Morgunblaðið - 22.03.2022, Blaðsíða 2

2 FRÉTTIR
Innlent
MORGUNBLAÐIÐ ÞRIÐJUDAGUR 22. MARS 2022
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. kl. 8-17, fös. kl. 8-14
Hröð og góð þjónusta um allt land
Áratuga
reynsla
Startar bíllinn ekki?
Við hjá Rafstillingu leysum málið
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Gísli Freyr Valdórsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Helgi Bjarnason
helgi@mbl.is
Herjólfur sigldi til Landeyjahafnar í gær-
kvöldi, tvær ferðir, en skipið hefur lítið getað
notað höfnina frá því upp úr áramótum vegna
sands í innsiglingunni og slæms veðurs. Byrj-
að verður að dýpka í dag og er vonast til að
hægt verði að nota höfnina meira á næstunni.
Óvenjuerfitt hefur verið fyrir Herjólf að
sigla til Landeyjahafnar það sem af er ári.
Það er ekki aðeins að sandur í höfninni hafi
gert höfnina illfæra heldur hafa stöðugar
brælur gert ástandið verra. Þá fáu daga sem
veður hefur verið stillt og öldur ekki of mikl-
ar hefur verið hægt að sigla inn í höfnina á
flóði. Síðast tókst að fara eina ferð 5. mars og
þar áður nokkrar ferðir um miðjan febrúar.
Annars hefur verið siglt til Þorlákshafnar. Sá
möguleiki hefur þó ekki alltaf verið í boði því
þurft hefur að fella niður 24 ferðir til
Þorlákshafnar vegna veðurs. Oft gefur þó á
skipið eins og sést á myndinni þar sem siglt
var af stað frá Þorlákshöfn í leiðindaveðri.
Lóðsinn í Vestmannaeyjum mældi dýpið
í innsiglingunni til Landeyjahafnar í gær-
morgun. Samkvæmt upplýsingum Vegagerð-
arinnar þarf að dæla burtu um 12 þúsund
rúmmetrum af efni úr hafnarmynninu til þess
að Herjólfur geti siglt án nokkurra takmark-
ana vegna dýpis. Dýpkunarskipið Dísa hélt á
staðinn í gær og hefur dælingu um leið og að-
stæður leyfa, væntanlega árdegis í dag.
G. Pétur Matthíasson, upplýsingafulltrúi
Vegagerðarinnar, veitti þær upplýsingar í
gær að 2,2 metra ölduhæð væri í Landeyja-
höfn og ekki hægt að byrja að dýpka í hafn-
armynninu. Góður framkvæmdagluggi væri
fram undan og vilji til að nýta hann til að
klára dæmið. Búist er við að það taki skipið
um fjóra daga að ljúka dýpkun í hafnarmynn-
inu.
Hörður Orri Grettisson, framkvæmda-
stjóri Herjólfs, segir að siglt verði eftir sjáv-
arföllum um fjórar ferðir á dag þessa vikuna,
þangað til búið verði að koma höfninni í lag,
en eftir það sjö ferðir á dag, samkvæmt áætl-
un.
Ljósmynd/Heimir Hoffritz
Herjólfur aftur byrjaður að sigla í Landeyjahöfn
Reykjavík bókmenntaborg UNESCO og PEN á Íslandi,
samtök rithöfunda, þýðenda og ritstjóra sem vilja standa
vörð um tjáningarfrelsið, stóðu fyrir ljóðadagskrá í Ráð-
húsi Reykjavíkur til stuðnings Úkraínu í gær á alþjóða-
degi ljóðsins. Fimmtán skáld fluttu ljóð eftir úkraínsk
skáld, íslensk og af öðru þjóðerni. Þá voru einnig sýndar
ljósmyndir eftir úkraínska ljósmyndarann Yevgeny Dyer,
sem býr í Reykjavík. Alexandra Briem, forseti borgar-
stjórnar, og Anna Liebel, sem er úkraínsk en er búsett í
Reykjavík, fluttu ávörp.
Skáldin sem komu fram voru Anton Helgi Jónsson,
Brynja Hjálmsdóttir, Natasha Stolyarova, Hallgrímur
Helgason, Mazen Maarouf, Angela Rawlings, Haukur
Ingvarsson, Kristín Svava Tómasdóttir, Þórarinn Eld-
járn, Fransesca Cricelli, Þórdís Helgadóttir, Jakub
Stachowiak, Eydís Blöndal, Brynjólfur Þorsteinsson og
Emil Hjörvar Petersen. Skáldin gáfu öll vinnu sína en
Bókmenntaborgin studdi í staðinn hjálparstarf í Úkraínu.
Morgunblaðið/Arnþór Birkisson
Ljóðaflutningur Dagskráin fór fram í Ráðhúsi Reykjavíkur til stuðnings Úkraínu á alþjóðadegi ljóðsins.
Sýndu Úkraínu stuðning
á alþjóðadegi ljóðsins
Tjáningarfrelsi Rithöfundurinn Sjón er formaður PEN
á Íslandi og var hann kynnir á viðburðinum.
- Fimmtán skáld fluttu ljóð
Katrín Jakobsdóttir forsætisráðherra
sagði það hafa verið mistök hjá sér og
sinni hreyfingu að fella tillögu um
þjóðaratkvæðagreiðslu um umsókn
um aðild að Evrópusambandinu árið
2009. Þetta kom fram í svari hennar
við óundirbúinni fyrirspurn frá Loga
Einarssyni, formanni Samfylkingar-
innar, á Alþingi í gær.
„Þá var það lykilatriði, í þáverandi
stjórnarsamstarfi Vinstri grænna og
Samfylkingar, að þessi umsókn yrði
lögð fram og að ekki yrði ráðist í þjóð-
aratkvæðagreiðslu áður og við stóð-
um við það,“ sagði hún.
Katrín sagði að sér þætti mikilvægt
að leitað yrði leiðsagnar þjóðarinnar í
slíkum stórum málum og það hefði
betur verið gert árið 2009.
„En ég vil líka segja að mér finnst
mikilvægt að hér á Alþingi liggi fyrir
hver afstaða meirihluta þingmanna er
gagnvart því að fara í slíka vegferð, að
sækja um aðild að Evrópusamband-
inu,“ bætti Katrín við. Tilefni fyrir-
spurnarinnar var þingsályktunar-
tillaga þingflokka Samfylkingarinnar,
Viðreisnar og Pírata um þjóðar-
atkvæðagreiðslu um viðræður um að-
ild Íslands að ESB.
Sagði umsóknina
árið 2009 mistök
- Hefði átt að bera hana undir þjóðina