Skessuhorn - 30.03.2022, Síða 13

MIÐVIKUDAGUR 30. MARS 2022 13
Eins og greint var frá í Skessuhorni
í síðustu viku ætlar Háskólinn á Bif­
röst að leggja til húsnæði til mót­
töku flóttafólks frá Úkraínu. Mót­
taka fólksins er unnin í samstarfi
skólans, Borgarbyggðar, ríkisins og
Rauða kross Íslands og er nú unnið
hörðum höndum að undirbúningi
fyrir komu flóttafólksins. „Við ger­
um ráð fyrir að fyrstu gestir komi á
Bifröst í næstu viku. Við vitum ekki
nákvæmlega hvenær fólkið kemur
eða hversu margir en við stefnum
á að hluti húsnæðisins verði tilbú­
ið í lok þessarar viku. Háskólanum
á Bifröst hafa borist margar gjaf­
ir til að hægt sé að standsetja hús­
næðið og eru á fullu í undirbúningi
húsnæðisins,“ segir Þórdís Sif Sig­
urðardóttir sveitarstjóri í Borgar­
byggð í samtali við Skessuhorn.
Skjól á Bifröst
Húsnæðið á Bifröst er hugsað sem
skammtímaúrræði þar sem flótta­
fólkið getur dvalið í 3­12 vikur á
meðan varanlegra húsnæði finnst.
„Þetta er það sem við köllum skjól
en fólkið verður að fara úr úrræðum
á vegum Útlendingastofnunar inn­
an tveggja vikna frá dvalarleyfi og á
svo skömmum tíma verður ekki til­
búið varanlegt húsnæði fyrir þann
fjölda sem er að koma til okkar.
Þetta úrræði er því svona milliplan
þar sem gestirnir okkar geta upplif­
að öryggi og fá aðstoð þar til þeir
komast í varanlegt úrræði,“ útskýr­
ir Þórdís og bætir við að Fjölmenn­
ingarsetrið komi svo til með að
vinna með fólkinu til að finna fram­
tíðarhúsnæði.
En hvernig verður tekið á móti
þessu fólki? „Við lítum á flótta­
fólkið sem gesti okkar og mun­
um að sjálfsögðu sýna þeim gest­
risni. Við erum komin með verk­
efnastjóra til að halda utan um
þetta verkefni. Svo erum við með
félagsráðgjafa, sálfræðing og hjúkr­
unarfræðing að vinna með okkur.
Við ætlum að bjóða upp á kennslu
fyrir börn á grunnskólaaldri á
Bifröst og hafa margir kennar­
ar í Borgarbyggð sýnt áhuga á að
koma að þeirri vinnu. En við eig­
um eftir að sjá hvernig hópurinn
er samsettur sem kemur til okkar.
Kannski eru kennarar eða einhverj­
ir með reynslu af kennslu í hópn­
um sem hafa áhuga á að hjálpa með
kennslu. Við vitum að það er mik­
ill mannauður í þessum gestum og
það eru örugglega einhverjir sem
vilja leggja hönd á plóg og því um
að gera að virkja þau,“ segir Þórdís
og bætir við að verið sé að skoða
hvort börn á leikskólaaldri geti ekki
fengið að vera eitthvað á leikskóla
Hjallastefnunnar á Bifröst.
Góð aðstaða á Bifröst
Aðspurð segir Þórdís aðstæðurnar á
Bifröst henta mjög vel til að taka á
móti flóttafólki í skammtímaúrræði.
„Við erum með stýrihóp sem held­
ur utan um þetta verkefni og þar er
fólk með gríðarlega þekkingu á mót­
töku flóttafólks og hvernig sé best að
bjóða gestina okkar velkomna og að
aðstoða það við að öðlast eins eðlilegt
líf og hægt er. Það verður boðið upp
á akstur daglega í Borgarnes sem þau
geta nýtt sér og svo er verið að skoða
hvort hægt sé að setja upp verslun
á staðnum með helstu nauðsynjum.
Bifröst býður upp á ýmislegt, þar eru
heitir pottar, líkamsrækt, leikskóli,
leikvöllur, gönguleiðir og mikil ró
og fegurð. Það er líka lítil verslun í
Hreðavatnsskála og svo eru veitinga­
staðir á svæðinu. Það er tíu mínútna
akstur í næstu sundlaug og íþrótta­
hús og rúmlega tuttugu mínútur í
Borgarnes í alla þjónustu. Við erum
að leita leiða til að tryggja að þau eigi
sem auðveldast með að sækja þjón­
ustuna,“ svarar Þórdís.
Hvernig er hægt
að hjálpa?
Rauði krossinn kemur að verkefn­
inu og mun til að mynda aðstoða
við móttöku fólksins og öflun fatn­
aðar. Áhugasamir eru hvattir til að
bjóða sig fram sem sjálfboðaliðar hjá
Rauða krossinum þar sem hægt verð­
ur að hjálpa með mismunandi verk­
efni sem tengjast móttöku gestanna.
Háskólinn á Bifröst mun sjá um allt
sem tengist húsnæðinu og ef fólk
hefur húsgögn eða annan húsbúnað
til að gefa er hægt að hafa samband
við þau í netfangið ukraina@bifrost.
is. Þá er einnig hægt að hafa sam­
band við verkefnastjóra á netfangið
ukraina@borgarbyggd.is til að bjóða
fram aðstoð. „Ég er mjög bjartsýn á
að þetta muni ganga vel,“ segir Þór­
dís að lokum. arg
Háskólinn á Bifröst býður nú öllum
nemendum upp á sálfræðiþjónustu
þeim að kostnaðarlausu og hefur
Ástdís Pálsdóttir Bang verið ráðin
í 50% stöðu sálfræðings við skól­
ann. „Þjónustan er miðuð að þörf­
um hvers einstaklings og er fullum
trúnaði heitið,“ segir í frétt á síðu
skólans.
Ástdís lauk Bac gráðu í sálfræði
frá Háskólanum á Akureyri og MSc
gráðu í klínískri sálfræði frá Háskól­
anum í Reykjavík. „Ástdís öðlað­
ist fjölbreytta reynslu undir hand­
leiðslu reyndra sálfræðinga á þrem­
ur stöðum í meistaranámi sínu:
Grensásdeild Landspítalans, þjón­
ustumiðstöð Vesturbæjar, Mið­
borgar og Hlíða og á Heilsugæslu
höfuðborgarsvæðisins. Í meistara­
rannsókn sinni rannsakaði Ástdís
tíðni þunglyndiseinkenna aldraðra
á Íslandi.“
arg
Gert er ráð fyrir að sömu regl­
ur muni í meginatriðum gilda
um nikótínvörur og nú gilda um
rafrettur, samkvæmt frumvarpi
heilbrigðisráðherra sem hann
mælti fyrir á Alþingi í síðustu viku.
Meginmarkmiðið er að tryggja
gæði og öryggi þessa varnings og
tryggja með tiltækum ráðstöfun­
um að börn kaupi hvorki né noti
nikótínvörur og rafrettur og áfyll­
ingar fyrir rafrettur.
Frumvarpið felur í sér breytingu
á gildandi lögum um rafrettur og
áfyllingar fyrir rafrettur og mun
heiti laganna breytast til samræm­
is við efnið og verður „lög um
nikótínvörur, rafrettur og áfyllingar
fyrir rafrettur“. Nikótínvara telst sú
vara sem ekki er til innöndunar og
inniheldur nikótín, hvort sem nikó­
tínið er unnið úr tóbaki eða ekki og
varan inniheldur að öðru leyti ekki
önnur efni sem unnin eru úr tóbaki,
til dæmis nikótínpúða.
Innleitt verður 18 ára aldurstak­
mark við kaup og sölu á nikótín­
vörum líkt og gildir um rafrettur
og áfyllingar á þær. Óheimilt verð­
ur að auglýsa nikótínvörur, á sölu­
stöðum mega þær ekki vera sýni­
legar og óheimilt verður að merkja
umbúðir með texta eða myndmáli
sem höfðar til barna og ungmenna.
Óheimilt verður að selja nikótín­
vörur í grunn­ og framhaldsskól­
um og á öðrum stöðum sem ætlað­
ir eru til félags­, íþrótta­ og tóm­
stundastarfs barna og ungmenna.
Þá verður einnig óheimilt að flytja
inn, framleiða og selja nikótínvör­
ur og rafrettur og áfyllingar fyrir
rafrettur sem innihalda bragðefni
sem kunna að höfða til barna, svo
sem nammi­ og ávaxtabragð. mm
Flóttafólk væntanlegt á Bifröst í næstu viku
Þórdís Sif Sigurðardóttir sveitarstjóri.
Horft yfir háskólaþorpið á Bifröst. Ljós. James Einar Becker.
Ástdís Pálsdóttir Bang hefur verið ráðin í starf sálfræðings við Háskólann á
Bifröst. Ljósm. Háskólinn á Bifröst.
Nemendur fá
sálfræðiþjónustu
Nikótínvörur felldar undir
lög um rafrettur