Skessuhorn - 12.04.2022, Qupperneq 16
ÞRIÐJUDAGUR 12. APRÍL 202216
Framboðslisti Framsóknar
flokksins í Borgarbyggð fyrir
sveitarstjórnarkosningarnar
í vor var nýverið kynntur.
Guðveig Lind Eyglóardóttir
leiðir listann, líkt og hún gerði
einnig fyrir kosningarnar 2014
og 2018. Sest var niður með
Guðveigu og rætt um kosn
ingarnar framundan, helstu
baráttumál listans, framtíðarsýn
hennar og þær áskoranir sem
bíða fulltrúa í sveitarstjórn
Borgarbyggðar. En fyrst að
upprunanum.
Þurfti ung að bjarga sér
„Nú er ég að stíga inn í mitt þriðja
kjörtímabil í sveitarstjórn Borgar-
byggðar og hlakka til að takast á við
það verkefni. Það eru átta ár síðan
ég settist fyrst í sveitarstjórn, var
þá nýflutt að nýju í minn heimabæ
eftir flakk um landið. Var þá boðið
að taka oddvitasætið á lista Fram-
sóknarflokksins. Ég er alin upp hér
í Borgarnesi, er hluti af stórum,
tápmiklum og samheldnum systk-
inahópi, en ég er þriðja í röðinni
af sjö systkinum. Mamma var ein
með okkur mjög lengi og því var
ekkert annað í boði en verða fljótt
sjálfstæð og að geta staðið á eigin
fótum. Ég flutti því úr Borgarnesi
strax eftir grunnskóla, fór fyrst
í Fjölbrautaskólann á Akranesi
og flutti svo suður. Var alltaf að
vinna samhliða námi, annað var
ekki í boði. Ég hætti í námi eftir
framhaldsskólann og fór ekki fyrr
en löngu síðar í háskólanám. Í
rauninni ílengdist ég í ferðaþjón-
ustugeiranum, vann á hótelum
og stofnaði ung til eigin veitinga-
rekstrar á gamall aflagðri bújörð á
Hálsi í Öxnadal.“
Eins og Gísli
á Uppsölum
Ung að árum var Guðveig í viðtali
hjá Gísla Einarssyni í þættinum Út
og suður á RUV. „Ég man að Gísli
tók við mig viðtal í þátt. Í minn-
ingunni var þetta skemmtilegt. Ég
var dálítið eins og Gísli á Uppsöl-
um; 25 ára upp í afdal með eigin
veitingarekstur,“ segir Guðveig
og hlær. „Lagði mikla áherslu á
það sem nokkru síðar var farið að
kalla beint frá býli, var ein uppi á
hálendinu að tína og þurrka jurt-
ir, rækta grænmeti og vinna með
ferskt og gott hráefni af svæðinu
fyrir gestina. Þá strax var ég komin
með mikinn áhuga fyrir að rækta
og nýta það sem landið og náttúr-
an gefur og tengja ferðaþjónustuna
betur við matarmenningu okkar.
Þetta starf og áhugi fyrir náttúr-
unni varð til þess að ég skráði mig
í búfræðinám á Hvanneyri. Þar
kynnist ég svo Vigfúsi Friðrikssyni,
Fúsa Fljótsdæling. Þau kynni urðu
til þess að ég varð fljótlega ólétt að
okkar fyrsta barni og búfræðinám-
inu lauk ég því ekki. Við vorum
um tíma með búskap austur á
Valþjófsdal en meðfram því vann
ég á Skriðuklaustri við ferðaþjón-
ustu. Þá var matur úr héraði átak í
gangi og það heillaði mig. Nú svo
flytjum við á Akureyri 2009 þar
sem við bjuggum í fjögur ár og ég
vann m.a. á KEA hótelunum um
tíma, en byrja svo árið 2012 nám
í ferðaþjónustu frá Háskólanum
á Hólum. Árið 2021 lauk ég svo
MLM námi í Forystu og stjórnun
með áherslu á verkefnastjórnun frá
Háskólanum á Bifröst.“
Virðing fyrir
frumkvöðlunum
Árið 2013 flytja þau Fúsi og
Guðveig í Borgarnes með börnin
sín þrjú sem í dag eru 10, 13 og 15
ára. „Mér fannst gott að koma aftur
í Borgarnes, eða móðurstöðina eins
og ég kalla það stundum, þar sem
taugarnar voru og eru sterkar til
svæðisins og fá að ala upp börnin
mín hér á mínum æskuslóðum. Ég
var hins vegar alls ekki á leið í póli-
tík, þó þannig hafi það farið. Mér
finnst það hins vegar hafa nýst mér
vel að vera uppalin í héraðinu.
Sjálfri finnst mér mikilvægt í
verkefnunum sem tengjast póli-
tíkinni að þekkja ræturnar, sögu
héraðsins og ekki síður fyrirtækj-
anna og frumkvöðlanna sem hafa
spilað lykilhlutverk í að byggja
samfélagið okkar eins og það er.
Mér finnst mikilvægt að nálgast
bæði fyrirtækin og einstaklingana
af virðingu, við megum til dæmis
alls ekki gleyma þeim fyrirtækj-
um sem hafa stigið ölduna í gegn-
um áratugina og barist fyrir sitt
heimahérað og haldið uppi störfum
og atvinnulífi hér í gegnum þykkt
og þunnt. Það er allt í lagi að nefna
menn eins og Sigvalda Arason í
því sambandi. Mann sem stofnaði
Borgarverk, byggði smám saman
upp fyrirtæki sem í dag rekið af syni
hans Óskari og Kristni félaga hans,
og er öflugasta fyrirtækið á öllu
Vesturlandi; veltir álíka miklu og
sve itarfélagið og er að skila góðri
afkomu og veita fjölda starfa. Ég
gæti nefnt fleiri einstaklinga, eins
og Eirík Ingólfsson, Pétur Geirs-
son og Konráð Andrésson sem hafa
bæði byggt upp mikilvæg fyrirtæki
og sinnt samfélagslegri ábyrgð.
Við megum ekki gleyma okkur í
að horfa einungis til nýsköpun-
ar og nýrra fyrirtækja, heldur gæta
þess sérstaklega að hlúa að og bera
virðingu fyrir þeim sem raunveru-
lega hafa lagt á sig ómælda vinnu
til að gera samfélagið að því sem
það er. Ég get alveg viðurkennt að
ég hefði viljað sjá stjórnsýsluna og
kjörna fulltrúa tengjast betur við
og umgangast af meiri virðingu við
þau fyrirtæki sem hér eru,“ segir
Guðveig.
Kjörtímabil
uppbyggingar
Aðspurð um áherslur Framsóknar-
flokksins í kosningunum sem
framundan eru segir Guðveig það
blasa við að framundan verði að
vera kjörtímabil uppbyggingar og
á þá við bæði íþróttamannvirki og
skóla. „Hér vantar meira af lóðum
og íbúðum. Við sjáum hvernig
skortur á byggingarlandi í borginni
er að hafa keðjuverkandi áhrif út á
land og í átt til okkar. Það skapar
tækifæri fyrir okkur hér í Borgar-
byggð. Við þurfum að undirbúa
slíka uppbyggingu af krafti, en því
miður hefur lítið þokast í skipulags-
málum á yfirstandandi kjörtímabili.
Nú þarf að stíga fast niður fæti til að
koma málum eitthvað áfram. Það
er óviðunandi að nú eru engar lóðir
til fyrir íbúðarhúsnæði í sveitarfé-
laginu og nánast ekkert af atvinnu-
lóðum heldur. Það er því brýnt að
þoka þeim málum hratt áfram í
upphafi nýs kjörtímabils sem við í
Framsókn bindum vonir við að geta
leitt áfram. Ég tel því skipulagsmál-
in forgangsmál en þau eru einnig
meiður af stærra máli, því allt snýst
jú um að bæta hér búsetuskilyrði og
auka lífsgæði íbúa. Þar skiptir máli
að áform um byggingu á íþrótta-
mannvirkjum og almennri aðstöðu
fyrir fólk til tómstunda og heilsu-
eflingar verði klárað. Þá verða
skólamál örugglega til umræðu á
nýju kjörtímabili og ekki hjá því
komist að móta stefnu í skólamál-
um til framtíðar. Nú er útlit fyrir
að allir skólar verði fullsetnir og
lítil tilfærsla í boði milli þeirra eins
og sakir standa. Nú eru áform um
íbúðabyggð m.a. í Reykholti og
stórt byggingaverkefni er í gangi
í Húsafelli. Þessi íbúðabyggð öll
mun kalla á fjölgun barna í grunn-
skólanum á svæðinu og því verðum
við að gera ráð fyrir því við hönnun
mannvirkja á Kleppjárnsreykjum.
Við verðum einfaldlega að taka mið
af þróun í byggingum og eftirspurn
á svæðinu þegar sett verður stefna í
skólamálum í héraðinu.“
Mannvænt samfélag
Guðveig segir að áherslur fólks og
kröfur séu sífellt að breytast. Áður
lét fólk það duga sem afþreyingu
að mæta á eitt spilakvöld í viku eða
saumaklúbb einu sinni í mánuði.
„Nútíma lífsgæði snúast um að láta
okkur líða vel. Það þurfa t.d. að vera
göngustígar, aðstaða til íþróttaiðk-
unar og tómstunda. Lífsmynstur
fólks er einfaldlega að breytast og
sveitarfélögin verða að hlýta því að
áhugamálin eru kannski önnur en
þau voru. Krafa um virkni í samfé-
laginu er sömuleiðis að breytast.
Stefna okkar í Framsókn er því að
byggja upp mannvænt samfélag,
hlusta á raddir fólksins því samfé-
lagið væri aumt ef þetta allt spilaði
ekki saman. Okkar hlutverk sem
veljumst til forystu í sveitarstjórn er
að taka mið af kröfum íbúa hverju
sinni og þær geta verið að breytast
mjög hratt. Að þessu þarf að taka
mið í fjárfestingum til framtíðar.
Þegar framtíðarskipan skólamála er
rædd þarf ekki einungis að taka mið
af skólahúsnæðinu sjálfu heldur
gæta þess að tekið sé tillit til þess að
krafa er um jafnræði á milli svæða
á þeirri aðstöðu sem nauðsynlegt
er að sé til staðar eins og aðstöðu
til íþróttakennslu, frístundar eftir
skóla og skólalóðar. Þetta eru allt
stórar fjárfestingar sem þarf að
ígrunda vel. Þá er sömuleiðis krafa
og þörf á aukinni sérfræðiþjón-
ustu og við því eiga sveitarfélög að
bregðast. Það er ekki nóg að byggja
ný hverfi, þjónustan þarf að haldast
í hendur. Samfélagið þarf að vera
eftirsóknarvert að búa í. Hér þarf
að vera aðlaðandi og heilbrigður
staðarandi, góð aðstaða til heilsu-
eflingar og jákvæð menning. Við
erum öll manneskjur og maður er
manns gaman. Við viljum lifandi
samfélag þar sem boðið er upp á
fjölbreytni í tómstundum, útivist
og félagsstarfi. Okkar helsta áskor-
un er því að bæta andann, hlúa að
þjónustu þar sem fólki finnst eftir-
sóknarvert að koma. Ég get nefnt
sem dæmi Kaffi kyrrð í Borg-
arnesi þar sem öllum finnst nota-
legt að koma, nú eða nýjan miðbæ
á Selfossi sem virðist strax vera
farinn að laða fólk að. Á þessum
stöðum er góð stemning, iðandi líf
og hægt að næra sálina. Ef smærri
sem stærri samfélög fá þá ímynd að
þangað sé gott að koma, skapast
sjálfkrafa eftirspurn eftir að verða
hluti af því.“
Oddvitastarf ekki
í aukavinnu
Aðspurð segist Guðveig líta á
starf oddvita Framsóknarflokks-
ins í Borgarbyggð sem fullt starf
og hyggst hún helga sig því á
næsta kjörtímabili ef hún kemst í
meirihluta. „Þegar ég tók ákvörðun
um að takast á við oddvitastarfið
í þriðja sinn, sagði ég upp í starfi
mínu á Hótel Hamri og mun hætta
þar um næstu mánaðamót. Verkefni
sveitarfélaganna hafa þróast mikið
á síðustu áratugum. Sveitarstjórn-
arstigið hefur tekið á sig aukna
ábyrgð og álag með tilfærslu verk-
efna frá ríkinu. Samhliða því hafa
ýmsar breytingar orðið á reglu-
gerðum í ýmsum málaflokkum sem
hafa bæði verið nauðsynlegar en
gjarnan verið íþyngjandi og kallað
á nýjar áskoranir. Það er því orðið
nánast ómögulegt að sinna því vel
með góðu móti samhliða öðrum
störfum ef þú vilt ná árangri fyrir
þitt sveitarfélag. Sveitarstjórnar-
fólk þarf einfaldlega að vera vel
inni í öllum þeim málum sem
heyra undir sveitarstjórn og geta
ekki látið embættismenn um öll
viðfangsefnin. Við þurfum að sýna
kjósendum okkar þá virðingu að
þeir sjái og finni að við séum í þessu
af fullum krafti. Það má til dæmis
enginn kjörinn fulltrúi í sveitar-
stjórn láta hjá líða að setja sig vel
inn í fjármál sveitarfélagsins. Ég lít
á það sem grunnskyldu okkar að
gera það til að geta tekið upplýsta
ákvörðun um ráðstöfun fjármuna.
Sveitarstjórn ber einfaldlega
ábyrgð á fjármálum síns sveitar-
félags og þeirri ábyrgð getur maður
ekki staðið undir með góðu móti
í meirihluta ef það er unnið sem
hlutastarf meðfram annarri vinnu.
Því hef ég ákveðið að láta reyna á
það að helga mig þessu hlutverki á
næsta kjörtímabili,“ segir Guðveig.
Stefnumörkun
ríkis vantar
Umræðan um uppbyggingu
vindmyllugarða víða um dreifð-
ar byggðir landsins hefur verið
áberandi síðustu misserin. Meðal
annars hefur sú umræða teygt arma
sína í Borgarbyggð, með hugmynd-
um um slíka garða í Norðurárdal
og Þverárhlíð. Um afstöðu sína
til málsins segir Guðveig: „Stefna
ríkisstjórnarinnar er sú að hægt
verði að beysla vindorkuna líkt og
aðra orku. Fyrir því er ég jákvæð
enda mikilvægur þáttur í orkuskipt-
um og orkuöflun almennt. Hins
vegar liggur ekki fyrir stefnumörk-
un um hvar slíkir vindorkugarð-
ar eiga að rísa og hvar ekki. Þar
sem stefnuna vantar er í dag um
huglægt mat sveitarstjórnarfólks
að ræða sem ekki er hægt að byggja
á upplýsta ákvörðun. Öll umræða
og þekking meðal sveitarfélaga
er að mínu mati á núll punkti og
nauðsynlegt að úr því verði bætt
svo hægt sé að taka ákvarðanir
byggðar á þekkingu um nýtingu
vindorku í landinu. Það er því mitt
mat að sveitarfélög geta ekki tekið
ákvörðun um hvort þau mæli með
slíku í aðalskipulagi, fyrr en ríkið
mótar stefnuna og þekking verði
til staðar. Ég held að það séu allir
sammála um að það er einfaldlega
ekki hægt að setja vindmyllugarða
hvar sem er og mikilvægt að slík
áform séu unnin vandlega og gerð
í samráði við íbúa á hverju svæði
ef til þess kemur,“ segir Guðveig
Eyglóardóttir að endingu. mm
Lít á starf oddvita í sveitarstjórn sem fullt starf
Rætt við Guðveigu Eyglóardóttur sem leiðir lista Framsóknarflokks í Borgarbyggð
Guðveig Eyglóardóttir oddviti Framsóknarflokks í Borgarbyggð. Ljósm. Gunnhildur Lind Photography.