Skessuhorn - 30.03.2022, Síða 15

MIÐVIKUDAGUR 30. MARS 2022 15
Föstudaginn 11. mars hófst sólar­
hrings dansmaraþon fermingar­
barna í Borgarbyggð og fór það
fram í Reykholtskirkju. Með dans­
maraþoninu vildu krakkarnir safna
fyrir vatnsbrunni í Eþíópíu en
vatnssöfnun fermingarbarna er eitt
stærsta verkefni Hjálparstarfs kirkj­
unnar. Söfnuðu krakkarnir áheitum
hjá vinum og vandamönnum og
söfnuðu alls 612.600 krónum.
arg
Í síðustu viku tók Grunnskóli
Borgar fjarðar á móti þátttakendum
frá fimm skólum í Evrópu, en um
er að ræða Erasmus+ verkefni sem
styrkt er af Evrópusambandinu.
Skólarnir eru í Lettlandi, Rúm­
eníu, Spáni, Tékklandi og Portúgal.
Grunnskóli Borgarfjarðar er síðan
sjötti skólinn í samstarfinu. Verk­
efninu er stjórnað frá Lettlandi.
Verkefnið hófst núna í ársbyrjun
2022 og stendur fram á vor 2023.
Það samanstendur af samvinnu og
heimsóknum á milli skólastofnana í
löndunum sex. Meginmarkmið ver­
kefnisins er að dýpka skilning nem­
enda og kennara á því verkefni sem
fyrir höndum er og mikilvægi sam­
vinnu þegar kemur að því að hjálp­
ast að við að hugsa um okkar einu
jörð til framtíðar, eins og segir í
frétt á vef Borgarbyggðar.
Í hverri heimsókn koma eða
fara fimm nemendur frá hverju
landi ásamt kennurum og vinna að
þeim verkefnum sem lögð eru fyr­
ir á hverjum stað. Áherslur eru mis­
munandi á milli landanna, allt frá
því að fjalla um hvernig nýta megi
efni og verðmæti betur, læra að gera
lífrænan áburð yfir í að skilja hvern­
ig hægt er að læra af mistökum fyrri
kynslóða í náttúruvernd.
Þessi heimsókn í Grunnskóla
Borgarfjarðar var sú fyrsta í verk­
efninu og var lögð áhersla á að
kynna fyrir nemendum hvern­
ig þeir geta nýtt jarðvarma ásamt
því að læra um og skilja jarðfræði
landsins og hvernig þeir geta lært
með því að þekkja það sem náttúran
hefur upp á að bjóða. Þátttakendum
var skipt upp í námshópa þar sem
þeir fengu kynningu á jarðfræði,
náttúrufari og lífríki Íslands. Þeir
fóru í leikjatengt nám þar sem tek­
ist var á við verk efni sem byggja á
samskiptum og samvinnu ásamt því
að kynnast því hvernig Íslendingar
hafa nýtt hveri til að baka brauð.
Þeir fengu meðal annars að baka
alíslenskt hverabrauð að ógleymdri
reynslunni að fara í heita sundlaug
í vetrarhríðinni. Áhersla var lögð á
þátttöku, leikjatengt útinám, tækni­
lausnir og reynslu nemenda í verk­
efninu, ásamt sköpun
. vaks/ Ljósm. GBF.
Fimmtudaginn18. mars stóð Nem­
endafélag Fjölbrautaskóla Vestur­
lands fyrir forkeppni vegna Söng­
keppni framhaldsskólanna. Fór
keppnin fram í Tónbergi og var hin
glæsilegasta. Fimm söngvarar stigu
á svið og fluttu sitt atriði og á með­
an dómnefnd réði ráðum sínum
fengu áhorfendur að sjá atriði úr
söngleiknum Útfjör sem leiklistar­
klúbburinn frumsýndi í síðustu
viku. Einnig stóð góðgerðarfélagið
Eynir fyrir köku­ og sælgætissölu
til styrktar flóttafólki frá Úkraínu.
Svo fór að Hanna Bergrós
Gunnarsdóttir sigraði með flutn­
ingi sínum á laginu Killing Me
Softly. Mun hún því keppa fyrir
hönd FVA í Söngkeppni framhalds­
skólanna sem fram fer á Húsavík
sunnudaginn 3. apríl. Keppnin
verður send út í beinni útsendingu
í Ríkissjónvarpinu.
vaks
Árshátíð Nemendafélags Mennta­
skóla Borgarfjarðar var haldin í
síðustu viku undir veislustjórn
Audda og Steinda. Góð stemn­
ing var á hátíðinni en nemend­
ur höfðu gert skemmtilegt mynd­
band sem var sýnt á hátíðinni auk
þess sem starfsfólk sýndi mynd­
band þar sem létt grín var gert að
skólalífinu.
Signý María Völundardótt­
ir flutti lagið Heyr mína bæn sem
hún ætlar að flytja fyrir hönd NMB
í söngkeppni framhaldsskólanna
sem haldin verður á Húsavík næst­
komandi sunnudag, 3. apríl. arg
Gítarleikararnir Björn
Thoroddsen, Gunnar Ring­
sted og Reynir Hauksson halda
gítarveislu í Landnámssetrinu í
Borgarnesi föstudaginn 1. apríl
kl. 20. Þeir félagarnir hafa verið
framarlega í gítarsenu Íslands
um árabil en halda núna tón­
leika saman í fyrsta skiptið. Á
efnisskránni eru lög eftir ýmsa
þekkta tónlistarmenn, t.d. Bítl­
ana, Django Reinhardt, Jazz
standardar, íslensk lög og eig­
in tónsmíðar. Aðgangseyrir er
3000 krónur og athygli vakin á
að ekki verður posi á svæðinu.
mm
Gamla myndin
Í tilefni þess að á næsta ári fagnar Skessuhorn 25 ára starfsafmæli sínu hefur ritstjórn
blaðsins aðeins verið að grúska ofan í gömlum myndakössum sem geyma myndir
fyrir og í kringum síðustu aldamót. Mynd vikunnar er frá árinu 2000 og sýnir
knattspyrnulið HSH í nýjum búningum á Búnaðarbankamótinu í Borgarnesi.
Fermingarbörn söfnuðu fyrir
vatnsbrunni í Eþíópíu
Fimm skólar í Evrópu heimsóttu
Grunnskóla Borgarfjarðar
Þrír gítarsnillingar leiða saman
hesta sína í Landnámssetrinu
Hanna Bergrós vann
forkeppni FVA
Signý María mun flytja lagið Heyr mína bæn á Söngkeppni Framhaldsskólanna
um næstu helgi. Ljósm. aðsend
Signý María verður
fulltrúi MB
Erasmus+ project No. 2021-1-LV-
01-KA220-SCH-000024421 “Living
and learning in natural and green
environment”