Morgunblaðið - 22.03.2022, Síða 32

Njótið gistingar á 5* hóteli í fallegri náttúru,
snæðið góðan mat, hittið skemmtilegt fólk
og dansið fram eftir kvöldi.
Mikil stemning meðal eldri borgara þar
sem maður er manns gaman. Ferða-
kynning, ávarp, söngur, dans og gleði á
björtu vorkvöldi.
Þeir sem skrá sig í netklúbbinn fá 3.000 kr.
afslátt af miðaverði. Skráning fer fram á
heimasíðu okkar.
Innifalið í verði:
Skemmtun, matur, gisting
og morgunverður.
Veislustjóri:
Gísli Jafetsson.
Eldri borgarar
Bókanir í gegnum netfangið hotel@hotelbokanir.is
eða í símum 783-9300/01
Allar nánari upplýsingar á
www.ferdaskrifstofaeldriborgara.is
VORFAGNAÐUR
Ferðaskrifstofu eldri borgara
Hótel Grímsborgum 15. maí
Verð
29.900
á mann í tvíbýli*
*aukagjald fyrir einbýli
kr. 11.000
Ekki missa af þessu
einstaka tækifæri,
síðast var uppselt.
Sinfóníuhljómsveit Íslands hefur ákveðið að í ljósi
stríðsátakanna í Úkraínu verði tónleikar hljómsveit-
arinnar næstkomandi fimmtudagskvöld sérstakir sam-
stöðutónleikar með úkraínsku þjóðinni. Á tónleikunum
hljóma kunn verk eftir Mozart, Beethoven og Bach
ásamt verki eftir úkraínska tónskáldið Valentin Silvest-
rov. Hljómsveitarstjóri er Kornilios Michailidis og ein-
leikari er Simos Papanas, einn þekktasti fiðluleikari
Grikklands. Einsöngvari er Hildigunnur Einarsdóttir og
kynnir Halla Oddný Magnúsdóttir. Ágóði af miðasölu
tónleikanna rennur óskiptur til hjálparstarfs í Úkraínu.
Sinfónían leikur á samstöðutón-
leikum með úkraínsku þjóðinni
ÞRIÐJUDAGUR 22. MARS 81. DAGUR ÁRSINS 2022
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 776 kr.
Áskrift 8.383 kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Þjálfarar og leikmenn íslenska karlalandsliðsins í hand-
knattleik ættu að þekkja ágætlega til mótherja sinna í
umspilinu um sæti á HM 2023, Austurríkismanna. Fjórir
af leikmönnum austurríska liðsins eins og það er skipað
þessa dagana leika undir stjórn íslenskra þjálfara og þrír
eru samherjar íslenskra landsliðsmanna. »26
Þekkja vel til andstæðinganna
ÍÞRÓTTIR MENNING
Steinþór Guðbjartsson
steinthor@mbl.is
Íslensk-breska sviðsverkið The Hid-
den People eða Huldufólkið verður
sýnt í Llanelli í Wales á morgun, en
það var frumsýnt í Worthing á Suð-
ur-Englandi fyrir rúmri viku og þar
voru tvær sýningar. „Sýningarnar
gengu mjög vel og við fengum
skemmtileg skilaboð frá áhorf-
endum,“ segir Nanna Gunnars, sem
fer með stórt hlutverk og er auk
þess meðframleiðandi. „Við erum
spennt fyrir framhaldinu og vonandi
náum við að sýna verkið á Íslandi og
víðar um heiminn.“
Sýningin fjallar um tengingu við
náttúruna, byggingu nýrrar virkj-
unar á hálendi Íslands og samband
tveggja systra, sem hafa ólíkar skoð-
anir á framkvæmdinni. „Yngri syst-
irin sér um framkvæmdina, hún
verður fyrir auknu áreiti og fer að
skynja eitthvað í kringum sig, er
dregin yfir í hulduheim og við reyn-
um að sýna hann,“ segir Nanna.
Samspil ólíkra listforma
Verkið er samstarfsverkefni lista-
og viðburðafyrirtækisins Huldu-
fugls, sem Nanna og Owen Hindley,
unnusti hennar, stofnuðu þegar þau
fluttu frá Englandi til Íslands 2016,
og breska fjölleikahópsins Hikapee,
sem varð einnig til hjá pari. Um 25
manns koma að sýningunni og þar af
eru átta á sviði.
Nanna kynntist stofnendum Hika-
pee í leiklistarskóla á Englandi og
hugmynd verksins kom upp á ferða-
lagi þeirra á Íslandi fyrir nokkrum
árum. „Við vorum í Kerlingarfjöllum
og á vegi okkar varð skilti þar sem
fram kom að huldufólk hefði búið á
svæðinu,“ segir Nanna. Í kjölfarið
hafi hún sagt breska parinu upp og
ofan sögur af íslensku huldufólki og
jafnframt að listafyrirtæki þeirra
Owens væri skírskotun í orðið
huldufólk. „Owen stakk upp á nafn-
inu og ætlaði að segja „Huldufólk“
en sagði óvart „Huldufugl“ og mér
fannst það skemmtilegt nafn!“
Breska parið hafi strax talið að þetta
gæti verið spennandi efni á sviði, að
sýna eitthvað sem væri falið, færi
huldu höfði. „Ég var ekki mjög
spennt fyrir þessu til að byrja með,
því huldufólk hefur alltaf verið gam-
aldags fyrir mér, en við færðum það
í nútímahorf með loftfimleikum,
skjávörpun, lýsingu og skugga.“
Úr hafi orðið samspil ólíkra list-
forma við tónlist eftir Írisi Thorarins
en án tals. Nanna segir það hafa ver-
ið ákveðið til þess að sýningin næði
til allra málhópa hvar sem er í heim-
inum. „Það eina sem er sagt er á ís-
lensku eru nöfn persóna og orð eins
og já og nei. Með þessu móti náum
við til allra hópa án þess að tungu-
mál hafi truflandi áhrif.“
Til stendur að búa til myndbands-
efni úr sýningunni og senda á leik-
hús, einkum í Bretlandi og á Norð-
urlöndunum til að byrja með, með
von um að samningar takist um sýn-
ingar á næsta leikári. „Sýningin er af
þeirri stærðargráðu að forráðamenn
leikhúsa eru frekar tregir til að bóka
hana nema hafa séð hana. Við erum í
viðræðum við nokkur leikhús en
ekkert hefur verið staðfest enn.“
Næsta verkefni Huldufugls verð-
ur í Þjóðleikhúsinu. Þar verður leik-
verkið Hliðstætt fólk frumsýnt 7.
apríl næstkomandi. Sýningin verður
í sýndarveruleika fyrir fimm áhorf-
endur í einu. „Við förum úr 500
áhorfendum í Bretlandi niður í fimm
á Íslandi, úr huldufólkinu í hliðstæða
fólkið,“ segir Nanna.
Heimur huldufólksins
- Íslensk-breskt sviðsverk frumsýnt í Bretlandi
Ljósmyndir/Robin Boot Photography
Úr sýningunni Nanna Gunnars á gólfinu og Sophie Northmore í hlutverki
verkfræðingsins sem stýrir byggingu virkjunarinnar.
Huldufólkið Sophie á flugi og leikhópurinn tilbúinn að grípa hana.