Skólavarðan - 2021, Síða 38

38 SKÓLAVARÐAN VOR 2021
VIÐTAL / Menntamálaráðherra
og að við því yrði að bregðast. Við fórum
markvisst í að mæta þessari áskorun
með samstarfi ríkisins, sveitarfélaga og
stéttarfélaga. Meðal aðgerða sem við
réðumst í var að bjóða nemendum á
lokaári meistaranáms til kennsluréttinda
á leik- og grunnskólastigi launað
starfsnám. Markmiðið með því er að
hvetja nemendur til að ljúka námi á
tilsettum tíma og að þeir hefji störf við
kennslu sem fyrst að námi loknu. Annað
sem við gerðum var að bjóða nemendum
á lokaári að sækja um námsstyrk sem
gæti skapað hvata til að klára námið,“
segir Lilja.
Áætlaður kostnaður ríkisins vegna
þess er á bilinu 200 til 250 milljónir.
Lilja segir starfstengda leiðsögn vera
annað atriði sem skipti máli til að
sporna við brotthvarfi nýútskrifaðra
kennara úr starfi. „Þetta skiptir máli
og ég tel mikilvægt að fjölga kennurum
sem búa yfir þekkingu til að taka á móti
nýliðum í kennslu. Góður stuðningur er
lykilatriði og kemur í veg fyrir brott-
hvarf úr kennarastarfinu.“
Þegar ráðist er í viðamiklar aðgerðir
af þessum toga segir Lilja mikilvægt að
samstarf allra aðila sé gott. Nú þegar
sjáist góður árangur, eða um 40 prósent
fjölgun kennaranema ár eftir ár.
„Við höfum átt afar gott samstarf
við háskólana sem mennta kennara,
kennaraforystuna og sveitarfélögin
og allir eru staðráðnir í að ná utan
um verkefnið. Ég hef í kjölfarið séð
vaxandi áhuga á kennaranáminu enda
er það mín skoðun að kennarar séu
mikilvægasta fólkið í lífi barna fyrir
utan foreldra, ömmur og afa. Þetta er
ekki flókið.“
Lilja segir mikilvægt að kennara-
nemar sjái framtíð sína í kennslu. „Við
verðum að búa svo um hnútana að
starfsumhverfi kennara sé gott. Ég hef
rætt þessi mál við menntamálaráðherra
í öðrum löndum og allt ber að sama
brunni; til þess að státa af framúrskar-
andi menntakerfi þarf að hlúa að starfs-
umhverfi í skólum og kennarar þurfa
að upplifa að starf þeirra sé viðurkennt
og metið í samfélaginu. Það er staðföst
skoðun mín að gott menntakerfi sé
eitt mesta jöfnunartæki samfélagsins
og það besta sem við getum gert fyrir
börn og ungmenni sé að bjóða upp á
öflugt menntakerfi þar sem hver og einn
fær tækifæri til að blómstra á sínum
forsendum,“ segir Lilja.
Starfsþróun ákaflega mikilvæg
Áhersla á starfsþróun kennara og
skólastjórnenda hefur farið vaxandi
síðustu árin. Menntamiðju þekkja
margir en hún hefur frá árinu 2012
verið vettvangur fyrir samstarf á
sviði starfsþróunar, nýsköpunar og
þróunarstarfs í menntakerfinu. Fyrir
skemmstu var skrifað undir samkomu-
lag um rekstur Menntamiðju til 2024
en þar koma saman auk ráðuneytisins
Kennarasambandið, Menntavísindasvið
HÍ, Reykjavíkurborg, Sambandið og
Menntamálastofnun, auk Háskólans á
Akureyri, Háskóla Íslands, Háskólans í
Reykjavík og Listaháskólans.
„Ég er gríðarlega stolt af þessu
samstarfi og hvernig allir þessir
aðilar taka höndum saman um að efla
starfsþróun og fjárfesta í framtíðinni
með áherslu á mikilvægi kennarans.
Það er gríðarlegur styrkur fólginn í
þessu samstarfi og engin spurning að
sú starfsþróun sem er í boði verður
„Ég er gríðarlega
stolt af þessu
samstarfi og
hvernig allir þessir
aðilar taka hönd-
um saman um að
efla starfsþróun og
fjárfesta í framtíð-
inni með áherslu á
mikilvægi kennar-
ans,“ segir Lilja.
Börn sem hafa
annað móðurmál
en íslensku eru
auðlind fyrir
samfélagið.