Skólavarðan - 2021, Síða 10

10 SKÓLAVARÐAN VOR 2021
FÉLAGINN / Elías Gunnar Þorbjörnsson
Elías Gunnar Þorbjörnsson
Skóli: Lundarskóli
Starf: Skólastjóri
 X Ég er skólastjóri vegna þess að… Ég hef mjög gaman
af því að vinna með fólki og þá sérstaklega nemendum og
öllu því frábæra fólki sem starfar innan skólans okkar. Þetta
fólk sinnir frábæru starfi við að koma til móts við krakkana
okkar og finna leiðir til að gera skólastarfið fjölbreytt og ár-
angursríkt. Starf skólastjórans er svo þannig að maður þarf
svolítið að vera á tánum þar sem það getur alls konar komið
upp á á hverri stundu svo maður verður að vera sveigjanleg-
ur og láta ekki óvæntar uppákomur slá sig út af laginu. Það
er líka svo gaman að fá að fást við þessi fjölbreyttu verkefni
sem oft krefjast skapandi hugsunar og lausnaleitar með
fólki sem hefur þekkingu og áhuga á skólamálum.
 X Besta stund vikunnar… Þegar ég kemst út að hlaupa
sem ég reyni að gera nokkrum sinnum í viku. Það er
dásamlegt að fara út og hreinsa hugann, hvort sem það er í
götuhlaupum eða náttúruhlaupum. Svo er voða gott þessa
dagana þegar Manchester United vinnur hvern leikinn á
fætur öðrum, þá er gaman að vera til.
Í vinnunni eru bestu stundirnar þegar ég fæ að vinna
með nemendum sem hafa á einhvern hátt rekist á í skólan-
um og fá tækifæri til að ræða við þá og fara yfir málin. Þegar
það gengur vel og við náum sambandi og finnum lausnir þá
er ástæðan fyrir starfinu komin.
 X Þessu myndi ég vilja breyta… Ég myndi vilja að
skólinn gæti verið sveigjanlegri á margan hátt svo
við gætum sinnt nemendum okkar enn
betur en við gerum í dag. Það eru mjög
margir rammar utan um starfið sem
geta verið til trafala á stundum. Svo
væri gott að þjónusta við nemend-
ur í vanda yrði heildstæðari og ríki
og sveitarfélög hættu að benda á
hvort annað og tækju myndarlega
á því verkefni sem börn í vanda
glíma við. Vonandi verða ný „Far-
sældarlög“ okkur til framdráttar í
þessum málum.
MYND/ AUÐUNN NÍELSSON