Fréttablaðið - 12.04.2022, Síða 34

Klettur rekur fjögur hjól-
barðaverkstæði; í Kletta-
görðum, Hátúni, Lynghálsi
og Suðurhrauni þar sem
fyrirtæki, stofnanir og ein-
staklingar geta fengið góða
og persónulega þjónustu.
Boðið er upp á úrval af
endingargóðum dekkjum
frá fjölbreyttum framleið-
endum á breiðu verðbili.
Klettur býður upp á alhliða hjól-
barðaþjónustu og hjólbarðasölu
á verkstæðum sínum, hvort sem
það er í Klettagörðum 8-10, Hátúni
2a, Lynghálsi eða Suðurhrauni 2b
í Garðabæ. Lynghálsinn er nýjasta
verkstæðið en það stærsta er í
Klettagörðum þar sem hægt er að fá
dekk undir fólksbíl og upp í stærstu
vörubíla og tæki. Að auki er boðið
upp á dekkjahótel sem er frábær
þjónusta fyrir viðskiptavini.
Hvað dekkin varðar segir Þórður
Þrastarson, þjónustufulltrúi í
Hátúni, að aðalmerkið sé Goodyear
en félagið hefur verið með umboð
fyrir það merki frá árinu 1952. Að
auki fást dekk frá öðrum gæða-
framleiðanda eins og Hankook.
„Svo erum við með undirmerki frá
Goodyear eins og Sava sem er mjög
vinsælt hjá okkur. Einnig erum
við með ódýrari tegundir eins og
Nexen og Zeta sem hafa komið vel
út.
Við reynum að stýra kúnnum
okkar frekar í gæðadekkin þar sem
ódýrari dekk endast skemur. Ef fólk
vill spara peninginn ætti að kaupa
betri dekk. Þau eru vandaðri og
betra að keyra á þeim auk þess sem
það er minna veghljóð og betra við-
nám,“ segir hann. „Gæðadekkjum
fylgir einnig eldsneytissparnaður
og svo er gripið númer eitt, tvö
og þrjú en það er töluvert meira í
gæðadekkjum. Oft þegar fólk velur
ódýrari dekk er það að búa sér til
aðeins meiri vandræði sem tengist
þá minna gripi, meiri hávaða og
leiðindum.“
Þórður segir að gott sé að
fylgjast með gömlum dekkjum.
„Það er aldursstimpill á dekkjum;
framleiðsluár. Líftími dekkja er
miðaður við um sex ár en eftir það
byrjar gúmmíið að harðna, gæðin
verða lakari og grip fer að minnka.
Þetta er þó ekki algilt en ástand
dekkja fer líka eftir því hvernig þau
eru geymd.“
Klettur er með dekkjahótel og
geta öll verkstæðin tekið við dekkj-
um og komið á hótelið. „Þegar
pantaður er tími í gegnum bókun-
arkerfið okkar á heimasíðunni er
tekið fram í bókuninni bílnúmer
og eða hótelnúmer og hóteldekkin
verða til staðar á því verkstæði sem
bókað er þegar viðkomandi mætir
í tímann. Dekkjahótelið er frábær
leið fyrir viðskiptavini til að losna
við að burðast með dekkin niður í
geymslu eða þurfa að finna stað til
að geyma þau.“
Þegar kemur að akstri er öryggi
efst í huga hjá Kletti. „Með því að
vera á réttum dekkjum fyrir hvern
árstíma – góðum, öruggum vetrar-
dekkjum á veturna og góðum
sumardekkjum á sumrin, fæst
betri ending á dekkjum og bíllinn
eyðir minna, þegar upp er staðið er
það umhverfisvænni lífsstíll.“ n
Eldsneyti sparast á gæðadekkjum
Þórður Þrastar-
son, þjónustu-
fullrúi hjá Kletti
í Hátúni, segir að
fólk geti sparað
pening með því
að kaupa betri
dekk.
FRÉTTABLAÐIÐ/
SIGTRYGGUR ARI
Við reynum að
stýra kúnnum
okkar frekar í gæða-
dekkin þar sem ódýrari
dekk endast skemur. Ef
fólk vill spara peninginn
ætti að kaupa betri dekk.
Eitt helsta öryggisatriði
hverrar bílferðar, fyrir utan
bílbeltin, eru dekk í lagi. Til
þess að fullvissa sig um að
þau séu það er nauðsynlegt
að fara yfir nokkur atriði,
sérstaklega áður en lagt er af
stað í lengri ferðalög.
jme@frettabladid.is
Líkt og sumardekk henta ekki
á veturna þá henta vetrardekk
heldur ekki á sumrin. „Það má
svo segja að heilsársdekk fari
milliveg milli mesta öryggis sem
sumardekkin veita á sumrin og
vetrardekkin veita á veturna,“
segir Einar Magnús Magnússon
hjá Samgöngustofu. „Efnasam-
setning vetrar- og sumarhjólbarða
er gjörólík. Sumarhjólbarðar eru
stífari við lágt hitastig og mátu-
lega mjúkir við hærra hitastig.
Þeir geta því verið of stífir og
hættulegir að vetri til. Mynstrinu
er ætlað að veita best viðnám
þegar vatn er á vegi við sumarhita
og hemlunarvegalengd þeirra
getur verið langtum lengri við
vetraraðstæður.
Gúmmí í vetrarhjólbörðum er
mýkra en í sumardekkjum við
lægra hitastig og hentar því að
vetri. Mynstrið er grófara og dýpra
og hannað til að veita viðnám í
snjó, hálku og krapa. Því mýkra
sem efni dekkjanna er við kaldar
vetraraðstæður, því líklegra er að
þau veiti það viðnám sem þarf.
Þrátt fyrir mýkt henta vetrar-
dekk ekki á sumrin. Öll dekk hitna
við akstur og í hlýju verða vetrar-
dekk viðkvæmari og hætta eykst
á skemmdum eða að þau springi.
Þau slitna hraðar á sumrin og end-
ast skemur. Næsta vetur þegar þarf
á þeim að halda hefur dýrmætt
mynstur þeirra eyðst upp. Þau
munu því ekki leiða snjó, krapa
eða vatn eins og þeim er ætlað.
Samanborið við sumardekk veita
vetrarhjólbarðar ekki jafngott
viðnám við hemlun í beygjum að
sumri til í samanburði við sumar-
hjólbarða og grípa ekki eins vel við
blautar aðstæður í hlýju veðri.“
Mynstur og dýpt
Um mynsturdýpt sumar- og
vetrardekkja gilda reglur. „Á
sumrin má mynsturdýpt ekki fara
undir 1,6 mm og á vetrum ekki
vera undir 3 mm (1. nóvember til
14. apríl). Þetta er þó algert lág-
mark og best er að mynsturdýpt
fari ekki niður að þessu. Ný dekk
eru að meðaltali með 8 til 9 mm
dýpt,“ segir Magnús og bætir við:
„Því minni sem mynsturdýptin
er, því meir dregur úr viðnámi og
virkni hjólbarðanna í beygjum,
bleytu, snjó, krapa eða hálku.
Mynsturdýpt hjólbarða má mæla
með sérstökum dekkjadýptarmæli
eða öðrum mælibúnaði heima eða
á hjólbarðaverkstæði.
Aldurinn skiptir máli
Hjólbarðar í reglulegri notkun
slitna vanalega áður en þeir sýna
merki um öldrun. Hins vegar geta
hjólbarðar sem eru ekki í notkun,
brotnað niður vegna útfjólu-
blárra geisla, raka, geymslu og
óæskilegs hitastigs sem getur haft
áhrif á endingu og gæði hjól-
barðanna. Sérstaklega skal hugað
að varadekkjum í þessu samhengi.
Öldrunarskemmdir eru sömuleiðis
algengari á hjólbörðum eftirvagna
sem eru sjaldan notaðir.
Sumir framleiðendur mæla
með því að skipt sé um hjólbarða
eftir sex ár, óháð slitlagi, aðrir tala
um tíu ár. Það borgar sig þó að
skoða og meta eftir fimm ár. Aldur
hjólbarða má sjá á hliðum þeirra.
Leitaðu að bókstöfunum DOT og
tölukóða. Framleiðslukóðinn segir
til um aldur hjólbarðans. Fyrra
númeraparið er framleiðsluvikan
og hitt er árið. Dæmi: 2314 = 23.
vika 2014.
Athugaðu á hliðarveggjum
hjólbarðans hvort sjá megi fínar
eða djúpar sprungur, sérstaklega
ef hjólbarðarnir eru 4 til 5 ára. Sé
slitlagið aflagað getur það bent til
öldrunar. Ef mynstur hjólbarðans
eyðist ekki jafnt og er meira á
brúnum hjólbarðans eða í stökum
blettum með minni mynsturdýpt,
getur það bent til vanstillingar á
hjólabúnaði, stýrisendum og öðru
sem ber að laga á verkstæði. Skoð-
aðu hjólbarðana þína sjónrænt
einu sinni í mánuði.
Ekki spara öryggið
Það er mikill misskilningur að við
kaup á ódýrustu hjólbörðunum
sparist peningur. Yfirleitt endast
þeir styttra en dýrari og vandaðri
hjólbarðar og veita minna öryggi.
Það þarf því að kaupa nýja „ódýra”
hjólbarða oftar en dýrari og
endingarbetri hjólbarða. Góðar
upplýsingar eru til um prófanir og
umsagnir um hjólbarða.“
Passaðu þrýstinginn, maður
Á flestum fólksbílum er mælt
með að loftþrýstingur sé 32 psi
til 35 psi í dekkjunum þegar þau
eru köld. „Stundum er mælt með
mismiklum þrýstingi í fram- og
afturdekkjum. Í f lestum bílum
sést ráðlagður þrýstingur á miða
inni í hurðarfalsi ökumanns-
hurðar. Nákvæmari mæling fæst
ef hjólbarðinn er kaldur. Einnig er
mælt með að nota áreiðanlegan
dekkjaþrýstingsmæli heima eða á
bensínstöð.“
Líftími hjólbarða minnkar
ef ökumaður stundar aflmikla
hemlun og mikla hröðun frá kyrr-
stöðu. „Það borgar sig að hafa gott
bil á milli bíla og draga þannig úr
þörfinni á stíga í sífellu á hemlana.
Einnig dregur það úr slysahættu.
Það að hægja á sér í kröppum
beygjum dregur einnig úr álagi
og sliti á hjólbörðum. Forðast skal
akstur ofan í holur og ójöfnur.
Tékklisti fyrir ferðalagið
Verið á sumardekkjum á sumrin
og vetrardekkjum á veturna.
Verið viss um að mynsturdýpt sé
nægjanleg. Gætið þess að loft-
þrýstingur sé réttur og nægjan-
legur. Athugið að varadekk sé í lagi
og búnaður til að skipta um það.
Ef bíllinn er ekki útbúinn vara-
dekki verið þá viss um að í honum
sé búnaður til að gera tímabundið
við hjólbarðann svo hægt sé að aka
bílnum á verkstæði. Ef skipta þarf
um dekk við akbraut skal reyna að
leggja bílnum þannig að annarri
umferð stafi ekki hætt af og setja
skal upp viðvörunarþríhyrning
aftan við bílinn. Ágætt viðmið
er að ef leyfður hámarkshraði er
til dæmis 90 km/klst. skal hann
hafður í 90 metra fjarlægð og í 50
metra fjarlægð sé leyfður hámarks-
hraði 50 km/klst.“ n
Á vefnum samgongustofa.is má
lesa ítarlegri upplýsingar um
hjólbarða, viðhald og öryggi í um-
ferðinni.
Á öruggum hjólbörðum í allt sumar
Einar Magnús Magnússon, sérfræðingur í kynningarmálum hjá Samgöngu-
stofu. Að hans sögn eru dekkin öryggisatriði. FRÉTTABLAÐIÐ/SIGTRYGGUR ARI
10 kynningarblað 12. apríl 2022 ÞRIÐJUDAGURSUMARDEKK