Skessuhorn - 01.06.2022, Blaðsíða 22

MIÐVIKUDAGUR 1. JÚNÍ 202222
Dagur í lífi...

Nafn: Sigurhanna Ágústa Einars-
dóttir heiti ég og er kölluð Ágústa
Einarsdóttir, nema þegar menn
eins og Valdimar frá Skessuhorninu
hringja og spyrja hvort Sigurhanna
sé í sigurvímu eftir að hafa unnið
núna í síðustu sveitarstjórnar-
kosningum með XD og óháðum í
Grundarfirði.
Fjölskylduhagir/búseta: Ég er
gift, á tvo unga drengi og eina
stjúpdóttir. Við búum í firðinum
fagra; 350 Grundarfjörður.
Starfsheiti/fyrirtæki: Athafna-
kona er heitið ef ég á að troða öllu
í eitt box, ég rek Líkamsræktina í
Grundarfirði með eiginmanni mín-
um og erum við einnig að fara að
reka Sólarsport í Ólafsvík. Ég sé
um heilsueflingu 60+ í Grundar-
firði ásamt Rut Rúnarsdóttur. Á
næstunni stíg ég inn í bæjarstjórn
Grundarfjarðar. Það er margt að
læra fram undan og tek ég því fagn-
andi.
Áhugamál: Ég er mikil félagsvera
og hef mikinn áhuga á mannrækt
í alla staði. Líkamleg og andleg
heilsa er eitthvað sem ég brenn fyr-
ir í dag. Ég hef gaman af lífinu og
mikinn metnað í að styðja við aðra í
að vaxa. Mér finnst gaman að baka
og geri ég mikið af því með strák-
unum mínum. Ég elska að ferðast
og upplifa ævintýri.
Dagurinn: Miðvikudagur 25. maí
Klukkan hvað vaknaðirðu og
hvað var það fyrsta sem þú gerð-
ir? Ég vaknaði klukkan 5:50 og fór
beint inn á bað þar sem íþróttafötin
mín voru tilbúin.
Hvað borðaðirðu í morgunmat?
Lúku af Cheerios fyrir spinning,
síðan þegar heim var komið þá fékk
ég mér Cheerios með rúsínum og
mjólk.
Hvenær fórstu til vinnu og
hvernig? Ég fór klukkan 6:10 á bíl.
Fyrstu verk í vinnunni? Kenna
spinningtíma.
Hvað varstu að gera klukkan 10?
Kenna síðasta tímann fyrir sumar-
frí í Heilsueflingu 60+, við fórum í
blöðrublak og dönsuðum færeyska
þjóðdansinn og línudans. Ég er
ekki danskennari en þau fá mig til
þess að gera ótrúlegustu hluti!
Hvað gerðirðu í hádeginu? Ég
fór að heimsækja ömmu mína á
Dvalarheimilið Jaðar í Ólafsvík.
Hvað varstu að gera klukkan 14?
Vinna í tölvunni.
Hvenær hætt og það síðasta sem
þú gerðir í vinnunni? Klukkan
14:40 fyllti ég á hreinlætisvörurnar.
Hvað gerðirðu eftir vinnu? Lagði
mig. Ég elska að leggja mig!
Hvað var í kvöldmat og hver eld-
aði? Grísakjöt, sætkartöflu franskar
og salat sem maðurinn minn eldaði
í air fryer.
Hvernig var kvöldið? Það var
rólegt fyrir framan sjónvarpið.
Hvenær fórstu að sofa? Klukk-
an 23.
Hvað var það síðasta sem þú
gerðir áður en þú fórst að hátta?
Ég tók til fötin fyrir mig og strák-
ana fyrir næsta dag.
Hvað stendur upp úr eft-
ir daginn? Ég elska þessa spurn-
ingu. Ég tek hana oft með sjálfri
mér áður en ég fer að sofa. Það sem
stóð upp úr var gleðin í heilsuefl-
ingunni. Þau eru svo þakklát, hrósa
óspart og segja það sem þau eru að
hugsa. Þau gáfu okkur kennurun-
um tvær pottaplöntur fyrir vetur-
inn í þakklætisskyni sem eiga að
lifa á meðan þau lifa. Smá pressa,
húmorinn er alltaf með í hverjum
einasta tíma. Heimsóknin til ömmu
stóð líka upp úr þar sem hún er 92
ára og hefur ennþá metnað fyrir því
að gera sig fína. Það er alltaf svo
gaman að hrósa henni því hún tek-
ur því svo vel og lyftist upp. Við átt-
um góða stund og fyrir hana er ég
þakklát.
Eitthvað að lokum? Langar að
benda á hvað þakklæti hefur sterk
áhrif á hamingju okkar.
Þakklæti hjálpar okkur að vekja
jákvæðar tilfinningar, lifa við betri
heilsu, takast betur á við streitu og
byggja upp sterkari sambönd. Við
getum fundið þakklæti í fortíðinni,
núinu eða í framtíðinni. Það er
alltaf hægt að auka þakklætisupp-
lifunina. Þakklætið sem þú upplifir
í dag er ekki háð því hversu mikið
þakklæti þú upplifir á morgun. Við
tökum sjálf meðvitaða ákvörðun
hver gildin okkar eru. Ég byrjaði
í minni sjálfsvinnu árið 2011, er
ennþá að og stefni á að stunda hana
áfram. Við verðum nefnilega aldrei
fullkomin. Við eigum öll misjafna
daga og ég elska að tala um tilfinn-
ingar. Stundum er maður alveg út
að „skíta“ og þá er mjög nauðsyn-
legt að hirða „skítinn“ upp eftir
sig og hafa húmorinn með. Mjög
nauðsynlegt!
Takk fyrir mig.
Athafnakonu í Grundarfirði
Það er jafnan mikil gleðistund hjá
kúnum þegar bændur hleypa þeim
út í fyrsta sinn í byrjun sumars eftir
alla inniveruna. Það var og kátt yfir
kúnum á Vestra-Reyni eftir hádeg-
ið á sunnudaginn þegar þær fengu
að fara út í góða veðrið. Fyrst var
þeim hleypt út í gerði við fjósið þar
sem mestu gleðistökkin voru tekin.
Síðan var þeim hleypt áfram og út á
slétturnar neðan við bæinn þar sem
kafgras beið þeirra. Þau Haraldur
og Lilja Guðrún bændur á Vestra-
-Reyni segja að gömlu kýrnar hafi
vitað það upp á hár um morguninn
hvað dagurinn bæri í skauti sínu.
Eftir mjaltir var borið á júgrin og
spenana Nivea áburður með sólar-
vörn upp á 30, mun betri vörn en
hefðbundin júgurfeiti. „Þær þess-
ar gömlu þekkja lyktina af Nivea
áburðinum og vita því hvað stend-
ur til. Komu sér fyrir í röð innan
við fjósdyrnar og biðu þess að opn-
að væri fyrir þeim,“ sagði Haraldur.
mm
„Það verða notaðir 30 svona brúsar í sumar. Ekki af því
að við erum flest rauðhærð á heimilinu, heldur besta
sólarvörnin á kýrnar. Semsagt á spenana, ekki annars-
staðar,“ skrifaði Haraldur bóndi með þessari mynd á FB.
Skvett úr klaufunum
Tekið á rás niður kúaveginn sem liggur á slétturnar.
Skvett úr klaufunum í gerði við fjósið.
Fjör.
Hreinsað úr klaufunum.
Haraldur, Eyþór og Lilja Guðrún gættu þess að allt færi vel fram.