Skólavarðan - 2021, Blaðsíða 27

VOR 2021 SKÓLAVARÐAN 27
Rakel Guðmundsdóttir / VIÐTAL
stundum að reyna að leiðrétta fullorðna
fólkið hvað það varðaði.“
Eykur víðsýni
Sjálf hefur Rakel ýmislegt lært af
þessari reynslu. „Þetta eykur náttúru-
lega víðsýni manns. Svo lengi lærir
sem lifir. Ég hafði ekkert verið að spá
mikið í þetta áður, þetta var allt nýtt
fyrir mér.“
Rakel fór að lesa sér til um trans
börn en hún nýtti sér það fræðiefni
svo í meistararitgerðinni. „Ég komst
til dæmis að því hvað er gert í öðrum
löndum en sums staðar þurfa öðruvísi
pælingar að vera í gangi. Við erum
talsvert umburðarlynd hérna gagnvart
hinseginleikanum, allavega miðað við
sum lönd.“
Starfsfólk annarra skóla hefur haft
samband við Rakel þar sem meist-
araritgerð hennar hefur vakið athygli.
„COVID-19 hefur komið í veg fyrir fundi
og kynningar en það eru víða trans börn
þannig að aðrir skólar eru að fást við
það sama og við höfum verið að gera.“
Rakel fjallar í ritgerðinni einnig
um trans strák á unglingsaldri sem
var í skólanum. Honum hafði liðið
þokkalega þar, en þó alltaf fundist hann
vera á skjön við aðra og spáði mikið í að
hann passaði hvergi inn í. „Ég fjallaði
um hann í ritgerðinni til að varpa ljósi
á skólann; fá sýn einhvers sem hafði
gengið í gegnum þetta og var kominn
aðeins frá. Hann átti til dæmis ekki
marga vini í skólanum en hann veit ekki
hvort það tengdist þessum kynjapæling-
um. Kannski var það bara karakterinn.
Hann talaði um sig sem „lóner“ en hann
varð ekki fyrir aðkasti, sem bendir til
að langflestir séu mjög umburðarlyndir
gagnvart óhefðbundinni tjáningu.“
Rakel segir að við séum dálítið
föst í þessari kynjuðu veröld. „Ég er
að vona að með aukinni umfjöllun og
fræðslu breytist þetta en auðvitað þyrftu
að vera fleiri fyrirmyndir í bókum og
námsefni þar sem margbreytileikinn
væri sýnilegur. Við erum líka að tala um
börn með óhefðbundna kyntjáningu og
börn hinsegin foreldra þannig að ég er
ekki bara að tala um trans börn.“
Það fer vel á því að ljúka þessari
grein á lokaorðunum í ritgerðinni:
„Það vakti sannarlega tilfinningar
að sjá regnbogafánann blakta við hún
á skólalóð Erpsskóla snemma morguns
í aðdraganda hinsegin daga 2019.
Regnbogafáninn er táknrænn þegar
kemur að réttindabaráttu hinsegin fólks
– trans fólk á sömuleiðis sinn eigin fána
sem stendur sem tákn fyrir réttinda-
baráttu þess. Í vetur mun kennurum
Erpsskóla standa til boða að fá afhentan
borðfána í umsjónarstofu sína gegn því
að samþykkja eins konar sáttmála um
að standa vörð um hinsegin málefni á
sínu svæði og tryggja þar með öryggi
og stuðla að betri líðan allra nemenda
í skólanum. Um leið munu þeir fá
hvatningu til að svara spurningum
nemenda um hinsegin málefni af
virðingu – jafnvel þótt þeir þekki ekki
alltaf svörin.
Trans börnum í grunnskóla fer
fjölgandi og skólar í dag þurfa að hafa
þekkingu á málum þeirra og kunna að
sýna skilning. Fram undan er vetur með
nýjum áskorunum fyrir Evu og einnig
fyrir Erpsskóla sem heldur áfram að
þróa vettvang sem býður fjölbreytileik-
ann velkominn. Það er von mín að
þetta verkefni kveiki áhuga skólafólks á
málefnum hinsegin barna í grunnskóla
og geti jafnvel orðið einhverjum þeirra
vegvísir. Þrátt fyrir að trans börn búi
yfir reynslu sem er um margt ólík því
sem jafnaldrar þeirra þekkja þá eru þau
fyrst og fremst börn! Það er því við hæfi
að enda á orðum Evu frá því í upphafi
rannsóknarvinnunnar:
Ertu að gera verkefni um trans
börn?
Þá varstu sko heppin að ég var í
bekknum þínum!“
„Það er von
mín að þetta
verkefni kveiki
áhuga skólafólks
á málefnum
hinsegin barna
í grunnskóla og
geti jafnvel orðið
einhverjum þeirra
vegvísir,” segir
Rakel Guðmunds-
dóttir.