Mosfellingur - 13.01.2022, Blaðsíða 34

Takk og 20 mínúTur
Það er margt í kollinum núna.
Þakklæti til dæmis. Hitti
góðan mann í síðustu viku sem vann
fyrir íþróttafélag í fimm ár, en er nú
kominn í nýtt starf. Hann sagðist
hafa saknað þess að hafa ekki heyrt
oftar frá fólki á jákvæðum nótum,
fólk var duglegt að hringja þegar
eitthvað var að, en nánast aldrei
til að hrósa. Þetta er jákvæður og
hress náungi og þetta er hárrétt hjá
honum, það verður að muna að
hrósa og sýna þakklæti fyrir það sem
vel er gert. Ég gríp boltann og segi
stórt takk til allra ykkar starfsmanna
og sjálfboðaliða hjá íþróttafélögum
Mosfellsbæjar. Ég veit að það er
margt á ykkar könnu og að þið gerið
ykkar besta.
Ég er líka að velta fyrir mér
áherslum frambjóðenda og
flokka, sérstaklega á sviði íþrótta
og heilsueflingar. Það eru margir
góðir í framboði og ég er bjartsýnn á
framtíð Mosfellsbæjar. Ég er óflokks-
bundinn og verð það áfram, en ég
lofa hér með atkvæði á þá sem vilja
og ætla hugsa stórt og byggja Íþrótta-
þorp á Varmársvæðinu. Íþróttaþorp
með aðstöðu fyrir íþróttamenn
og almenning til að æfa, borða,
setjast niður og ræða málin, horfa
á beinar útsendingar, fara í nudd,
fá sjúkraþjálfun, og svo framvegis.
Allt á einum stað. Íþróttahjarta
Mosfellsbæjar. Hugsanlega þarf að
fórna einhverju svo þetta geti orðið
og endurmeta þörf og áhuga íbúa
á aðstöðu og íþróttagreinum, núna
og til framtíðar. Ekki festast í halda
í aðstöðu og byggingar bara af því
að þær stóðu einu sinni fyrir sínu og
voru vel nýttar. Hvað er til dæmis oft
(full)setið í stúkunni við aðalvöllinn
okkar?
Svo er hér æfingaáskorun fyrir þá
sem eru að byggja
sig upp fyrir fella-
og fjallgöngur
í sumar. 20
mínútur, fram-
stigsganga og
jafnfætis stökk til
skiptist. Utanveg-
ar, helst eitthvað
upp í móti. Njótið!
Heilsumolar gaua
- Nýársávarp34
Guðjón
Svansson
gudjon@kettlebells.is
www.fastmos.is
Við áramót
Nýársávarp bæjarstjóra Mosfellsbæjar
Kæru Mosfellingar!
Það er góður siður við áramót að líta um öxl, rifja upp það
sem gekk vel og ekki síður skoða hvað mun mæta okkur á nýju
ári.
Árið 2021 var í raun gjöfult ár þótt annað árið í röð þyrftum
við að glíma við afleiðingar kórónuveirunnar í okkar daglega
lífi. Efnahagslífið tók að rétta úr kútnum, atvinnuleysi fór
minnkandi og hagur sveitarfélaganna batnaði lítillega. Við
eigum þó nokkuð í land með að ná okkar styrk frá því áður en
veiran skæða fór að herja á okkur. Þegar þessi orð eru skrifuð
eru smittölur í hæstu hæðum og víðtækar samkomutakmark-
anir í gildi. En góðu fréttirnar eru þær að hlutfall smitaðra sem
þurft hafa á sjúkrahúsinnlögn að halda er mun lægra en áður í
faraldrinum og álit sérfræðinga er að það sé því að þakka hversu
hátt hlutfall þjóðarinnar hefur látið bólusetja sig. Bólusetning
er besta vörnin gegn Covid-19. Ég hef þá trú að þrátt fyrir háar
smittölur þessa dagana þá verði ekki langt að bíða eftir því að
þessi faraldur verði að mestu leyti yfirstaðinn.
Metnaðarfull áætlun og þjónustan varin
Líkt og á árinu 2020 reyndi mikið á skipulag starfsemi Mos-
fellsbæjar á árinu 2021. Það hefur verið mikið um sóttvarnar-
reglur og samkomutakmarkanir á árinu og veiran komið og
farið ef svo má segja. En þrátt fyrir það hefur tekist að halda
úti órofinni starfsemi sveitarfélagsins og þjónustan hefur verið
varin.
Það hefur oft á tíðum ekki verið einfalt verk en starfsfólk og
stjórnendur Mosfellsbæjar hafa staðið vaktina af einstakri elju-
semi, ábyrgð og festu. Það eru mikil verðmæti fyrir samfélagið
okkar hér hversu vel hefur tekist til við rekstur og þjónustu bæj-
arins á þessu krefjandi tímum. Fyrir það vil ég þakka starfsfólki
bæjarins kærlega fyrir.
Fjárhagsáætlunin fyrir árið 2022 er metnaðarfull. Í henni er
gert ráð fyrir að afgangur verði af rekstri bæjarins sem nemi
rúmum 200 m.kr. Það er viðsnúningur frá síðustu tveimur árum
þegar töluverður halli hefur verið á rekstrinum sem orsakaðist
að mestu vegna tekjufalls í þjóðfélaginu vegna kórónuveirunn-
ar. Fjárfestingar verða í sögulegu hámarki en gert er ráð fyrir að
fjárfest verði fyrir rúmar 2.900 m.kr. á árinu 2022.
Þar ber hæst að hafist verður handa við byggingu nýs 120
barna leikskóla í Helgafellshverfi, byggingu íþróttahúss við
Helgafellsskóla og nýja þjónustubyggingu við íþróttamiðstöðina
að Varmá. Þetta eru dæmi um framkvæmdir sem haldast þétt
í hendur við öra stækkun sveitarfélagsins.
Allt er þetta gert til þess að mæta þörfum
íbúa í nútíð og framtíð og á þátt í að auka
lífsgæði og velferð þeirra.
Á nýju ári munu álögur á íbúa og fyrirtæki
ekki hækka að raungildi og lækka í nokkr-
um tilfellum. Þjónusta við íbúa hefur eflst
jafnt og þétt og þar er sígandi lukka best.
Sú fyrirhyggja og ráðdeild sem sýnd hefur
verið er ástæða þess að við sjáum aftur fram
á bjartari tíma í rekstri bæjarins en við verð-
um áfram að vera vakandi yfir rekstrinum.
Ég vil leyfa mér að taka byggingu Helga-
fellsskóla, sem nú er komin í rekstur, sem
dæmi um ráðdeild en skólinn var afhentur
á réttum tíma og kostnaðurinn var 2% undir kostnaðaráætlun.
Slíkur árangur næst ekki af sjálfu sér og liggur ekki hjá einum
einstaklingi heldur vaskri sveit starfsmanna og stjórnenda.
Persónuleg tímamót
Í haust tók ég þá ákvörðun að gefa ekki kost á mér til end-
urkjörs í bæjarstjórn í kosningunum sem eru fram undan. Ég
mun því láta af störfum sem bæjarstjóri í vor. Ég hafði leitt
hugann að því fyrir fjórum árum að þetta kynni að verða mitt
síðasta kjörtímabil í bæjarstjórn Mosfellsbæjar. Ég hef verið
bæjarstjóri frá árinu 2007, lengst allra sem gegnt hafa þessu
embætti í Mosfellsbæ. Það hefur verið einstakur heiður að fá
að gegna þessu starfi allan þennan tíma og fá að vinna fyrir
samfélagið hér í Mosfellsbæ.
Íbúum hefur fjölgað um helming á þessum tíma og gríðarleg
uppbygging átt sér stað. Heildarfjárfesting bæjarfélagsins nem-
ur rúmlega 23 milljörðum króna á tímabilinu. Allt hefur þetta
verið unnið á sterkum grunni samstarfs við samstarfsflokk okkar
og skýrri framtíðarsýn okkar um það hvað Mosfellsbær stendur
fyrir. En þess má geta að á þessu tímabili hefur Mosfellsbær
mótað sér heildarstefnu með gildum bæjarins, framtíðarsýn og
stefnuáherslum og svo hefur stefnumótun átt sér stað í öllum
málaflokkum á grundvelli þessarar heildarstefnu.
Fjárfestingin er að stofni til í skóla- og íþróttamannvirkjum og
ef litið er yfir farinn veg þá má segja að eftirfarandi beri hæst:
Af skólamannvirkjum má nefna byggingu 2. og 3. áfanga
Lágafellsskóla, stækkun Huldubergs, byggingu Krikaskóla,
Framhaldsskólans, Höfðabergs og Leirvogstunguskóla. Nýjasta
skólamannvirkið er svo Helgafellsskóli sem er stærsta einstaka
framkvæmdin sem Mosfellsbær hefur ráðist í.
Af íþrótta- og tómstundamannvirkjum má nefna byggingu
Lágafellslaugar, nýtt gras og stúka á gervigrasvöllinn, byggingu
fimleikahúss og tengibyggingu með félags- og skrifstofuaðstöðu
fyrir Aftureldingu, stækkun golfvallarins og nýs golfskála,
reiðhöll Hestamannafélagsins Harðar, nýtt
skátaheimili og svo síðast en ekki síst, fjöl-
nota knattspyrnuhúsið okkar Fellið.
Á sviði velferðarmála má nefna stækkun
félagsmiðstöðvar eldri borgara á Hlaðhömr-
um, byggingu hjúkrunarheimilisins Hamra
og stofnsetningu áfangaheimilisins Króks,
heimilis fyrir börn og frístundaklúbbsins
Úlfsins.
Það sem er mjög mikilvægt í þessu sam-
hengi er að af þessum 23 milljörðum sem
varið hefur verið í þessar fjárfestingar hefur
því sem næst helmingur fjárins komið úr
rekstrinum sjálfum eða sem veltufé frá rekstri. Það er einstakur
árangur á alla mælikvarða.
En mest um vert er að bæjarbúar eru stoltir af sínu sveitar-
félagi, þeir standa vörð um samfélagið og sú þjónusta sem við
veitum er í fremstu röð samkvæmt mælingum. Það er mikill
heiður að vera treyst fyrir því að vera bæjarstjóri
og vinna þannig fyrir samfélagið hér í Mos-
fellsbæ. Ég hef notið hvers dags og er afar
þakklátur fyrir að hafa verið treyst fyrir
þessu verkefni. Ég mun gegna starfi
bæjarstjóra af trúmennsku þar til í vor
þegar kjörtímabilinu lýkur.
Framtíðin er björt í Mosfellsbæ og
með gildin okkar góðu VIRÐINGU – JÁ-
KVÆÐNI - FRAMSÆKNI og UMHYGGJU
að leiðarljósi eru okkur allir vegir
færir sem fyrr.
Gleðilegt og gæfuríkt nýtt ár
kæru Mosfellingar.
Haraldur Sverrisson
Bæjarstjóri
En mest um vert er
að bæjarbúar eru
stoltir af sínu sveitarfé-
lagi, þeir standa vörð um
samfélagið og sú þjón-
usta sem við veitum er í
fremstu röð samkvæmt
mælingum.
flugeldasýning á
þrettándanum 2019
M
yn
d/
Ra
gg
iÓ
la