Fréttablaðið - 12.03.2022, Side 2

Rauði krossinn á Íslandi
hvetur öll þau sem hafa áhuga
á að verða sjálfboðaliðar
með hund til að skrá sig í
grunnhundamat og á hunda-
vinanámskeið. Allir hundar
sem vilja verða heimsóknar-
hundar þurfa að fara í mat þar
sem skapgerð þeirra og atferli
er skoðað.
birnadrofn@frettabladid.is
SAMFÉLAG Heimsóknarvinir með
hunda er eitt af verkefnum Rauða
krossins í Hafnarfirði, Garðabæ og
Kópavogi. Markmið verkefnisins er
að rjúfa félagslega einangrun ein-
staklinga með hjálp hunda. Sjálf-
boðaliðar heimsækja fólk sem þarf
á vini að halda og taka hund með.
Karen Björk Jóhannesdóttir, verk-
efnastjóri hjá Rauða krossinum,
segir verkefnið ganga vel og að með
nærveru hunda sé hægt að auka
lífsgæði þeirra sem heimsóttir séu,
létta þeim lífið og veita þeim kær-
komna tilbreytingu í daglegt líf.
„Hundavinir heimsækja notendur
sína ýmist á einkaheimili eða stofn-
anir, oftast einu sinni í viku, klukku-
tíma í senn,“ segir Karen, en bendir
á að meta þurfi alla hundana til að
þeir fái að taka þátt í verkefninu.
„Allir sjálf boðaliðar þurfa að
klára bæði grunnhundamat hunda-
vina og hundavinanámskeið,“ segir
Karen. Matið er gert af reyndum
sjálf boðaliðum í verkefninu sem
meta hvort hundurinn og eigandi
hans séu færir um að taka þátt í
verkefninu.
Í matinu felst til að mynda hvern-
ig hundurinn bregst við snertingu
og óvænti snertingu, hvort hann
gangi í taumi, geti hlýtt skipunum
og hvort hann hafi hæfni til að
sitja kyrr. Standist hundurinn ekki
matið fær hann ekki að taka þátt
í verkefninu eða hann og eigandi
hans gætu þurft að vinna í ákveðn-
um þáttum og geta að því loknu sótt
aftur um.
Næsta grunnhundamat fer fram
28. og 30. mars og hvetur Rauði
krossinn einstaklinga og hunda til
að taka þátt. Karen segir verkefnið
tilvalið fyrir alla sem þurfi aukna
nánd og gleði í líf sitt. „Hinar ýmsu
rannsóknir hafa sýnt fram á að dýr
hafa jákvæð áhrif á heilsu manna,
bæði líkamlega og andlega,“ segir
hún.
„Dýr draga úr streitu, lækka blóð-
þrýsting og vinna gegn þunglyndi
þeirra sem umgangast þau, auk þess
sem náið samband við dýr getur
hæglega uppfyllt þörf manns fyrir
hlýju, þægindi og umönnun,“ bætir
Karen við og bendir enn fremur á
að skráning í bæði grunnhunda-
mat og á hundavinanámskeið sé nú
í fullum gangi.
„Þetta eru námskeið sem eru til-
valin fyrir þá sem vilja láta gott af
sér leiða í gegnum sjálfboðaliðastarf
Rauða krossins og kjósa að gera það
með sinn ferfætling með sér,“ segir
Karen. n
Hinar ýmsu rann-
sóknir hafa sýnt fram á
að dýr hafa jákvæð
áhrif á heilsu manna,
bæði líkamlega og
andlega.
Karen Björk Jóhannesdóttir, verk-
efnastjóri hjá Rauða krossinum
Á flótta
Kjörskrár vegna kosningar um sameiningu
sveitarfélaganna Langanesbyggðar og
Svalbarðshrepps, sem haldnar verða laugar-
daginn 26. mars 2022, skulu lagðar fram eigi
síðar en 16. mars 2022.
Kjörskrár skal leggja fram á skrifstofu
sveitarstjórna eða á öðrum hentugum stað
sem sveitarstjórn ákveður.
Þeim sem vilja koma að athugasemdum er
bent á að senda þær hlutaðeigandi sveitar-
stjórn.
Dómsmálaráðuneytinu,
12. mars 2022.
Framlagning kjörskráa
Vantar hunda til að minnka
streitu og veita fólki hlýju
Allir hundarnir sem taka þátt í verkefninu hafa verið metnir og hafa farið á
námskeið með eigendum sínum. Þeir hundar sem ekki standast matið fá
ekki að taka þátt í verkefninu. MYND/AÐSEND
bth@frettabladid.is
SAMFÉLAG Áfangaheimili fyrir fólk
sem er að stíga út úr neyslu er félags-
þjónusta, ekki heilbrigðisþjónusta.
Þetta kemur fram í svörum frá heil-
brigðisráðuneytinu við fyrirspurn
Fréttablaðsins.
Arnar Hjálmtýsson, forstöðumað-
ur áfangaheimilis í Kópavogi, hefur
sagt að verið sé að senda vistmenn út
í opinn dauðann ef þeir fara á götuna
vegna kröfu um bættar brunavarnir.
Síðar í mánuðinum munu 14 vist-
menn á áfangaheimilinu Betra lífi í
Kópavogi fara á götuna, að sögn Arn-
ars. Hann segir suma mannanna geta
reynst hættulega öðru fólki á götum
úti. Um sé að ræða hóp sem hafi
brennt brýr í félags- og heilbrigðis-
þjónustu. Sumir séu of hættulegir til
að hægt sé að vista þá á geðdeildum.
Fréttablaðið hefur ekki náð tali
af félagsmálaráðherra, Guðmundi
Inga Guðbrandssyni, vegna málsins.
Heilbrigðisráðuneytið segist enga
aðkomu hafa að málinu.
Sigurður Ingi Jóhannsson innviða-
ráðherra segist ekki þekkja málið
nógu vel til að tjá sig um það. Hús-
næðis- og mannvirkjastofnun fer
með stjórn og framkvæmd húsnæð-
ismála í umboði innviðaráðherra. n
Heilbrigðisráðuneytið segir vanda
Kópavogsheimilisins ekki á sínu borði
Frá áfangaheimilinu í Kópavogi.
gar@frettabladid.is
STJÓRNSÝSLA Reykjavíkurborg
hefur verið gert að láta manni í té
gögn um látna sambýliskonu hans.
Borgin vildi ekki afhenda gögnin
því að þau vörðuðu einkahags-
muni hinnar látnu konu. Því hafnar
úrskurðarnefnd um upplýsingamál.
„Er fyrst og fremst um að ræða
upplýsingar um þjónustu Reykja-
víkurborgar við kæranda og sam-
býliskonu hans og samskipti
kæranda sjálfs við starfsmenn
Reykjavíkurborgar vegna þess,“
segir nefndin.
Maðurinn sagði að kona hans
hefði verið blekkt til að skrifa undir
beiðni um vistun á hjúkrunarheim-
ili þar sem hún var síðan lögð inn.
Hún hafi einfaldlega verið fórnar-
lamb mannráns.
„Hann telur aðgerðaleysi lækna
þar hafa kostað hana lífið og gagn-
rýnir að hafa ekki fengið upplýs-
ingar um meðferð hennar,“ segir
um málið í umfjöllun úrskurðar-
nefndarinnar. n
Sambýlismaður
fær gögn um konu
Maður taldi að sambýliskonu sinni
hefði verið rænt. FRÉTTABLAÐIÐ/STEFÁN
Um tvær og hálf milljón manna hefur flúið undan stríðsrekstri Rússa í Úkraínu á liðnum vikum. Um helmingur þeirra hefur farið til Póllands. Hópur þeirra er
hér á gamalli lestarstöð í Kraká sem breytt hefur verið í neyðarskýli. Úkraínumenn og Bandaríkjamenn höfnuðu í gær fullyrðingum Rússa um að þeir væru
saman að þróa efnavopn gegn Rússum. Fastafulltrúi Úkraínu sagði þær „geðsýkislegt óráðshjal“. SJÁ SÍÐU 12 FRÉTTABLAÐIÐ/GETTY
2 Fréttir 12. mars 2022 LAUGARDAGURFRÉTTABLAÐIÐ