Skessuhorn - 30.03.2022, Blaðsíða 6

MIÐVIKUDAGUR 30. MARS 20226
Laun hækka vegna
hagvaxtarauka
LANDIÐ: Forsendunefnd
Alþýðusambands Íslands og
Samtaka atvinnulífsins, sem
starfar samkvæmt kjarasamning­
um, hefur hist og rætt hagvaxtar­
auka kjarasamninga. Lands­
framleiðsla jókst á mann um
2,53% á síðasta ári. Þetta hef­
ur þá þýðingu að hagvaxtarauki
kjarasamninga hefur virkjast í
fjórða þrepi. Forsendunefndin
hefur ákveðið að hagvaxtarauk­
inn komi til greiðslu 1. maí líkt
og kveðið er á um í samning­
um og gildir því fyrir laun í apr­
íl. Launataxtar munu hækka um
10.500 kr. og almenn laun um
7.875 kr. frá 1. apríl og koma til
greiðslu 1. maí. -mm
Kaup á húsi
við Aggapall
AKRANES: Síðasta fimmtu­
dag á fundi bæjarráðs Akra­
ness voru samþykkt kaup á hús­
inu við Aggapall við Langasand,
að fjárhæð 3,5 milljónir króna,
og fól ráðið bæjarstjóra frek­
ari úrvinnslu málsins. Mann­
virkið í heild (Aggapallur) hef­
ur verið nýtt í þágu margs kon­
ar starfsemi Akraneskaupstað­
ar, til menningartengdra við­
burða og af KFÍA allt frá árinu
2011 þegar framkvæmdum lauk
og það tekið í notkun. Stefnt
er að áframhaldandi nýtingu
mannvirkisins í þágu starfsemi
Akraneskaupstaðar og íþrótta­
hreyfingarinnar en húsið er
víkjandi á skipulagi vegna hug­
mynda um frekari uppbyggingu
á Langasandsreitnum. -vaks
Ríkið hættir niður-
greiðslu sýna
LANDIÐ: Föstudaginn 1. apr­
íl mun falla úr gildi reglu­
gerð um endurgreiðslu kostn­
aðar vegna sýnatöku til grein­
ingar á Covid­19. Reglugerðin
tók fyrst gildi 16. september sl.
og fól í sér að einkaaðilar sem
önnuðust hraðpróf til greiningar
á Covid­19, t.d. vegna hrað­
prófsviðburða eða útgáfu vott­
orða fyrir ferðamenn, gátu boð­
ið þá þjónustu endurgjaldslaust.
Frá og með 1. apríl verður ein­
kennasýnatöku áfram sinnt hjá
heilsugæslu og heilbrigðisstofn­
unum. Þar verður einnig í boði
sýnataka fyrir ferðamenn sem
þurfa vottorð vegna ferðalaga
gegn gjaldi. Það má gera ráð fyrir
því að einkaaðilar bjóði áfram upp
á sýnatöku en sem fyrr segir verð­
ur niðurgreiðslum hins opinbera
vegna sýnatöku hjá einkaaðilum
hætt 1. apríl nk. -mm
Reykholtshátíð
hlýtur tilnefningu
BORGARFJ: Reykholtshátíð í
Borgarfirði hefur verið tilnefnd
til Íslensku tónlistarverðlaun­
anna 2022 í flokki tónlistarhá­
tíða. Hátíðin er þar í flokki með
landskunnum listamönnum og
menningarstofnunum á borð
við Björk Guðmundsdóttur
og Sinfóníuhljómsveit Íslands.
Listrænir framkvæmdastjór­
ar árið 2021 voru Sigurður
Bjarki Gunnarsson sellóleikari
og Þórunn Ósk Marinósdóttir
víóluleikari hjá Sinfoníuhljóm­
sveit Íslands. Frá þessu segir á
vef Borgarbyggðar. ­ vaks
Án réttinda á
fjórhjólum
HVALFJ.SV: Síðasta fimmtu­
dag var tilkynnt um tvo
unga drengi á fjórhjólum í
Melahverfi. Drengirnir voru
án réttinda og fjórhjólin óskráð
og ótryggð. Drengirnir sem
eru fæddir árið 2006 voru með
hjálma og í brynju en ekki með
gildandi ökuskírteini. Haft var
samband við foreldra og atvikið
einnig tilkynnt til barnaverndar.
­vaks
Bjarnheiður
endurkjörin for-
maður SAF
LANDIÐ: Aðalfundur Sam­
taka ferðaþjónustunnar árið
2022 fór fram síðastliðinn mið­
vikudag. Í aðdraganda aðal­
fundar fór fram rafræn kosn­
ing meðal félagsmanna um þrjá
meðstjórnendur í stjórn SAF
til næstu tveggja ára ásamt því
að kjörinn var formaður. Ragn­
hildur Ágústsdóttir, stofnandi
og eigandi Lava Show, Sævar
Guðjónsson, framkvæmdastjóri
Ferðaþjónustunnar Mjóeyri við
Eskifjörð og Björn Ragnarsson,
framkvæmdastjóri Kynnis ferða­
Reykjavik Excursions hlutu kjör
í stjórn SAF til næstu tveggja
ára. Bjarnheiður Hallsdóttir,
framkvæmdastjóri Kötlu­DMI
og núverandi formaður SAF var
endurkjörin formaður samtak­
anna til næstu tveggja ára. -vaks
Sjávarútvegsráðherra
hyggst auka þorskkvóta
strandveiðibáta um 1500
tonn. Þessi veiðiheim­
ild fékkst í skiptum fyr­
ir 5,3% af deilistofnum
sem Íslendingar hafa rétt
til að veiða. Fyrr í vet­
ur hafði Svandís Svavars­
dóttir ákveðið að skerða
strandveiðar um sömu
1500 tonn. Svandís skrif­
ar sjálf á vef Strandveiði­
félags Íslands síðastliðinn
fimmtudag: „Ég á enn
eftir að taka ákvörðun
um hvernig þetta verður
útfært, en ljóst er að það er svigrúm
til að bæta inn í strandveiðipottinn
líkt og ég hafði vonast til að geta
gert. Strandveiðar skipta miklu
máli fyrir byggðir landsins og það
stendur mér nærri að standa vörð
um það kerfi samhliða því að hvika
hvergi frá því grund­
vallarsjónarmiði að
fylgja vísindalegri
ráðgjöf.“
Trillukarlar sem
hyggjast fara á strand­
veiðar í vor eru nú
byrjaðir að undirbúa
báta sína fyrir kom­
andi vertíð, en þeir
mega byrja veiðar
2. maí. Strandveiði­
báturinn Jaroslav er
einn þeirra báta sem
fer á strandveiðar í
sumar og var eig­
andinn að taka bátinn
í land til þess að skvera hann af fyrir
sumarið undir lok vikunnar.
af
Íbúalistinn í Hvalfjarðarsveit sendi
á mánudaginn frá sér tilkynningu
þess efnis að listinn mun ekki bjóða
fram fyrir sveitarstjórnarkosn­
ingarnar í vor. Þar með hafa allir
núverandi listar sem átt hafa full­
trúa í sveitarstjórn sagt sig frá fram­
boði, en áður höfðu Á listi og H
listi gert slíkt hið sama. Íbúalistinn
hefur setið í minnihluta í sveitar­
stjórn á yfirstandandi kjörtímabili
með tvo fulltrúa af sjö.
Ragna Ívarsdóttir og Elín Ósk
Gunnarsdóttir fulltrúar Íbúalistans
í sveitarstjórn Hvalfjarðarsveitar
segja í tilkynningu sinni:
„Það að sitja í sveitarstjórn
er fjölbreytt starf, krefjandi og
spennandi enda hlutverkið marg­
þætt og byggist á samvinnu. Í allri
einlægni hefur það kjörtímabil
sem nú er að ljúka verið lærdóms­
ríkt fyrir undirritaðar en í leiðinni
hefur það bæði verið krefjandi og
erfitt. Undirritaðar hafa þurft að
takast á við flókna stöðu þar sem
fulltrúar meirihluta sveitarstjórn­
ar hafa unnið að því leynt og ljóst
að halda okkur sem lengst frá öllu
sem við kemur störfum sveitar­
stjórnar. Starfsskilyrði okkar hafa á
engan hátt verið góð síðustu fjögur
ár og meirihlutanum ekki til fram­
dráttar. Neikvætt umtal og áreiti
sem því fylgir að gefa kost á sér til
starf í sveitarstjórn er ekki aðlað­
andi starfsumhverfi, þessu þarf að
breyta,“ segja þær Ragna og Elín
Ósk.
mm/ Ljósm. arg.
Íbúalistinn í Hvalfjarðarsveit
mun ekki bjóða fram í vor
Jaroslav hífður á land í Ólafsvíkurhöfn.
Sjávarútvegsráðherra ætlar að bæta
strandveiðimönnum upp skerðinguna