Mosfellingur - 23.06.2022, Blaðsíða 22

- Fréttir úr bæjarlífinu22
Þ verholt 2 I Mosfellsbær 270 I Sími 525 6700 I mos.is
Tillaga að deiliskipulagi
Frístundabyggð í Miðdalslandi,
Mosfellsbæ
Mosfellsbær auglýsir hér með tillögu að nýju
deiliskipulagi skv. 1. mgr. 41. gr. skipulagslaga nr
123/2010:
Um er að ræða nýtt deiliskipulag milli Nesjavallavegar
og Selvatns, á 5 ha. lóð með landnr. 213970. Samkvæmt
tillögunni er landinu skipt upp í sex frístundalóðir þar
sem heimilt verður að reisa fimm frístundahús allt að
130 m² og eitt allt að 200 m². Aðkoma að lóðunum er um
veg sem liggur frá Nesjavallavegi.
Tillagan er aðgengileg í Þjónustuveri Mosfellsbæjar,
Þverholti 2, svo þau sem þess óska geti kynnt sér
tillöguna og gert við hana athugasemdir. Tillagan er
einnig kynnt á vef Mosfellsbæjar á slóðinni
www.mos.is/skipulagsauglysingar
Athugasemdir skulu vera skriflegar og skal senda þær
til skipulagsnefndar Mosfellsbæjar, Þverholti 2, 270
Mosfellsbæ, eða í tölvupósti á skipulag@mos.is.
Athugasemdafrestur er frá 23. júní til og með 8. ágúst
2022.
Skipulagsfulltrúi í Mosfellsbæjar
Kristinn Pálsson
Þann 10. júní var merkisstund á Reykja-
lundi þegar íþróttakennarinn og ung-
barnasundþjálfarinn Óli Gísla stýrði sínum
síðasta tíma í ungbarnasundi.
Óli Gísla hefur boðið upp á tíma í ung-
barnasundi í sundlaug Reykjalundar allt frá
árinu 2001. Sundkennsla hans hefur notið
gríðarlegra vinsælda og hafa flest árin verið
bæði í boði byrjendanámskeið og fram-
haldsnámskeið í ungbarnasundinu.
Óli hefur nú ákveðið að draga sig í hlé
á þessum vettvangi og afhent Fabio La
Marca keflið en Fabio mun taka við ung-
barnasundtímum í Reykjalundarlauginni
næsta haust.
Hafdís Huld söng í síðasta tímanum
Það var fjöldi manns viðstaddur þennan
síðasta kennslutíma Óla Gísla. Söngkonan
Hafdís Huld stýrði söngnum í tímanum
ásamt gítarleikara en allir tímarnir ganga
mikið út á söng og leiki með börnunum.
Sérstakur gestur var Snorri Magnússon en
hann er nánast guðfaðir ungbarnasund-
kennslu hér á landi.
Reykjalundi fannst vel við hæfi að færa
Óla smávægilega kveðju á þessum tíma-
mótum en það var Myndagleði Heklu og
Röggu sem smellti af fjölda mynda við
þetta tækifæri, meðal annars þessari sem
fylgir fréttinni.
Á myndinni eru frá vinstri: Helgi Kristj-
ónsson, framkvæmdastjóri rekstrarsviðs
Reykjalundar, Óskar Jón Helgason, fram-
kvæmdastjóri þjálfunar og ráðgjafar á
Reykjalundi, Pétur Magnússon forstjóri
Reykjalundar, Óli Gísla sjálfur, Fabio La
Marca og Snorri Magnússon.
Reykjalundur þakkar Óla kærlega fyrir
samfylgdina og samstarfið á öllum þessum
árum og óskar honum allra heilla í nýjum
verkefnum.
Síðasti ungbarnasundstími
Óla Gísla eftir 22 ára starf
að loknum síðasta sund-
tímanum á Reykjalundi
„Við erum að gera lífið skemmtilegra! Þessi
leikjakerra er stórskemmtileg, full af alls-
konar dóti og leikjum sem hægt er að setja
upp með litlum fyrirvara við ýmis tilefni,“
segir Valdimar Gunnarsson, framkvæmda-
stjóri Ungmennasambands Kjalarnesþings
(UMSK).
Þetta er regnhlíf fjölmargra íþróttafélaga
á höfuðborgarsvæðinu, Kraganum svokall-
aða. Afturelding og aðildarfélög eru innan
sambandsins.
UMSK hefur ráðið tvo starfsmenn til
að aka með leikjakerruna um höfuðborg-
arsvæðið í sumar. Annar þeirra er Jörgen
Nilsson sem margir þekkja úr Ungmenna-
búðum UMFÍ bæði í Sælingsdal og á Laug-
arvatni. Hann ætlar ásamt þýska íþrótta-
fræðinemanum Lennart Zepper að aka
um sambandssvæði UMSK á höfuðborgar-
svæðinu og setja upp leikjagarða þar sem
kerran stoppar.
Leikjavagninn í Mosó næstu daga
Ferð leikjakerrunnar hefst við Hlégarð
í Mosfellsbæ og verður hún þar í nokkra
daga.
„Við erum búnir að aka um Mosfellsbæ
þveran og endilangan. Fólk hefur mikinn
áhuga á dótinu okkar enda er kerran full af
skemmtilegheitum. Öllu fólki á öllum aldri
er velkomið að koma og skemmta sér með
okkur. Leikirnir eru endurgjaldslausir og
stórskemmtilegir fyrir alla,“ segir Valdimar
Gunnarsson.
Leikjavagn UMSK við Hlégarð 24., 27., 28. og 29. júní
Gera lífið skemmti-
legra með leikjakerru