Morgunblaðið - 22.03.2022, Side 11

11
MORGUNBLAÐIÐ ÞRIÐJUDAGUR 22. MARS 2022
Sveitarfélagið Skagafjörður varð til árið 1998 með sameiningu Sauðárkrókskaup
staðar og tíu hreppa. Nýlega bættist Akrahreppur við og stækkaði sveitarfélagið
mikið. Þéttbýliskjarnar eru fjórir, en Sauðárkrókur langstærstur. Landbúnaður,
sjávarútvegur og matvælaframleiðsla eru helstu atvinnugreinar auk þjónustu.
Sauðárkrókur● ✝ Hólar
● Varmahlíð
● HofsósSkaga-
fjörður
Tröllaskagi
Skagi
Drangey
Málmey
Skagafjörður
Staðsetning, helstu staðreyndir og kosningaúrslit
Úrslit í síðustu sveitarstjórnarkosningum
Kosið var 26. maí 2018
■ D Sjálfstæðisflokkur
■ B Framsóknarflokkur
■ L Byggðalistinn
■ L Vinstri græn & óháð
21,0%
34,0%
20,6%
24,4%
2
3
2
2
Kjörskrá:
Atkvæði:
Kjörsókn:
2.929
2.310
78,9%
L
ÍBÚAR
4.084
AFGANGUR*
-43 m.kr.
HEILDARSKULDIR*
6.067 m.kr.
SKULDAHLUTFALL**
2021: 103,1%
2025: 119,9%
KYNJASKIPTING ALDURSSKIPTING
ÍBÚAR 18 ÁRA & ELDRI
3.174
FLATARMÁL
5.543 km²
51%
Karlar
Konur
49%
Framsókn og Sjálfstæðisflokkur mynda meirihluta.
Forseti sveitarstjórnar: Stefán VagnStefánsson (B)
Bæjarstjóri: Sigfús Ingi Sigfússon
*Áætlanir um A-hluta 2021 **Áætlanir um A- og B hluta.
0
200
400
600
800
1000
1200
> 7051-7031-5018-30< 18
-
DAGMÁL
Andrés Magnússon
Stefán E. Stefánsson
Atvinnustig í Skagafirði er með
besta móti að sögn forystufólks á
vettvangi sveitarstjórnar og frekar
að skorti að finna vinnufúsar hend-
ur í stór verkefni sem ráðast þarf í.
Verkefnastaða stórra verktaka á
svæðinu er svo góð að sögn Gísla
Sigurðssonar, sem verið hefur odd-
viti sjálfstæðismanna í sveitarstjórn,
að í síðustu tveimur útboðum sem
sveitarfélagið réðst í bárust engin
tilboð í verkin.
Þrátt fyrir það eru mörg tæki-
færi ónýtt í Skagafirði, ekki síst
þegar kemur að ferðaþjónustu og
bent hefur verið á að ekkert hótel í
Skagafirði geti tekið á móti stórum
hópum ferðamanna. Jóhanna Ey
Harðardóttir situr í sveitarstjórn
fyrir Byggðalistann. Hún segir að
þótt ekki sé neitt stórt hótel á
svæðinu þá sé þróunin sú að ferða-
menn vilji í auknum mæli komast
nær heimafólki og því muni sú gisti-
aðstaða sem byggð hafi verið upp í
héraðinu á síðustu árum nýtast vel
þegar ferðaþjónustan kemst á snún-
ing á ný.
Álfhildur Leifsdóttir er í forystu
fyrir VG og óháða í kjölfar þess að
Bjarni Jónsson settist á þing fyrir
VG í kjölfar síðustu alþingiskosn-
inga. Hún segir mikilvægt í núver-
andi ástandi að hlúa að innviðum á
svæðinu, ekki síst þeim sem tengist
skólamálum. Hún þekkir vel til
þeirra mála í sínu starfi en hún er
kennari. Vill hún leggja aukna
áherslu á að draga úr álögum á for-
eldra leikskóla- og skólabarna.
Nefna frambjóðendurnir allir
uppbyggingu skólamannvirkja, ekki
aðeins á Sauðárkróki heldur einnig í
Varmahlíð og á Hofsósi.
Telur Jóhanna að standa þurfi
enn betur að þeim málum og að
hraða þurfi uppbyggingu. Hún legg-
ur sjálf stund á iðnnám, stefnir á að
ljúka námi í húsgagnasmíði. Við
Fjölbrautaskóla Norðurlands vestra
er rekin öflug verknámsbraut en að
sögn Jóhönnu er yfirfullt í verk-
námsgreinunum. Þar sé bæði rekið
kvöld- og helgarnám til hliðar við
hinn hefðbundna dagskóla. Gísli
segir að ríkisvaldið vinni nú að því
að byggja við verknámshús skólans
og þá eigi að vera hægt að efla
námið og fjölga iðnaðarmönnum.
Sveitarfélagið hefur unnið að
nýju skipulagi sem einkennt hefur
vinnu sveitarstjórnar á yfirstand-
andi kjörtímabili að sögn Gísla. Álf-
hildur tekur undir þetta og segir að
mikilvæg skref hafi verið tekin í þá
veru að opna á frekari uppbyggingu
sem þó hafi verið töluverð síðustu
ár.
Þegar talið berst að ágreiningi
milli flokkanna grípur Gísli orðið og
segir að heilt yfir sé mikill sam-
hljómur milli fólks um það sem
leggja þurfi áherslu á. Álfhildur
grípur þó boltann á lofti, enda í
minnihluta, og segir að áherslumun
megi þó augljóslega finna. VG sé
t.d. alfarið á móti því að sveitarfé-
lagið komi að uppbyggingu og
stuðningi við einkafyrirtæki í ferða-
þjónustu. Innt eftir því hvað hún
eigi við með því nefnir hún stuðning
sveitarstjórnar við sýndarveru-
leikasýningu sem sett var upp á
Sauðárkróki af einkafyrirtæki. Þar
hafi sveitarfélagið hins vegar lagt til
húsnæði og ráðist í endurbætur á
því svo að hentað gæti undir starf-
semina.
Þegar talið berst að orkumálum
eru fulltrúar VG að sögn Álfhildar á
því að virkjanakostir innarlega í
Skagafirði eigi að haldast óhreyfðir
og að tillögur vinnuhóps á vettvangi
rammaáætlunar, sem lögð hefur
verið fyrir þingið, eigi þar að hafa
síðasta orðið. Gísli og Jóhanna
leggja hins vegar áherslu á að bíða
endanlegrar niðurstöðu við ramma-
áætlun og vill Gísli raunar meina að
heppilegt gæti talist að halda virkj-
ununum í biðflokki í stað þess að
útiloka virkjanakosti. Álfhildur
bendir á að skoðaðir hafi verið kost-
ir við virkjun vindorku í Skagafirði
og að komið hafi í ljós að þar séu
raunhæfir möguleikar á borðum,
hið sama eigi við um aukna mögu-
leika þegar kemur að virkjun sjáv-
arfallanna. Þegar hún er spurð út í
hvort til greina komi að VG myndi
styðja slíka uppbyggingu er hún þó
varfærin í svörum og segir mik-
ilvægara að nýta betur þá innviði til
orkuframleiðslu sem nú þegar eru
til staðar í landinu.
Byggja þarf íbúðarhús-
næði og efla verknám
- Flokkar og framboð enn að stilla upp listum í Skagafirði
Morgunblaðið/Brynjólfur Löve
Dagmál Sveitarstjórnarmenn í Skagafirði ræða við blaðamenn Morgunblaðsins í hlaðvarpi á Sauðárkróki.
Grettir Reykir Feykir 24+ Feykir Vesturós
SKAGFIRSKIR GÆÐAOSTAR