Skessuhorn - 25.05.2022, Qupperneq 10

MIÐVIKUDAGUR 25. MAÍ 202210
Skrifað hefur verið undir samn­
ing um kaup Hraðfrystihús Hellis­
sands á Útgerðarfélaginu Hauki
ehf. í Ólafsvík sem á og rekur
dragnótarbátinn Gunnar Bjarna­
son SH­122. Kaupin eru þó háð
samþykki Samkeppniseftirlits­
ins sem alla jafnan tekur mánuð í
slíka afgreiðslu. Ólafur Rögnvalds­
son eigandi HH segir að kaupun­
um fylgi 300 þorskígildistonn. Bát­
urinn verður áfram gerður út frá
Snæfellsbæ en um borð er fimm
manna áhöfn.
„Með þessum kaupum erum
við í Hraðfrystihúsi Hellissands
að styrkja enn frekar útgerð okk­
ar á utanverðu Snæfellsnesi. Fyr­
irtæki okkar var upphaflega stofn­
að fyrir fólkið í byggðarlaginu og
með þessum kaupum erum við
að styrkja fyrir tækið og þar með
einnig byggðarlagið,“ segir Ólafur.
mm/ Ljósm. af.
Mikið líf hefur með vorinu færst í
hafnir Snæfellsbæjar sem og víð­
ar um land með tilkomu strand­
veiðanna. Hafa strandveiðibát­
ar víða af landinu komið í hafnirn­
ar á Arnarstapa, Rifi og til Ólafs­
víkur. Þótt þröngt sé í höfninni
á Arnarstapa hafa þó um 50 bát­
ar landað þar og aflinn verið mjög
góður þar að venju. Einnig hefur
bátum fjölgað mikið í Ólafsvík og
Rifi og sjómenn hafa verið fengsæl­
ir þótt veðrið hafi verið að stríða
þeim aðeins. Fiskverð hefur verið
gott og sjómenn hæst ánægðir með
það.
Línubátar hafa einnig verið að
gera það gott ásamt þeim drag­
nótarbátum sem enn eru að róa.
Flestir kvótabátar eru langt komn­
ir með að veiða upp í heimildir sín­
ar og nokkrir vertíðarbátar hættir
veiðum út af kvótaleysi. af
Hraðfrystihús Hellissands
kaupir Gunnar Bjarnason SH
Mikið líf í höfnum Snæfellsbæjar
Þröng getur stundum verið á miðunum. Hér er dragnótarbáturinn Egill SH að kasta nótinni á sama tíma og strandveiðibátur-
inn Sigrún GK er á skaki.
Reynir Guðjónsson hefur nýlega fest kaup á sínum fyrsta báti; Stellu SH og hefur
honum gengið mjög vel þrátt fyrir að þetta sé fyrsta strandveiðisumarið hans. Hér
er hann að vonum hæstánægður með þessa flottu fiska sem hann veifar stoltur. Ævar Þrastarson á Dodda SH bíður hér þolinmóður eftir löndun, en stundum þarf
að bíða í dágóðan tíma eftir löndun þegar margir bátar koma að landi á sama
tíma.
Heiðar Magnússon skipstjóri á línubátnum Brynju SH að draga línuna og ekki
annað að sjá en að það sé vænn fiskur sem hefur tekið.
Sigurður Aðalsteinsson
á Birni Kristjánssyni SH
var kátur við þrif eftir
löndun enda aflinn
góður hjá honum.
Þegar bátar bila úti á sjó hjálpast menn hver öðrum. Hér er línubáturinn Tryggvi
Eðvarðs SH að draga strandveiðibátinn Valdimar SH að landi.
Albert Guðmundsson
á Matthildi SH bíður
hér þolinmóður eftir
að þorskurinn bíti á
krókana hjá honum.
Hér er dragnótarbáturinn Ólafur Bjarnason SH að landa 15 tonnum af fiski á
meðan strandveiði bátarnir Kári SH og Margrét SU bíða eftir að komast að til
löndunar.