Mosfellingur - 07.04.2022, Page 26

Hreinsunarátak í Mosfellsbæ
Þverholt 2 I Mosfellsbær 270 I Sími 525 6700 I mos.is
Allir íbúar Mosfellsbæjar eru hvattir til
að taka þátt í hreinsunarátaki Mosfells-
bæjar og hjálpast að við að gera bæinn
fallegan og snyrtilegan fyrir sumarið.
VORIÐ ER Á NÆSTA LEITI
Dagana 13. apríl – 4. maí verður hreinsunarátak í
Mosfellsbæ enda vorið á næsta leiti. Á því tímabili eru
íbúar Mosfellsbæjar hvattir til að huga að umhverfinu
og hreinsa í kringum hús sín og nánasta umhverfi.
Hreinsun gróðurs og lóða
Meðan á hreinsunarátakinu stendur er gott tækifæri fyrir íbúa að
taka til hendinni í garðinum og snyrta runna og beð og eru þeir
sérstaklega hvattir til að klippa hekk og tré sem ná yfir gang-
stéttar og stíga.
Gámar fyrir garðaúrgang verða aðgengilegir á þessu
tímabili í hverfum bæjarins á eftirtöldum stöðum:
• Holta- og Tangahverfi – Neðan Þverholts
(milli Akurholts og Arnartanga)
• Höfða- og Hlíðahverfi – Vörubílastæði við Bogatanga
• Teiga- og Reykjahverfi – Skarhólabraut ofan
Reykjavegar og við Sunnukrika
• Hlíðartúnshverfi – Við Aðaltún
• Helgafellshverfi – Efst í Brekkulandi og við Snæfríðargötu
• Leirvogstunga – Á stæði við stoppistöð á Tunguvegi
• Mosfellsdalur – Á bílastæði við Þingvallaveg
Gatna- og stígahreinsun
Á þessu tímabili mun einnig fara fram þvottur og sópun gang-
stétta og gatna bæjarins. Í fyrstu verða stofngötur og stígar
ásamt stofnanaplönum sópuð og í framhaldi verður farið inn í
hverfi bæjarins og verða merkingar settar á áberandi staði áður
en sú vinna hefst. Til að þetta verði sem best gert þurfum við
á aðstoð íbúa að halda með því að leggja ekki ökutækjum eða
öðrum farartækjum á götum eða gangstéttum meðan á hreinsun
stendur.
Eftirtalda daga verða gatnahreinsunarmenn að störfum í
hverfunum. Gangstéttar og götur þvegnar og sópaðar.
11. apríl - Reykja- og Krikahverfi
12. apríl - Teiga- og Helgafellshverfi.
13. apríl - Holtahverfi.
19. apríl - Tangahverfi.
20. apríl - Hlíða- og Hlíðartúnshverfi.
22. apríl - Höfðahverfi.
25. apríl - Leirvogstunguhverfi.
HREINSuNARdAGAR Á OpNuM
SVÆÐuM 22. – 24. ApRíL
Helgina 22. – 24. apríl verður ráðist í hreinsunarátak á opnum
svæðum bæjarins og meðfram nýbyggingarsvæðum. Afturelding
og skátafélagið Mosverjar munu að venju aðstoða við hreinsunina
og taka vel til hendinni.
Umhverfissvið Mosfellsbæjar
- Kammerkórinn kveður26
Kammerkór Mosfellsbæjar heldur vortónleika
sína 28. apríl næstkomandi. Þetta verða síðustu
tónleikar kórsins og um leið eru þetta afmæl-
istónleikar því um þessar mundir er tuttugasta
starfsári kórsins að ljúka.
Símon H. Ívarsson gítarleikari stofnaði Kamm-
erkór Mosfellsbæjar árið 2002 og hefur stjórnað
honum alla tíð síðan. Kórinn hefur staðið fyrir
blómlegu tónlistarstarfi í Mosfellsbæ og víðar.
Kammerkórinn er áhugamannakór sem jafnan
hefur sýnt metnað í tónlistarvali. Árið 2014 gaf
kórinn út hljómdisk sem ber nafnið Mitt er þitt,
en þar flytur hann kórverk úr ýmsum áttum ásamt
hljóðfæraleikurum úr Sinfóníuhljómsveit Íslands
og jazzhljómsveit undir stjórn Reynis Sig.
Á fordæmalausum Covid-tímum undanfarin
tvö ár hefur kvarnast nokkuð úr kórnum, rétt eins
og fleiri kórum og tónlistarhópum hér á landi.
Fyrir lokatónleikana var ákveðið að bjóða
nokkrum eldri kórfélögum að slást í hópinn og
verða á tónleikunum m.a. flutt ýmis þeirra laga
sem kórinn hefur sungið á liðnum árum.
Tónleikarnir verða í Guðríðarkirkju í Grafar-
holti fimmtudaginn 28. apríl og hefjast klukkan
20:00. Einsöngvarar með kórnum eru Ásdís Arn-
alds, Kristín R. Sigurðardóttir og Björn Trausta-
son.
Hljóðfæraleikarar eru Guðni Franzson klarin-
ettuleikari, Hrafnkell Sighvatsson og Ívar Símon-
arson gítarleikarar.
Kammerkór Mosfellsbæjar heldur sína síðustu tónleika 28. apríl
Afmælis- og kveðjutónleikar
kammerkór mosfellsbæjar