Skessuhorn - 12.04.2022, Síða 14
ÞRIÐJUDAGUR 12. APRÍL 202214
Framboð J-lista, Bæjarmálasamtaka
Snæfellsbæjar, býður fram í sveitar-
stjórnarkosningunum í Snæfellsbæ
14. maí næstkomandi. Listinn var
kynntur á föstudaginn, sama dag og
framboðsfrestur rann út. Tveir list-
ar verða því í kjöri í sveitarfélaginu;
J listi og D listi Sjálfstæðisflokks.
Við síðustu kosningar hlaut D listi
tæp 60% atkvæða og fjóra menn í
bæjarstjórn en J listi þrjá menn.
J listinn er þannig skipaður:
Nr. 1. Michael Gluszuk, rafvirki
Nr. 2. Margrét Sif Sævarsdóttir,
grunnskólakennari
Nr. 3. Fríða Sveinsdóttir,
bókasafnsvörður
Nr. 4. Patryk Zolobow, sjúkraflutn-
ingamaður
Nr. 5. Tinna Ýr Gunnarsdóttir,
húsmóðir
Nr. 6. Ása Gunnarsdóttir, grunn-
skólakennari
Nr. 7. Matthildur Kristmundsdótt-
ir, húsmóðir
Nr. 8. Margrét Vilhjálmsdóttir,
leikskólaliði
Nr. 9. Heiðar Friðriksson, eldri
borgari
Nr. 10. Jóhannes Stefánsson,
sjómaður
Nr. 11. Ægir Ægisson, vélstjóri
Nr. 12. Guðmundur Rúnar
Gunnarsson, rafvirki
Nr. 13. Oddur Orri Brynjarsson,
skipstjóri
Nr. 14. Hallveig Hörn Þorbjargar-
dóttir, uppalandi.
mm
Stofnfundur Nýsköpunarnets
Vesturlands (NýVest) fór fram í
Breið nýsköpunar og þróunar-
setri að Bárugötu 8-10 á Akranesi
í síðustu viku. Páll S. Brynjarsson
framkvæmdastjóri Samtaka sveitar-
félaga á Vesturlandi (SSV) setti
fundinn en síðan tók Gísli Gísla-
son formaður undirbúningsnefnd-
ar NýVest við og kynnti félagið.
Eftir að hefðbundinni stofnfundar-
dagskrá lauk ávarpaði Áslaug Arna
Sigurbjörnsdóttir háskóla, iðnaðar-
og nýsköpunarráðherra fundinn
auk þess sem Bergur Benediktsson
frá Líftæknismiðju Breiðar og Árni
Þór Árnason frá Fab-Lab smiðju
Vesturlands kynntu starfsemina.
Að lokum sá Helena Guttorms-
dóttir um kynningu á nýrri heima-
síðu NýVest.
Hugmyndir munu
fljúga hátt
Í ávarpi sínu sagði Áslaug Arna
meðal annars að það væri gaman að
sjá það sem væri verið að gera, sem
gæti verið svo skýrt fordæmi út
um allt land. „Það er svona gróska
sem á að koma frá fólkinu sjálfu í
samfélögunum sem við sjáum svo
gott dæmi um með NýVest. Þess
vegna hef ég svo mikla trú á þessu
verkefni; að það sé verið að leiða
saman bæði sveitarfélög, fyrirtæki,
einstaklinga, skóla, bæði á fram-
halds- og háskólastigi, fab-löbin
og alla þekkinguna á þessu svæði.
Þið eruð rosalega heppin með
staðsetningu, þið eruð með tvo
góða háskóla á svæðinu og ótrúleg
fyrirtæki hvort sem það eru þekkt
stóriðnaðarfyrirtæki eða minni
fyrirtæki með stórar hugmyndir. Í
því felast endalaus tækifæri að leiða
þessi atriði saman,“ sagði Áslaug
Arna.
Þá sagði hún að hugvitið væri
ekki auðlindadrifið: „Það er ótak-
mörkuð auðlind og ef við getum
byggt upp þannig stórar stoðir í
íslensku efnahagslífi að þá eigum
við öruggari lífskjör og lífsgæði
til frambúðar fyrir alla Íslendinga
hvort sem það er í formi útflutn-
ingstekna eða fjölbreyttari starfa
hér um allt land. Þess vegna er
svona framkvæmd svo mikilvæg af
því það setur alla við sama borð
og eflir og nýtir allan mannauðinn
sem er á þessu svæði. Þetta stuðn-
ingskerfi er til að ýta undir
hugmyndir fólks og sumar af þeim
hugmyndum munu fljúga svo hátt
að þær borga okkur margfalt til
baka með verðmætasköpun sinni.“
Áslaug Arna sagði einnig að hún
hefði mikla trú á því að þegar við
leiðum saman alla þá sem standa
að þessu verkefni geti það skap-
að aukin tækifæri fyrir samfélögin,
fyrir hugmyndir til að vaxa hraðar
og spretta og hlutir sem við þekkj-
um ekki einu sinni í dag geti vaxið
út frá því.
Tengja saman
atvinnulíf og skóla
Í stuttu máli felst Nýsköpunarnet
Vesturlands í að tengja saman þá
aðila sem vinna að nýsköpun á
Vesturlandi og efla þau nýsköp-
unarsetur og samvinnurými sem
eru að stíga sín fyrstu spor í flest-
um sveitarfélögum á Vesturlandi.
NýVest lítur svo á að það sé mikil
þörf fyrir að tengja saman þá aðila
sem vinna að nýsköpun til þess að
miðla upplýsingum, þekkingu og
hæfni á milli aðila. Með nánari
tengingu verður einnig hægt að
veita frumkvöðlum, fyrirtækjum og
þeim sem sinna störfum án stað-
setningar betri þjónustu. Hlutverk
nýsköpunarnetsins verður að tengja
saman atvinnulífið og menntastofn-
anir á Vesturlandi og verða vett-
vangur fyrir samstarf þessara aðila.
Á svæðinu eru tveir háskólar, þrír
framhaldsskólar, símenntunarmið-
stöð og þekkingarsetur þannig að
þekkingarumhverfið á svæðinu er
mjög sterkt.
Ráðgjafar SSV til taks
Verkefnið gengur út á að nýsköp-
unarsetrin og samvinnurýmin verði
í lykilhlutverki í nýsköpunarnetinu
og samstarfið þeirra á milli. Þar
verði hægt að nálgast faglegan
stuðning við frumkvöðla og
nýsköpun, sækja erindi og fræðslu
sem tengist frumkvöðlastarfi og
nýsköpun, þau stuðli að aukinni
umræðu og skoðanaskiptum og
efli tækifæri til atvinnusköpunar.
Ráðgjafar SSV verði aðgengilegir á
þessum stöðum, en þeir geta veitt
aðilum ráðgjöf við stofnun fyrir-
tækja, rekstrarráðgjöf, upplýsingar
um sjóði og aðstoð við umsóknir,
stuðlað að tengslamyndun við aðila
innan Vesturlands sem utan og
miðlað upplýsingum um atvinnulíf
og byggðaþróun á Vesturlandi.
vaks
Bæjarmálasamtökin bjóða fram í Snæfellsbæ
Þó nokkur fjöldi mætti á stofnfundinn í síðustu viku.
Nýsköpunarnet Vesturlands stofnað
Áslaug Arna og Gísli Gíslason glaðhlakkaleg á stofnfundinum.
Þórdís Sif Sigurðardóttir sveitarstjóri
Borgarbyggðar og Linda Björk Páls-
dóttir sveitarstjóri Hvalfjarðarsveitar.
Páll Snævar Brynjarsson fram-
kvæmdastjóri SSV og Jakob Björgvin
Jakobsson bæjarstjóri Stykkishólms-
bæjar.
Dr. Ragnheiður Inga Þórarinsdóttir rektor Landbúnaðarháskóla Íslands og Gísli
Gíslason formaður undirbúningsnefndar NýVest.
Þura B. Hreinsdóttir, Ásgeir Ásgeirsson og Jónína F. Jóhannesdóttir frá HVE kíktu
við.