Fréttablaðið - 07.07.2022, Blaðsíða 16

Þetta er harmleikur og
maður verður þess var
að þetta hefur áhrif á
þjóðina.
16 Íþróttir 7. júlí 2022 FIMMTUDAGURÍÞRÓTTIR FRÉTTABLAÐIÐ 7. júlí 2022 FIMMTUDAGUR
Tveir af tíu elstu leik-
mönnum EM byrjuðu
í bakvarðastöðum
Íslands gegn Póllandi.
Það er mikil eftirvænting fyrir Evr­
ópumóti kvenna en mótið fór af
stað í gær en fyrir okkur Íslendinga
hefst mótið formlega á sunnudag
þegar Ísland mætir Belgíu í fyrsta
leik.
Mikil eftirvænting er á meðal
þjóðarinnar fyrir frumraun Íslands
á mótinu en fimm ár eru liðin frá
síðasta stórmóti liðsins. Mótið í
Hollandi olli miklum vonbrigðum
en nú ríkir gríðarleg bjartsýni í
kringum liðið.
Þorsteinn Halldórsson tók við
góðu búi af Jóni Þór Haukssyni sem
kom liðinu inn á Evrópumótið.
Liðið er með marga unga leik­
menn sem hafa mikla hlaupagetu,
í nútíma fótbolta er hlaupageta og
snerpa í bland við gæði leikmanna
lykill að árangri.
Íslenska liðið lék einn æfingaleik
fyrir mót, íslenska þjóðin gat ekki
horft á leikinn gegn Póllandi þar
sem útsending RÚV klikkaði. Undir­
ritaður gat hins vegar með króka­
leiðum náð sér í ólöglegt streymi og
horft á þennan eina undirbúnings­
leik.
Spilamennska liðsins að stærst­
um hluta var ekki góð og betur
má ef duga skal, Þorsteinn tók þá
ákvörðun fyrir leik að setja Söru
Björk Gunnarsdóttur í liðið en hún
hafði ekki byrjað landsleik í 14 mán­
uði. Eins og eðlilegt er eftir barns­
burð er Sara enn langt frá sínu besta,
það voru vonbrigði hversu lítið hún
fékk að spila hjá Lyon eftir endur­
komu sína og leikæfing hennar er
því lítil. Með því að setja Söru inn
í liðið var ákveðið að færa Karólínu
Leu Vilhjálmsdóttur á kantinn en
hennar var saknað á miðsvæðinu.
Karólína hefur snerpu og góða
hlaupagetu ásamt því að vera frá­
bær í fótbolta, sóknarmenn Íslands
hafða notið góðs af því að hafa hana
fyrir aftan sig.
Okkar fróðasta fólk um kvenna­
bolta telur það ekki líklegt til árang­
urs í jöfnum leikjum að byrja með
Söru Björk og Gunnhildi Yrsu Jóns­
dóttur saman á miðjunni og setja
Karólínu á vænginn. Um þetta er þó
aðeins rætt á kaffistofum landsins
til þess að rugga ekki bátnum.
Annað vandamál sem blasti við
í æfingaleik liðsins gegn Póllandi
eru bakverðir íslenska liðsins,
Sif Atladóttir og Hallbera Guðný
Gísladóttir hafa reynst landsliðinu
frábærlega en Sif fagnar 37 ára
afmæli sínu á mótinu og Hallbera
er 35 ára. Þær hafa mikla reynslu
sem gæti reynst dýrmæt en Sif var í
vandræðum gegn Póllandi sem bak­
vörður enda er hennar staða í hjarta
varnarinnar. Snöggir kantmenn
gætu orðið til vandræða fyrir Ísland.
Eftir að hafa blásið út neikvæð­
um punktum er rétt að minnast á
það að íslenska liðið er frábærlega
mannað og ef allt heppnast vel ætti
liðið að geta náð langt á mótinu,
krafan er alla veganna sú að liðið
fari upp úr riðlinum. Annað væru
vonbrigði. ■
Áhyggjuefni í aðdraganda Evrópumótsins
■ Utan vallar
Hörður Snævar
Jónsson
hordur@
frettabladid.is
Kvennalands-
liðið er á
leiðinni á sitt
fyrsta stór-
mót undir
stjórn Þor-
steins Hall-
dórssonar.
FRÉTTABLAÐIÐ/
ERNIR
Freyr Alexandersson, þjálfari
Lyngby, undirbýr sig undir
nýja og spennandi áskorun á
ferli sínum. Liðið hefur leik í
dönsku úrvalsdeildinni um
aðra helgi.
hoddi@frettabladid.is
FÓTBOLTI Á sínu fyrsta tímabili
sem þjálfari Lyngby stýrði Freyr
Alexandersson danska liðinu upp
úr næstefstu deild. Liðið spilaði
vel undir stjórn Freys og tókst að
komast upp í deild þeirra bestu.
Svo mikil ánægja er með störf Freys
hjá Lyngby að félagið gerði við hann
nýjan og betri samning eftir tæpt
ár í starfi. Stutt sumarfrí er í Dan­
mörku og eftir mikinn fögnuð hefst
úrvalsdeildin á næstu dögum.
„Þetta er nýtt fyrir mig að það séu
svona stutt skil á milli þess sem var
og er að hefjast. Ég hef fundið fyrir
því, það var mikil gleði og gaman
þegar við fórum upp. Það var allt
undir síðustu vikurnar á mótinu og
mikil spenna, skemmtileg spenna.
Það var svo örstutt sumarfrí og svo
höfum við þrjár vikur til að undirbúa
okkur fyrir efstu deild,“ sagði Freyr í
samtali við Fréttablaðið, en hann sat
þá í mestu makindum heima hjá sér
að horfa á fótbolta í sjónvarpinu.
Draumur á fyrsta ári
Freyr segir stökkið upp í úrvalsdeild
stórt og viðbúið að hann muni ekki
fagna eins mörgum sigrum og í næst­
efstu deild. „Það er mjög stórt stökk á
milli deilda, svo er enn meira stökk á
milli efstu liðanna í úrvalsdeildinni
og liðanna þar á eftir. Það eru mikil
skil á milli liðanna í deildinni, það
sést best á rekstri félaganna. Við
erum á þeim stað að við erum ekk­
ert að versla mikið á markaðnum.
Það er mitt starf sem þjálfari að gera
leikmennina betri og sækja svo leik­
menn úr góðu unglingastarfi félags­
ins. Við höfum bætt við tveimur
leikmönnum og spurning hvort þeir
verði 1­2 í viðbót. Það þarf að vera á
réttum forsendum og helst einhver
með reynslu.“
Freyr tók við starfinu hjá Lyngby
fyrir rúmu ári og nýtur sín í starf­
inu. „Þetta fyrsta tímabil var algjör
draumur, í byrjun var ekki nein
pressa á það að fara upp en þegar
það gekk vel þá kom pressan og ég
naut hennar. Ég þurfti að byggja upp
nýtt lið og það gekk hraðar en við
áttum von á. Það skemmtilegasta í
starfi þjálfarans er að sjá leikmenn
bæta sig og liðið verða betra, svo
skemmir ekki að sigrar fylgi með í
kjölfarið. Þetta hafa verið drauma­
mánuðir fyrir mig persónulega.
Ég er klárlega búinn að bæta mig
sem þjálfari, ég er umkringdur góðu
fólki. Það var gott starfsfólk hér fyrir
sem er frábært að vinna með. Fyrst
og fremst er ég samt búinn að bæta
mig sem leiðtogi, ég er miklu yfir­
vegaðri en áður. Það er bara reynsla
sem maður hefur tekið frá Heimi
Hall grímssyni, Lagerbäck, Erik
Ham rén og fleirum,“ segir Freyr sem
var lengi í starfi hjá KSÍ en stoppaði
stutt í Katar áður en hann hélt til
Danmerkur.
Fjölskyldan nýtur lífsins
Með því að skrifa undir nýjan
samning við Lyngby er ljóst að
Freyr og fjölskylda hans njóta lífs­
ins í úthverfi Kaupmannahafnar.
„Okkur líður vel, þetta er spenn­
andi klúbbur að vinna fyrir. Þetta
er frábær staður, við erum rétt fyrir
utan miðbæ Kaupmannahafnar.
Danskur fótboltakúltúr er frábær
og þegar maður er kominn inn í
hann reynir maður að sjúga allt í
sig, það finnst mér spennandi. Ég
vil ekki fara frá Danmörku nema
að það komi eitthvað stórkostlegt.
Klúbburinn vildi ró og ég vildi ró,
það var því ekkert annað í stöðunni
en að skrifa undir nýjan samning.“
Íbúar Danmerkur eru harmi
slegnir eftir skotárás í verslunarmið­
stöð í Kaupmannahöfn á sunnudag
þar sem þrír létu lífið. „Það eru allir
klárlega slegnir og maður finnur
það, fólk talar mikið þetta. Þetta er
hræðilegur atburður, allir þekkja
einhvern sem var nálægt þessum
stað á þessum tíma. Þetta er harm­
leikur og maður verður þess var að
þetta hefur áhrif á þjóðina.“
Fannst hann skulda Alfreð
Alfreð Finnbogason er án félags eftir
að samningur hans við Augsburg í
Þýskalandi rann út og æfir hann nú
hjá Lyngby undir stjórn Freys. Ólík­
legt er að Lyngby hafi þó efni á að
semja við Alfreð.
„Ég hef ekkert rætt samning
við Alfreð og hvort það sé einhver
möguleiki. Ég held að það væri galið
af mér að segja að ég hefði ekki
áhuga á því að fá hann til liðs við
okkur. Það er frábært að fá Alfreð á
æfingasvæðið, hann er með geggj­
aða reynslu og er frábær manneskja.
Alfreð gefur mikið af sér til aðila
hérna, svo eru snertingar hans, leik­
skilningur og hvernig hann klárar
færin allt í efsta klassa.
Ég vildi hjálpa honum, mér fannst
ég skulda honum. Hann hefur að
hluta til fórnað líkama sínum fyrir
íslenska landsliðið. Hann spilaði
meiddur og hægði á öllu bataferli
sínu fyrir Ísland. Núna er hann á
góðum stað og er að halda sér í topp­
standi, það er gott að gefa karlinum
eitthvað til baka. Við skoðum það
að fá hann ef sú staða kemur upp.“.
Freyr seldi markvörð til Vals á
dögunum en Frederik Schram sem
var í HM­hópi Íslands árið 2018 er
mættur í Bestu deildina. „Valur er
að fá toppmarkvörð, það eina sem
Frederik vantar er að fá traust og
spiltíma. Hann átti að fá það hjá
mér en handarbrotnaði og sá sem
kom inn stóð sig frábærlega. Það var
samkomulag um að hann gæti farið
fyrir sanngjarna upphæð. Ég var
hissa að sjá hann ekki byrja gegn
KA en ég ræð því ekki. Frederik er
frábær markvörður og eðal drengur
sem Valur fær í sitt félag,“ segir Freyr
að lokum. ■
Hefur orðið að betri leiðtoga í Danmörku
Velgengni
liðsins undir
stjórn Freys
varð til þess
að honum var
fljótlega boðin
framlenging á
samningi sínum.
FRÉTTABLAÐIÐ/
GETTY