þær aðstæður
vaknar Þorgeir Hávarsson upp
úr undirvitundinni. Læknar leita
sér seint hjálpar og gera lítið úr
einkennum sínum. Þeir eru erfiðir
sjúklingar sem venjulega vita allt
best. Flestir læknar trúa á eigin
ódauðleika og líta því á veikindi
sem aðför að ímynd sinni og
virðingu. Þeir beita afneitun og
öðrum varnarháttum sjálfsins til að
bægja frá sér allri ógn.
Í yfirstandandi veikindum
uppgötvaði ég að sjúkdómar eru
veikleikamerki sem dæmigerður
læknir sættir sig engan veginn við.
Svarið er því að grípa þéttings-
fast um hvönnina og bíða örlaga
sinna með hetjuglott á vörum. Ég
er nefnilega Þorgeir Hávarsson bak
við tjöldin. n
Þorgeir
bakvið tjöldin