Editiones Arnamagnæanæ. Series B - 01.10.1960, Blaðsíða 135

93
hann ok hefna þinar suiuirdu ella falla a holmi fyrir
honum. fruin suarar barn ertu fullr af ofrkappi enn
matt þer litit. hann m(ælti) þa þetta skal fram geingt
verda þuiat betra er at deyia skiotum dauda enn liía
vid skomm. hun m(ælti) þat er æigi þin at sigra hann
j einuigi ok einskis manz j heiminum. þuiat herra
E(skopart) er þu ert eptir heitinn var suo stolltr
riddari at enginn vard honum frægri ok vanzt honum
æigi þo vid herra G(ibbon) hann mælti þa kann vera
at mer se lagit at sigrazt. huerfum vær nu her fra
fyst at sinni enn vikium til herra Alanus at þegar
sem herra E(skopart) var j burtu þa byr hann wt
•xu c- riddara segiandi þeim suo fyrir at þeir skulu
æigi af letta fyrr enn þeir finna herra E(skopart)
ok honum fylgia j hueriu stridi koma þessir riddarar
nu j borgina ok hitta E(skopart) tekr hann med
þeim hardla vel segir at herra Alanus hefdi vel giort.
21. <(N)wsem jungkæri E(skopart) hefir þar dualizt
nockra hrid eigandi jafnan tal vid sina modr lysir
hann yfir þui at hann ætlar til Griklandz at hallda.
segir modir lians at hann skuli hafa allan þan styrk
or hennar riki sem honum þarf(n)azt er nu stadit j
skipa bunadi hefir hann xir skip ok dreka hit xvj'
hardla vel buit at monnum ok uopnum ok ollum
reidskap þeim er hafa þurfti ok sem hann er albuinn
sigfir hann j haf lettandi eigi fyrr sinni ferd enn hann
kemr j þær hafnir sem lagu nær hofudborginni j
Griklandi. Nu sem herra G(ibbon) verdr viss at
okunigt herfolk er komit j landit lætr hann giora
menn aa fund þess hofdingia er fyrir skipum rædr
vitandi huort þeir eru fridmenn edr hermenn. enn
þegar Greka drottning veit at skipin eru komin
geingr hun til herra G(ibbons) ok segir honum at
11 herra] or her[ra]: the last letters are blotched and not easily
legible B.
5
10
15
20
25
30